‘ಮಿಸ್ಟರ್ ರಾಣಿ’ಯಲ್ಲಿ ಸೈಕೋ ಜಯಂತ್ ನಾಯಕಿ!

ಕಾಮಿಡಿ ಎಂಟರ್‌ಟೈನರ್ ಚಿತ್ರ  ‘ಮಿಸ್ಟರ್ ರಾಣಿ’ಯಲ್ಲಿ ಲಕ್ಷ್ಮೀ ನಿವಾಸ ಧಾರಾವಾಹಿ ಮೂಲಕ ಖ್ಯಾತಿ ಗಳಿಸಿದ ಸೈಕೋ ಜಯಂತ್ ನಾಯಕಿಯಾಗಿ ನಟಿಸಿ ಗಮನ ಸೆಳೆಯಲಿದ್ದಾರೆ.

ಸೈಕೋ ಜಯಂತ್ ಅಲಿಯಾಸ್ ದೀಪಕ್ ಸುಬ್ರಹ್ಮಣ್ಯ ಹಿಂದೆಂದೂ ನೋಡಿರದ ಪಾತ್ರದಲ್ಲಿ ತೆರೆ ಮೇಲೆ ಮಿಂಚಲು ಸಜ್ಜಾಗಿದ್ದಾರೆ. ನಾಯಕನಾಗಿ ಗುರುತಿಸಿಕೊಳ್ಳಲು ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ ಜಯಂತ್ ಅವರಿಗೆ  ನಾಯಕಿಯಾಗುವ ಅವಕಾಶ ಸಿಕ್ಕಿದೆ.

ಚಿತ್ರವು ಅನಿರೀಕ್ಷಿತ ತಿರುವುಗಳಿಂದ ತುಂಬಿದೆ. ದೀಪಕ್ ಗೊಂದಲವನ್ನು ಸೃಷ್ಟಿಸುವ,  ತನ್ನ ಸುತ್ತಲಿನ ಎಲ್ಲರನ್ನು ಗೊಂದಲಕ್ಕೀಡುಮಾಡುವ ಪಾತ್ರದಲ್ಲಿ ನಟಿಸಿದ್ದಾರೆ. ಚಿತ್ರ ಆರಂಭವಾಗುತ್ತಿದ್ದಂತೆ  ಕಥೆಯು ಹೇಗೆ ತೆರೆದುಕೊಳ್ಳುತ್ತದೆ ಎಂದು ಅಭಿಮಾನಿಗಳು ತಲೆ ಕೆರೆದುಕೊಳ್ಳುವಂತೆ ಮಾಡುತ್ತದೆ.

‘ಈ ಚಿತ್ರವು ಆಶ್ಚರ್ಯ ಮತ್ತು ಹಾಸ್ಯದಿಂದ ತುಂಬಿದೆ. ಅದು ಪ್ರೇಕ್ಷಕರನ್ನು ಊಹಿಸುವಂತೆ ಮಾಡುತ್ತದೆ’ ಎಂದು ಸೆಲ್ಫಿ ಮಮ್ಮಿ ಗೂಗಲ್ ಡ್ಯಾಡಿ ಮೂಲಕ ಖ್ಯಾತಿ ಗಳಿಸಿದ ನಿರ್ದೇಶಕ ಮಧುಚಂದ್ರ ಹೇಳಿದ್ದಾರೆ.

ಚಿತ್ರದಲ್ಲಿ ಪಾರ್ವತಿ ನಾಯರ್  ನಟಿಸಿದ್ದಾರೆ. ಅವರ ಪಾತ್ರ  ರೋಚಕ ತಿರುವನ್ನು ನೀಡುತ್ತದೆ.  ಚಿತ್ರದ ಟ್ರೈಲರ್  ಈಗಾಗಲೇ 3.5 ಮಿಲಿಯನ್ ವೀಕ್ಷಣೆಗಳನ್ನು ಕಂಡಿದೆ. ‘ಮಿಸ್ಟರ್ ರಾಣಿ’ ಫೆಬ್ರುವರಿ 7 ರಂದು ಬಿಡುಗಡೆಯಾಗಲಿದೆ.  99 ರೂಪಾಯಿಗೆ ಟಿಕೆಟ್‌ ಲಭ್ಯವಿರಲಿದೆ.

ಮಿಸ್ಟರ್ ರಾಣಿ ಬಾಹುಬಲಿಯಲ್ಲಿ ಕೆಲಸ ಮಾಡಿದ ರವೀಂದ್ರ ನಾಥ್ ಅವರ ಛಾಯಾಗ್ರಹಣವಿದೆ. ನಾಯಕ ಜಯಂತ್ ಅವರನ್ನು ನಾಯಕಿಯಾಗಿ ಪರಿವರ್ತಿಸುವ ಕೆಲಸವನ್ನು ಚಂದನಾ ಅವರು ಮಾಡಿದ್ದಾರೆ. ಅವರು ನಾಯಕಿಯಾಗಿಯೇ ಕಾಣುವಂತೆ ಮೇಕಪ್ ಮಾಡಿದ್ದಾರೆ.

—-