‘ರಂಗಿ ತರಂಗ’ ಅನೂಪ್​ ಭಂಡಾರಿ ಜೊತೆ ಕಿಚ್ಚ ಸುದೀಪ್ ನ​ ಹೊಸ ಸರಪ್ರೈಸ್..!

ಕನ್ನಡ ಚಿತ್ರರಂಗದ ಬಾದ್​ಷಾ, ಅಭಿಮಾನಿಗಳ ನೆಚ್ಚಿನ ಕಿಚ್ಚ ಸುದೀಪ್ ಸದಾ ಒಂದಿಲ್ಲೊಂದು ಸರಪ್ರೈಸ್ ಕೊಡ್ತಾನೇ ಇರ್ತಾರೆ. ಬಿಗ್​ಬಾಸ್ ನಿರೂಪಣೆ, ಪೈಲ್ವಾನ್, ಕೋಟಿಗೊಬ್ಬ-3 , ಹೀಗೆ ಒಂದಿಲ್ಲೊಂದು ಕಾರ್ಯದಲ್ಲಿ ಸದಾ ಬ್ಯೂಸಿ ಆಗಿರೋ ಸುದೀಪ್, ಈಗ ಅಭಿಮಾನಿಗಳಿಗೆ ಮತ್ತೊಂದು ಸರಪ್ರೈಸ್ ಕೊಟ್ಟಿದ್ದಾರೆ.

ರಂಗಿತರಂಗದಂಥ ಸೂಪರ್​ ಹಿಟ್​​ ಚಿತ್ರ ಕೊಟ್ಟಿದ್ದ ಅನೂಪ್ ಭಂಡಾರಿ, ರಾಜರಥದಂಥ ಪ್ಲಾಪ್ ಚಿತ್ರವನ್ನೂ ಕೊಟ್ಟು, ಕೆಲ ಕಾಲ ಚಿತ್ರರಂಗದಲ್ಲಿ ಕಾಣಿಸಿಕೊಂಡಿರಲಿಲ್ಲ. ಆದ್ರೆ, ಸದ್ಯ ಕಿಚ್ಚ ಸುದೀಪ್ ಅನೂಪ್ ಭಂಡಾರಿ ಜೊತೆ ಕೈ ಜೋಡಿಸಿದ್ದಾರೆ. ಈ ಬಗ್ಗೆ ಸ್ವತಃ ಕಿಚ್ಚಾ ಸುದೀಪ್ ಅವರೇ ಟ್ವೀಟ್ ಮಾಡಿದ್ದು, ನನ್ನ ನಿರ್ಮಾಣ ಸಂಸ್ಥೆಯು ಅನೂಪ್​ ಭಂಡಾರಿ ಸಂಸ್ಥೆಯೊಂದಿಗೆ ಒಪ್ಪಂದ ಮಾಡಿಕೊಂಡಿರೋದನ್ನು ತಿಳಿಸಲು ಸಂತಸವಾಗುತ್ತಿದೆ. ಮತ್ತೆ ನಿರ್ಮಾಣ ಕಾರ್ಯದಲ್ಲಿ ತೊಡಗುವ ಯೋಚನೆಯೇ ನನಗೆ ಎಕ್ಸೈಟ್​ಮೆಂಟ್ ತಂದು ಕೊಟ್ಟಿದೆ. ಹೆಚ್ಚಿನ ವಿವರವನ್ನು ಇದೇ ಗುರುವಾರ ಸಂಜೆ ತಿಳಿಸುತ್ತೇನೆ ಅಂತಾ ಹೇಳಿದ್ದಾರೆ.