ಕನ್ನಡ ರಾಜ್ಯೋತ್ಸವದಂದು ಕನ್ನಡ ಶಾಲೆಗಳಿಗೆ ಭೇಟಿ ನೀಡಿದ ನಟಿ ಡಾ|| ಪೂಜಾ ರಮೇಶ್

ಚಿತ್ರನಟಿ ಸಮಾಜ ಸೇವಕಿ ಕನ್ನಡತಿ ಹಾಗೂ ವಸಂತ ಲಕ್ಷ್ಮಿ ಫೌಂಡೇಶನ್ ಅಧ್ಯಕ್ಷರಾಗಿರುವ ಡಾ|| ಪೂಜಾ ರಮೇಶ್ ಅವರು ಕನ್ನಡ ರಾಜ್ಯೋತ್ಸವದಂದು ಉಡುಪಿ ಜಿಲ್ಲೆಯ ಹೆಬ್ರಿ ತಾಲೂಕಿನ ಹಲವು ಕನ್ನಡ ಕಾರ್ಯಕ್ರಮಗಳಿಗೆ ಹಾಗೂ ಕನ್ನಡ ಶಾಲೆಗಳಿಗೆ ಭೇಟಿ ಮಾಡಿ ರಾಜ್ಯೋತ್ಸವದ ಮತ್ತು ಶಾಲೆಯ ಸಂವಾದ ಕಾರ್ಯಕ್ರಮದಲ್ಲಿ ಶಾಲೆಯ ಅಭಿವೃದ್ಧಿ ಬಗ್ಗೆ ಮಾತನಾಡಿ 10 ಕನ್ನಡ ಮಾಧ್ಯಮ ಶಾಲೆಗಳನ್ನು ದತ್ತು ಪಡೆಯುವ ಆಶ್ವಾಸನೆ ನೀಡಿದರು .

ಈ ಸಂದರ್ಭದಲ್ಲಿ ಹೆಬ್ರಿಯ ಕುಚ್ಚುರೂ ಕುಡಿಬೈಲು ಶಾಂತಿಕೇತನ ಯುವ ವೃಂದದ ವತಿಯಿಂದ ಮಂಗಳವಾರ ನಡೆದ ಕನ್ನಡ ರಾಜ್ಯೋತ್ಸವದಲ್ಲಿ ಚಿತ್ರನಟಿ ಸಮಾಜಸೇವಕಿ ಕನ್ನಡತಿ ಡಾ|| ಪೂಜಾ ರಮೇಶ್ ಅವರಿಗೆ ಸನ್ಮಾನ ಮಾಡಿ ಗೌರವಿಸಲಾಯಿತು. ಈ ಸಂದರ್ಭದಲ್ಲಿ ವಸಂತ ಲಕ್ಷ್ಮಿ ಫೌಂಡೇಶನ್ ಕಾರ್ಯದರ್ಶಿ ಮಾರುತಿ ಬಡಿಗೇರ್ ಹಾಗೂ ನಿರ್ದೇಶಕ ಉಮೇಶ್ ಕೆ ಎನ್ ಪೂಜ ರಮೇಶ್ ತಾಯಿ ವಸಂತ ಲಕ್ಷ್ಮಿ ಭಾಗವಹಿಸಿದ್ದರು. ಇದೇ ರೀತಿ ಕನ್ನಡತಿ ಪೂಜಾ ರಮೇಶ್ ಅವರು ಇನ್ನಷ್ಟು ಕನ್ನಡ ಕಾರ್ಯಗಳನ್ನು ಮಾಡಲಿ ಎಂದು ಹಾರೈಸುತ್ತೇವೆ.