ಕನ್ನಡದ ಸ್ಟಾರ್‌ ಡೈರೆಕ್ಟರ್ ಆರ್.ಚಂದ್ರು ಪ್ಯಾನ್‌ ಇಂಡಿಯಾ ಸಿನಿಮಾ ಬಿಟ್ಟು ಈಗ ಪ್ಯಾನ್‌ ವರ್ಲ್ಡ್‌ಗೆ ಗುರಿ ಇಟ್ಟಿದ್ದಾರೆ.
ತಮ್ಮ ಮುಂದಿನ ಪ್ರಾಜೆಕ್ಟ್‌ ಬಗ್ಗೆ ಮಾತನಾಡಿರುವ ಆರ್.ಚಂದ್ರು, ‘ಇಡೀ ಭಾರತ ಮಾತ್ರವಲ್ಲದೇ ಜಾಗತಿಕ ಸಿನಿಮಾ ನಿರ್ಮಾಣ ಮಾಡಲು ಮುಂದಾಗಿದ್ದು, ಅಂತರರಾಷ್ಟ್ರೀಯ ಕಲಾವಿದರನ್ನು ಕರೆತರುತ್ತಿದ್ದೇನೆ. ಹಾಲಿವುಡ್ ಶೈಲಿಯ ಚಿತ್ರ ತಯಾರಾಗಲಿದೆ. ನನ್ನ ಮುಂದಿನ ಸಿನಿಮಾ ಭಾರತದ ಅತಿದೊಡ್ಡ ಯೋಜನೆಯಾಗಿದ್ದು ಇದುವರೆಗೆ ಎಂದಿಗೂ ಪ್ರಯತ್ನಿಸದ ಯೋಜನೆ. ನಾನು ಅಂತರರಾಷ್ಟ್ರೀಯ ಬ್ಯಾನರ್‌ನೊಂದಿಗೆ ಒಪ್ಪಂದ ಮಾಡಿಕೊಳ್ಳುತ್ತಿದ್ದೇನೆ’ ಎಂದು ಹೇಳಿದ್ದಾರೆ.
ಕಬ್ಜ ಬಳಿಕ ಆರ್ ಚಂದ್ರು ತಮ್ಮದೇ ಆರ್‌ಸಿ ಸ್ಟುಡಿಯೋ ಬ್ಯಾನರ್‌ ಆರಂಭಿಸಿದ್ದು ಈ ಸಂಸ್ಥೆಯಡಿ ಒಟ್ಟಿಗೆ 5 ಸಿನಿಮಾ ಘೋಷಿಸಿದ್ದರು. ಫಾದರ್ , ಡಾಗ್ ಶ್ರೀ ರಾಮ ಬಾಣ ಚರಿತ , ಪಿಒಕೆ ಮತ್ತು ಕಬ್ಜಾ 2 ಚಿತ್ರಗಳಲ್ಲಿ ಫಾದರ್ ಸಿನಿಮಾದ ಶೂಟಿಂಗ್‌ ಬಹುತೇಕ ಕಂಪ್ಲೀಟ್‌ ಆಗಿದೆ.
ಡಾರ್ಲಿಂಗ್ ಕೃಷ್ಣ, ಪ್ರಕಾಶ್ ರಾಜ್ ಮತ್ತು ಅಮೃತ ಅಯ್ಯಂಗಾರ್ ನಟಿಸಿರುವ ಫಾದರ್ ಚಿತ್ರವನ್ನು ರಾಜ್ ಮೋಹನ್ ನಿರ್ದೇಶಿಸಿದ್ದಾರೆ. ತಂದೆ ಮತ್ತು ಮಗನ ನಡುವಿನ ಬಾಂಧವ್ಯ ಕುರಿತು ಈ ಚಿತ್ರವನ್ನು ಚಂದ್ರು ಅವರಿಗೆ ಫೇಮ್‌ ಕೊಟ್ಟ ‘ತಾಜ್ ಮಹಲ್’ ಚಿತ್ರದ 15ನೇ ವಾರ್ಷಿಕೋತ್ಸವದ ನೆನಪಿಗಾಗಿ ಜುಲೈ 25 ರಂದು ಬಿಡುಗಡೆ ಮಾಡಲು ಚಿತ್ರತಂಡ ತಯಾರಿ ನಡೆಸಿದೆ.
—–
Be the first to comment