ನ. 17ರಂದು ‘ಪುಷ್ಪ 2’ ಟ್ರೇಲರ್ ಬಿಡುಗಡೆ ಸಾಧ್ಯತೆ

ನವೆಂಬರ್ 17ರಂದು ಅಲ್ಲು ಅರ್ಜುನ್ ಸಿನಿಮಾ ‘ಪುಷ್ಪ 2’  ಟ್ರೇಲರ್ ಬಿಡುಗಡೆಯಾಗುವ ಸಾಧ್ಯತೆ ಇದೆ.

ನವೆಂಬರ್ 17ರಂದು ‘ಪುಷ್ಪ 2’ ತಂಡ ಬಿಹಾರದಲ್ಲಿ ಇರಲಿದೆ. ಬಿಹಾರದ ಪಾಟ್ನಾದಲ್ಲಿ ತಂಡ ಪ್ರಚಾರ ಮಾಡಲಿದೆ. ಈ ಕಾರಣಕ್ಕೆ ಅಲ್ಲಿಯೇ ಟ್ರೇಲರ್ ರಿಲೀಸ್ ಮಾಡುವ ಆಲೋಚನೆ ತಂಡಕ್ಕೆ ಬಂದಿದೆ. ಇದರಿಂದ ಈಶಾನ್ಯ ಭಾರತದಲ್ಲಿಯೂ ಸಿನಿಮಾಗೆ ಮತ್ತಷ್ಟು ಹೈಪ್ ಸಿಕ್ಕಂತೆ ಆಗಲಿದೆ.

ಟ್ರೇಲರ್ ಬಿಡುಗಡೆ ಬಗ್ಗೆ ಶೀಘ್ರವೇ ತಂಡ  ಘೋಷಣೆ ಮಾಡುವ ಸಾಧ್ಯತೆ ಇದೆ. ಸದ್ಯ ‘ಪುಷ್ಪ 2’ ತಂಡ  ವಿವಿಧ ಪ್ಲ್ಯಾನಿಂಗ್​ ಮಾಡಿಕೊಂಡಿದೆ. ಸಿನಿಮಾ ರಿಲೀಸ್​ವರೆಗೂ ತಂಡ ವಿವಿಧ ನಗರಗಳಿಗೆ ತೆರಳಿ   ಪ್ರಚಾರ ಮಾಡಲಿದೆ.

‘ಪುಷ್ಪ 2’  ಚಿತ್ರ  ತೆಲುಗು ಮಾತ್ರವಲ್ಲದೆ, ಕನ್ನಡ, ಹಿಂದಿ, ತಮಿಳು ಸೇರಿ ಐದು ಭಾಷೆಗಳಲ್ಲಿ ತೆರೆಗೆ ಬರುತ್ತಿದೆ. ಈ ಚಿತ್ರಕ್ಕೆ ದಕ್ಷಿಣ ಭಾರತ, ಉತ್ತರ ಭಾರತ ದಲ್ಲಿ ಭರ್ಜರಿ ಬೇಡಿಕೆ ಸೃಷ್ಟಿ ಆಗಿದೆ.

‘ಪುಷ್ಪ 2’ ಚಿತ್ರದಲ್ಲಿ ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ, ಫಹಾದ್ ಫಾಸಿಲ್  ಸೇರಿ ದೊಡ್ಡ ತಾರಾಗಣವೇ ಇದೆ.   ಚಿತ್ರಕ್ಕೆ ಸುಕುಮಾರ್ ನಿರ್ದೇಶನ ಮಾಡಿದ್ದಾರೆ. ಮೈತ್ರಿ ಮೂವೀ ಮೇಕರ್ಸ್ ದೊಡ್ಡ ಬಜೆಟ್​ನಲ್ಲಿ ಸಿನಿಮಾ ನಿರ್ಮಾಣ ಮಾಡಿದೆ.