ನೋರಾ ಬೆಲ್ಲಿ ಡಾನ್ಸ್’145 Million Views!

ಬಿಗ್‍ಬಾಸ್ ಮಾಜಿ ಸ್ಪರ್ಧಿ ಹಾಗೂ ನಟಿ ನೋರಾ ಫತೇಹಿ ಈಗ ಭರ್ಜರಿ ಸುದ್ದಿಯಲ್ಲಿದ್ದಾಳೆ.

ಜಾನ್ ಅಬ್ರಹಾಂ ಮತ್ತು ಮನೋಜ್ ಬಾಜಪೇಯಿ ಅಭಿನಯದ ಸತ್ಯಮೇವ ಜಯತೆ ಸಿನಿಮಾದ ದಿಲ್ಬರ್ ಸಾಂಗ್‍ನಲ್ಲಿ ಈಕೆಯ ಬೆಲ್ಲಿ ಡ್ಯಾನ್ಸ್ ಅಪಾರ ಅಭಿಮಾನಿಗಳನ್ನು ಸೃಷ್ಟಿಸಿದೆ. ಈ ಡ್ಯಾನ್ಸ್ ನಂಬರ್ ಹಾಡು ಮತ್ತು ನೋರಾಳ ಮಾದಕ ನೃತ್ಯವನ್ನು ಯೂಟ್ಯುಬ್‍ನಲ್ಲಿ 145 ದಶಲಕ್ಷ ಮಂದಿ ವೀಕ್ಷಿಸಿ ಥ್ರಿಲ್ ಆಗಿದ್ದಾರೆ. ಈ ಹಾಡು ಆನ್‍ಲೈನ್‍ನಲ್ಲಿ ಸಂಚಲನದ ದೊಡ್ಡ ಅಲೆಯನ್ನೇ ಸೃಷ್ಟಿಸಿದೆ. ಈ ಹಾಡಿನಲ್ಲಿ ಮೊರೊಕ್ಕೋ-ಕೆನಡಾ ಮೂಲದ ನೋರಾ ಪತೇಹಿ ಅತ್ಯಂತ ಮಾದಕವಾಗಿ ಬೆಲ್ಲಿ ಡ್ಯಾನ್ಸ್ (ಉದರ ಭಾಗವನ್ನು ಆಕರ್ಷಕವಾಗಿ ಕುಣಿಸುವುದು) ಮಾಡಿ ಕ್ರೇಜ್ ಸೃಷ್ಟಿಸಿದ್ದಾಳೆ. ದಿನದಿಂದ ದಿನಕ್ಕೆ ಈ ಹಾಡಿನ ಮೋಡಿಗೆ ಒಳಗಾಗುತ್ತಿರುವವರ ಸಂಖ್ಯೆ ಹೆಚ್ಚಾಗುತ್ತಲೇ ಇದೆ.

ಸಂಜಯ್ ಕಪೂರ್, ಸುಶ್ಮಿತಾ ಸೇನ್ ಮತ್ತು ಪ್ರಿಯಾ ಗಿಲ್ ಅಭಿನಯದ 1999ರಲ್ಲಿ ತೆರೆಕಂಡ ಸಿರ್ಫ್ ತುಮ್ ಸಿನಿಮಾದ ದಿಲ್‍ಬಲ್ ಹಾಡಿನ ರೀಮಿಕ್ಸ್ ವರ್ಷನ್ ಇದು. ನೇಹಾ ಕಕ್ಕರ್, ಧ್ವನಿ ಭಾನುಸಾಲಿ ಮತ್ತು ಇಕ್ಕಾ ಈ ಹಾಡನ್ನು ಅಷ್ಟೇ ಮಾದಕವಾಗಿ ಹಾಡಿದ್ದಾರೆ. ತಾನಿಷ್ ಬಾಗ್ಚಿ ಸಂಗೀತ ಸಂಯೋ ಜನೆ ಮಾಡಿದ್ದು, ಶಬ್ಬೀರ್ ಅಹ ಮದ್ ಮತ್ತು ಇಕ್ಕಾ ಗೀತೆ ರಚಿಸಿದ್ದಾರೆ. ಈ ಹಾಡು ಚಿತ್ರಕ್ಕೆ ಪ್ಲಸ್ ಪಾಯಿಂಟ್ ಆಗಿದೆ. ಮಿಲಾಪ್ ಝವೇರಿ ನಿರ್ದೇಶನದ ಸತ್ಯಮೇವ ಜಯತೆ ಥ್ರಿಲ್ಲರ್ ಡ್ರಾಮಾ. ಬಿಗ್‍ಬಾಸ್-9 ರಿಯಾಲಿಟಿ ಗೇಮ್ ಶೋನಲ್ಲಿ ಭಾಗವಹಿಸಿ ಮನೆಮಾತಾಗಿದ್ದ ಈ ಬ್ಯೂಟಿ ರೋರ್ : ಟೈಗರ್ಸ್ ಆಫ್ ದಿ ಸುಂದರ್‍ಬನ್ಸ್ ಸಿನಿಮಾ ಮೂಲಕ ಬಾಲಿವುಡ್‍ಗೆ ಎಂಟ್ರಿಯಾದಳು. ಇತ್ತೀಚೆಗೆ ಮೈ ಬರ್ತ್‍ಡೇ ಸಾಂಗ್‍ನಲ್ಲಿ ಮಿಂಚಿದ್ದಳು. ಟೆಂಪರ್, ಬಾಹುಬಲಿ ಮತ್ತು ಕಿಕ್-2 ತೆಲುಗು ಸಿನಿಮಾಗಳ ಸ್ಪೆಷನ್ ಸಾಂಗ್‍ಗಳಲ್ಲೂ ಗಮನ ಸೆಳೆದಿದ್ದಳು. ಟಿವಿಯಲ್ಲಿ ಈಕೆ ಡೇಟಿಂಗ್ ಇನ್ ದಿ ಡಾರ್ಕ್ ಎಂಬ ಕಾರ್ಯಕ್ರಮವನ್ನೂ ನಡೆಸಿಕೊಡುತ್ತಿದ್ದಾಳೆ.