ಒಂದು ಬ್ರೇಕನ ನಂತರ ಟ್ರೈಲರ್ ಬಿಡುಗಡೆ

ನಾಲ್ವರು ಸ್ನೇಹಿತರು ಹಾಗೂ ಯುವತಿಯೊಬ್ಬಳ ನಡುವೆ ನಡೆಯುವ ಪ್ರೇಮ ಕಥಾಹಂದರವನ್ನು
ಒಳಗೊಂಡಿರುವ ಚಿತ್ರ ಒಂದು ಬ್ರೇಕನ ನಂತರ ಅಭಿಲಾಶ್ ಗೌಡ ಚಿತ್ರಕಥೆ ಬರೆದು ನಿರ್ದೇಶನ ಮಾಡಿರುವ ಈ ಚಿತ್ರದ ಟ್ರೈಲರ್‍ನ್ನು ಲಹರಿ ಆಡಿಯೋ ಸಂಸ್ಥೆಯ ಕಛೇರಿಯಲ್ಲಿ ಬಿಡುಗಡೆ ಮಾಡಲಾಯಿತು. ಈ ಸಂದರ್ಭದಲ್ಲಿ ಮಾತನಾಡಿದ ಲಹರಿ ಸಂಸ್ಥೆಯ ವೇಲು ಎಲ್ಲರು ಸ್ಟಾರ್ ಹೋಟೆಲ್‍ಗಳಲ್ಲಿ ತಮ್ಮ ಚಿತ್ರದ ಆಡಿಯೋ ಅಥವಾ ಟ್ರೈಲರ್‍ಗಳನ್ನು ಬಿಡುಗಡೆ ಮಾಡುತ್ತಾರೆ. ಆದರೆ ಈ ಚಿತ್ರ ತಂಡದವರು ನಮ್ಮ ಆಫೀಸ್‍ನಲ್ಲಿ ಅದೂ ಗೌರಿ ಹಬ್ಬದ ಶುಭ ದಿನದಂದು ಚಿತ್ರದ ಟ್ರೈಲರ್‍ನ್ನು ಬಿಡುಗಡೆ ಮಾಡಿರುವುದು ನನಗೆ ತುಂಬಾ ಖುಷಿಯಾಯಿತು. ಇದು ನನಗೆ ಮರೆಯಾಲಾಗದ ಕ್ಷಣ ಈ ಚಿತ್ರ ತಂಡಕ್ಕೆ ಒಳ್ಳೆಯದಾಗಲಿ ಎಂದು ಹೇಳಿದರು. ಒಂದು ಹಳ್ಳಿಯಲ್ಲಿ ನಡೆವ ಈ ಕಥೆಯಲ್ಲಿ ನಾಯಕಿ ನಾಲ್ವರು ಹುಡುಗರಲ್ಲಿ ಯಾರಿಗೆ ಸಿಗುತ್ತಾಳೆ ಎನ್ನುವುದನ್ನು ಈ ಚಿತ್ರದ ಕಥೆಯ ಲವ್ ಕಮ್ ಸಸ್ಪೆನ್ಸ್ ಹಿನ್ನೆಲೆಯಲ್ಲಿ ಹೇಳಲಾಗಿದೆ ಸಧ್ಯದಲ್ಲೆ ಈ ಚಿತ್ರದ ಆಡಿಯೋ ಬಿಡುಗಡೆಯಾಗಲಿದೆ.

ಈಗಾಗಲೇ ಮಂಡ್ಯ, ಸಕಲೇಶಪುರ, ಕೊಡಗು ಸುತ್ತಮುತ್ತ ಚಿತ್ರೀಕರಣ ನಡೆಸಿಕೊಂಡು ಬಿಡುಗಡೆಗೆ ಸಿದ್ದವಾಗಿರುವ ಈ ಚಿತ್ರವನ್ನು ಸರ್ವಶ್ರೀ ಅವರು ಇದೇ ಮೊದಲ ಬಾರಿಗೆ ನಿರ್ಮಾಣ ಮಾಡಿದ್ದಾರೆ. ಈ ಚಿತ್ರಕ್ಕೆ ಹಿತನ್ ಹಾಸನ್ ಕಥೆ ಮತ್ತು ಸಂಗೀತ, ನಾಗರಾಜ್ ಉಪ್ಪುಂದ ಛಾಯಾಗ್ರಹಣ, ಬೇಬಿ ನಾಗರಾಜ್ ಸಂಕಲನ, ಜಾಗ್ವಾರ್ ಸಣ್ಣಪ್ಪ ಸಾಹಸ, ಹರ್ಷಪ್ರಿಯ ಸಾಹಿತ್ಯ, ಜಗದೀಶ್ ಟಿ.ಪಿ. ಸಂಭಾಷಣೆ, ಜಯಂತ್ ನೃತ್ಯ ನಿರ್ದೇಶನವಿದೆ. ಅಮ್ಮಣಿ, ಹಿತನ್ ಹಾಸನ್, ದೋಸ್ತಿ ಸೂರ್ಯ, ಚೈತ್ರ, ಕಿರಣ್ ಕೂಡ್ಲಿಪೇಟೆ, ಸಿದ್ದರಾಜ್ ಕಲ್ಯಾಣ್‍ಕರ್, ಮೋಹನ್ ಮಂಡ್ಯ, ಮಹಂತೇಶ್, ಕಾವೇರಿಶ್ರೀಧರ್, ಮಾಲತೇಶ್, ಉಮೇಶ ಕೈಕೊಡ್ರಳ್ಳಿ, ನಾಗೇಶರಾವ್, ಸುಗುಣ, ಬಸವರಾಜ್, ಗೋಪಿ ಮುಂತಾದವರು ತಾರಾಬಳಗದಲ್ಲಿದ್ದಾರೆ.