‘ರಾಜು ಜೇಮ್ಸ್ ಬಾಂಡ್‌’ ಫೆ. 14ರಂದು ಬಿಡುಗಡೆ

ಕಾಮಿಡಿ-ಥ್ರಿಲ್ಲರ್‌ ಅಂಶಗಳನ್ನೊಳಗೊಂಡ ‘ರಾಜು ಜೇಮ್ಸ್ ಬಾಂಡ್‌’ ಚಿತ್ರ  ಫೆ. 14ರಂದು  ರಾಜ್ಯದಾದ್ಯಂತ  ಕನ್ನಡ ಮತ್ತು ಹಿಂದಿ ಭಾಷೆಗಳಲ್ಲಿ ಏಕಕಾಲದಲ್ಲಿ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.

ಫಸ್ಟ್ ರ್ಯಾಂಕ್ ರಾಜು ಚಿತ್ರದ  ನಟ ಗುರುನಂದನ್   ‘ರಾಜು ಜೇಮ್ಸ್ ಬಾಂಡ್‌’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಮಂಜುನಾಥ್ ವಿಶ್ವಕರ್ಮ ಮತ್ತು ಕಿರಣ್ ಭರ್ತೂರ್ ಅವರ ಬ್ಯಾನರ್ ಅಡಿಯಲ್ಲಿ ಕರ್ಮ ಬ್ರದರ್ಸ್ ನಿರ್ಮಿಸಿರುವ ‘ರಾಜು ಜೇಮ್ಸ್ ಬಾಂಡ್’ ಅಮೆರಿಕ, ಇಂಗ್ಲೆಂಡ್, ಕೆನಡಾ, ಆಸ್ಟ್ರೇಲಿಯಾ ಮತ್ತು ಇತರ ದೇಶಗಳಲ್ಲಿ  ಬಿಡುಗಡೆಗೆ ಸಿದ್ಧವಾಗಿದೆ.

ಎರಡನೇ ಹಾಡು ‘ಕಣ್ಮಣಿ’ ಬಿಡುಗಡೆಗೊಳಿಸಿ ಮಾತನಾಡಿದ ನಿರ್ಮಾಪಕ ಕಿರಣ್ ಭರ್ತೂರ್, ಚಿತ್ರವು ದ್ವಿ-ಭಾಷೆಯಲ್ಲಿ ಬಿಡುಗಡೆಯಾಗಲಿದೆ.  ‘ರಾಜು ಜೇಮ್ಸ್ ಬಾಂಡ್’  ನ್ನು ಹಿಂದಿಯಲ್ಲಿ ಡಬ್ ಮಾಡಲಾಗಿದೆ. ಹಿಂದಿ ಗಾಯಕರೇ ಹಾಡಿಗೆ ಧ್ವನಿಯಾಗಿದ್ದಾರೆ. , ನಾವು ನೇಪಾಳಿಯಲ್ಲಿ ಬಿಡುಗಡೆ ಮಾಡಲು ಚರ್ಚೆಯಲ್ಲಿದ್ದೇವೆ. ಉತ್ತರ ಭಾರತದಲ್ಲಿ ಚಿತ್ರ ಬಿಡುಗಡೆಯ ಹಕ್ಕುಗಳನ್ನು ಈಗಾಗಲೇ ಮಾರಾಟ ಮಾಡಿದ್ದೇವೆ’ ಎಂದರು.

ಚಿತ್ರದ ತಾರಾಗಣದಲ್ಲಿ ಸಾಧು ಕೋಕಿಲ, ಚಿಕ್ಕಣ್ಣ, ಮೃದುಲಾ, ರವಿಶಂಕರ್, ಅಚ್ಯುತ್ ಕುಮಾರ್,  ಜೈ ಜಗದೀಶ್ ಇದ್ದಾರೆ. ಚಿತ್ರಕ್ಕೆ ಅನೂಪ್ ಸೀಳಿನ್ ಸಂಗೀತ ಸಂಯೋಜಿಸಿದ್ದಾರೆ.

ಗುರುನಂದನ್ ‘ಫಾರೆಸ್ಟ್’ ಮತ್ತು ‘ಹ್ಯಾಪಿ ಎಂಡಿಂಗ್’ ಚಿತ್ರ ಬಿಡುಗಡೆಗೆ ಎದುರು ನೋಡುತ್ತಿದ್ದಾರೆ. ತಮ್ಮ ಹೋಮ್ ಬ್ಯಾನರ್ ಮಂದಿ ಮನೆ ಟಾಕೀಸ್ ಅಡಿಯಲ್ಲಿ  ಚೊಚ್ಚಲ ನಿರ್ಮಾಣವಾದ ‘ಮಿಸ್ಟರ್ ಜಾಕ್‌’ನಲ್ಲಿ ಕೆಲಸ ಮಾಡುತ್ತಿದ್ದಾರೆ. ‘ಮಿಸ್ಟರ್ ಜಾಕ್’ ಚಿತ್ರದಲ್ಲಿ ಗುರು ನಂದನ್ ಸ್ಟ್ಯಾಂಡ್-ಅಪ್ ಕಾಮಿಡಿಯನ್ ಪಾತ್ರ ಮಾಡುತ್ತಿದ್ದಾರೆ.