ಪ್ರೇಮಂ ಪೂಜ್ಯಂ ಟೈಟಲ್ ಸಾಂಗ್ ಭರ್ಜರಿ ವೀಕ್ಷಣೆ

ಲವ್ಲಿ ಸ್ಟಾರ್ ಪ್ರೇಮ್ ನಟನೆಯ 25ನೇ ಸಿನಿಮಾವಾದ ಪ್ರೇಮಂ ಪೂಜ್ಯಂನ ಟೈಟಲ್‌ ಸಾಂಗ್ ಗೆ ಚಿತ್ರಪ್ರೇಮಿಗಳು ಉತ್ತಮ ಪ್ರತಿಕ್ರಿಯೆ ತೋರಿದ್ದಾರೆ.

ಖ್ಯಾತ ಗಾಯಕ ಹರಿಹರನ್ ಹಾಡಿರುವ ಟೈಟಲ್ ಹಾಡಿಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. 62 ಲಕ್ಷಕ್ಕೂ ಹೆಚ್ಚು ಜನರು ಹಾಡು ವೀಕ್ಷಣೆ ಮಾಡಿದ್ದು 21 ಸಾವಿರಕ್ಕೂ ಹೆಚ್ಚು ಜನರು ಯೂ ಟ್ಯೂಬ್ ನಲ್ಲಿ ಲೈಕ್ ಮುದ್ರೆ ಒತ್ತಿ ಸಂತಸ ವ್ಯಕ್ತಪಡಿಸಿದ್ದಾರೆ.

ಅಕ್ಟೋಬರ್ 29ರಂದು ಬೆಳ್ಳಿತೆರೆಗೆ ಬರಲಿರುವ ಪ್ರೇಮಂ ಪೂಜ್ಯಂ ಚಿತ್ರದ ವಿಡಿಯೋ ಲಿರಿಕಲ್ ಸಾಂಗ್ ಗಳನ್ನು ಚಿತ್ರತಂಡ, ಯೂ ಟ್ಯೂಬ್ ಸರದಿಯಂತೆ ಬಿಡುಗಡೆ ಮಾಡುತ್ತಿದೆ. ಈ ಚಿತ್ರದ ಹಾಡುಗಳು ಸಿನಿಪ್ರಿಯರ ಮೆಚ್ಚುಗೆಗೆ ಪಾತ್ರವಾಗಿವೆ. ಡಾ. ಸಂದೀಪ್, ಸಾಧುಕೋಕಿಲ ಸೇರಿದಂತೆ ಪ್ರಖ್ಯಾತ ಗಾಯಕರು ಚಿತ್ರಕ್ಕೆ ಹಾಡಿದ್ದಾರೆ.

ಪ್ರೇಮಂ ಪೂಜ್ಯಂ ಚಿತ್ರ ನಟ ಪ್ರೇಮ್ ಅವರ 25 ನೇ ಸಿನಿಮಾ ಆಗಿದ್ದು, ಟ್ರೈಲರ್, ಹಾಡಿನ ಮೂಲಕ ಚಿತ್ರ ಈಗಾಗಲೇ ಸಾಕಷ್ಟು ನಿರೀಕ್ಷೆ ಹುಟ್ಟಿಸಿದೆ. ರೋಮ್ಯಾಂಟಿಕ್ ಜಾನರ್ ಆಗಿರುವ ಸಿನಿಮಾದಲ್ಲಿ ಪ್ರೇಮ್ ಹಲವು ಶೇಡ್ ಗಳಲ್ಲಿ ನಟಿಸುತ್ತಿದ್ದಾರೆ.
ಚಿತ್ರಕ್ಕೆ ಡಾ. ಬಿ. ಎಸ್. ರಾಘವೇಂದ್ರ ನಿರ್ದೇಶನ ಇದೆ. ರಕ್ಷಿತ್ ಕೆಡಂಬಾಡಿ, ಡಾ.ರಾಜ್ ಕುಮಾರ್ ಜಾನಕಿ ರಾಮನ್, ಡಾ. ರಾಘವೇಂದ್ರ ಎಸ್, ಮನೋಜ್ ಕೃಷ್ಣನ್ ಅವರು ಬಂಡವಾಳ ಹಾಕಿದ್ದಾರೆ. ನವೀನ್ ಕುಮಾರ್ ಛಾಯಾಗ್ರಹಣ, ಹರೀಶ್ ಕೊಮ್ಮೆ ಸಂಕಲನ ಇದೆ. ಬೃಂದಾ ಆಚಾರ್ಯ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಪ್ರೇಮ್ ಜೊತೆ ಐಂದ್ರಿತಾ ರೇ, ಮಾಸ್ಟರ್ ಆನಂದ್, ಮಾಳವಿಕಾ ಅವಿನಾಶ್ ಮುಂತಾದವರು ನಟಿಸಿದ್ದಾರೆ.