‘ಪೀತಿಯ ಹುಚ್ಚಾ’ ಏಪ್ರಿಲ್ ನಲ್ಲಿ ತೆರೆಗೆ

ವಿ ಕುಮಾರ್ ನಿರ್ದೇಶನದ ‘ಪೀತಿಯ ಹುಚ್ಚಾ’ ಚಿತ್ರ ಏಪ್ರಿಲ್‌ ಎರಡನೆ ವಾರ ತೆರೆಗೆ ಬರಲಿದೆ.

ಚಿತ್ರ  ಕನ್ನಡ, ತೆಲುಗು, ತಮಿಳು ಸೇರಿದಂತೆ ಐದು ಭಾಷೆಗಳಲ್ಲಿ ಚಿತ್ರ ಬಿಡುಗಡೆಯಾಗಲಿದೆ. 90 ರ ದಶಕದ ಉತ್ತರಾರ್ಧದಲ್ಲಿ ಹಾಸನದಲ್ಲಿ ನಡೆದ   ನೈಜ ಘಟನೆಯಿಂದ ಚಿತ್ರ  ಸ್ಫೂರ್ತಿ ಪಡೆದಿದೆ. ಈ ಹಿಂದೆ ‘ಗಾಯತ್ರಿ’ ಎಂಬ ಹಾರರ್ ಚಿತ್ರವನ್ನು ನಿರ್ದೇಶಿಸಿದ್ದ ಕುಮಾರ್,  ಚಿತ್ರಕ್ಕೆ ಚಿತ್ರಕಥೆ, ಕಥೆ ಮತ್ತು ಸಂಭಾಷಣೆ ಬರೆದಿದ್ದಾರೆ.

ಮದುವೆಯಾದ ಮೊದಲ ರಾತ್ರಿ  ದುಷ್ಟರ ಜಾಲಕ್ಕೆ ಸಿಕ್ಕಿ ಮುಂಬೈನ ಕಾಮಾಟಿಪುರಕ್ಕೆ ಮಾರಾಟವಾಗುವ ಅಮಾಯಕ ಯುವತಿಯೊಬ್ಬಳ ಕಥೆ ‘ಪೀತಿಯ ಹುಚ್ಚಾ’. ಆಕೆಯ ಜೀವನ ಮುಂದೆ ಯಾವೆಲ್ಲ ತಿರುವು ಪಡೆದುಕೊಂಡಿತು? ಪ್ರೀತಿಸಿ ಮದುವೆಯಾದ ಪತ್ನಿಯನ್ನು ಕಳೆದುಕೊಂಡ ನಾಯಕ ಯಾವ ಸ್ಥಿತಿ ತಲುಪುತ್ತಾನೆ ಎಂಬುದೇ ಚಿತ್ರಕಥೆ.

‘ಪೀತಿಯ ಹುಚ್ಚಾ’ ಚಿತ್ರಕ್ಕೆ ವಿ.ಕುಮಾರ್, ಬಿ.ಜಿ.ನಂದಕುಮಾರ್ ಬಂಡವಾಳ ಹೂಡಿದ್ದಾರೆ.  ವಿಜಯ್ ನಾಯಕನಾಗಿ ನಟಿಸಿದ್ದು, ಕುಂಕುಮ್ ನಾಯಕಿ. ಬೆಂಗಳೂರು, ಮಂಡ್ಯ, ಚಿಕ್ಕಮಗಳೂರು, ಹಾಸನ, ಶ್ರವಣಬೆಳಗೊಳ ಮತ್ತು ಮುಂಬೈ ಸೇರಿದಂತೆ ಹಲವು ಸ್ಥಳಗಳಲ್ಲಿ 65 ದಿನ  ಚಿತ್ರೀಕರಣಗೊಂಡಿದೆ. ಚಿತ್ರಕ್ಕೆ ಜೆ.ಎನ್.ರಂಗರಾಜನ್ ಸಂಗೀತ, ಸುನಿಲ್ ಕೆ.ಆರ್‌.ಎಸ್. ಛಾಯಾಚಿತ್ರಗ್ರಹಣ, ಪ್ರವೀಣ್ ವಿಷ್ಣು ಸಂಕಲನವಿದೆ.

—-