ನಾಳೆ ‘ರಿದಂ’ ಟ್ರೈಲರ್ ಬಿಡುಗಡೆ

ಮಂಜು ಮಿಲನ್ ನಟಿಸಿ ನಿರ್ದೇಶಿಸಿರುವ ‘ರಿದಂ’ ಚಿತ್ರದ ಟ್ರೈಲರ್ ನಾಳೆ ಆನಂದ್ ಆಡಿಯೋ ಯುಟ್ಯೂಬ್ ಚಾನೆಲ್ ನಲ್ಲಿ ಬಿಡುಗಡೆಯಾಗಲಿದೆ.

ಈ ಕುರಿತು ಚಿತ್ರತಂಡ ಸೋಶಿಯಲ್ ಮೀಡಿಯಾದಲ್ಲಿ ಘೋಷಣೆ ಮಾಡಿದೆ. ‘ರಿದಂ’ ಚಿತ್ರ ಟೈಟಲ್ಲಿಂದಲೇ ಸಾಕಷ್ಟು ನಿರೀಕ್ಷೆ ಮೂಡಿಸಿದೆ.

‘ರಿದಂ’  ಚಿತ್ರವನ್ನು ಎನ್ ಆರ್ ಮಂಜುನಾಥ ತಮ್ಮ ಮಂಜುನಾಥ್ ಮೂವೀಸ್ ಬ್ಯಾನರ್ ನಲ್ಲಿ ನಿರ್ಮಾಣ ಮಾಡಿದ್ದಾರೆ. ಮಂಜು ಮಿಲನ್ ಗೆ ಜೋಡಿಯಾಗಿ ಕಿರುತೆರೆ ನಟಿ ಮೇಘಶ್ರೀ ಅಭಿನಯಿಸಿದ್ದಾರೆ. ಸುಮನ್, ಮಹೇಶ್ ಮಹಾದೇವ್, ಶ್ರೀನಿವಾಸ್ ಮೂರ್ತಿ, ಶಿವರಾಂ, ಭವ್ಯ, ಮುಖ್ಯಮಂತ್ರಿ ಚಂದ್ರು, ಗಿರಿಜಾ ಲೊಕೇಶ್, ಪದ್ಮ ವಸಂತಿ ಮುಂತಾದವರು ಪೋಷಕ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಎ.ಟಿ. ರವೀಶ್ ಸಂಗೀತ ಸಂಯೋಜನೆ ನೀಡಿದ್ದು, ಅಲ್ಟಿಮೇಟ್ ಶಿವು, ಫಯಾಜ್ ಖಾನ್ ಹಾಗೂ ಗಣೇಶ್ ಅವರ ಸಾಹಸ ನಿರ್ದೇಶನ ‘ರಿದಂ’ ಸಿನಿಮಾಗೆ ಇದೆ.  ಅಚ್ಚು ಸುರೇಶ್, ಮಂಜುನಾಥ್, ಯೋಗೇಶ್ ಛಾಯಾಗ್ರಹವಿದೆ.

‘ರಿದಂ’ ಚಿತ್ರ  ನವೆಂಬರ್ 22ರಂದು ರಾಜ್ಯಾದ್ಯಂತ ತೆರೆ ಮೇಲೆ ಬರಲಿದೆ. ಟ್ರೈಲರ್ ಬಿಡುಗಡೆ ಬಳಿಕ ಸಿನಿಪ್ರಿಯರಿಗೆ ಚಿತ್ರದ ಬಗ್ಗೆ ಒಳನೋಟ ಸಿಗಲಿದೆ.