”ಸು ಫ್ರಂ ಸೋ’ ಪಾರ್ಟ್ 2 ನೈತಿಕತೆಗೆ ವಿರುದ್ಧ’

‘ಸು ಫ್ರಂ ಸೋ ‘ ಚಿತ್ರ  ಯಶಸ್ಸು ಕಂಡ ನಂತರ ಪಾರ್ಟ್ 2 ಮಾಡುವುದು ನಮ್ಮ ನೈತಿಕತೆಗೆ ವಿರುದ್ಧವಾಗಿದೆ ಎಂದು ಚಿತ್ರದ ನಿರ್ಮಾಪಕ ಮತ್ತು ನಟ ರಾಜ್ ಬಿ ಶೆಟ್ಟಿ ತಿಳಿಸಿದ್ದಾರೆ.

‘ಯಾರೋ ಒಬ್ಬರು Su From So 2 ಮಾಡುವ ಬಗ್ಗೆ ಸೂಚಿಸಿದರು. ತಕ್ಷಣ ನಾನು ‘ಇಲ್ಲ’ ಅಂತ ಹೇಳಿದೆ. ಇದು ನಮ್ಮ ನೈತಿಕತೆಗೆ ವಿರುದ್ಧವಾಗುತ್ತದೆ. ನಾವು ಯಶಸ್ಸಿನ ಬೆನ್ನಟ್ಟಲು ಇಲ್ಲಿಗೆ ಬಂದಿಲ್ಲ. ಪ್ರತಿ ಬಾರಿಯೂ ನಾವು ಏನಾದರೂ ಹೊಸ ಚಿತ್ರವನ್ನು ಮಾಡಲು ಬಯಸುತ್ತೇವೆ’ ಎಂದು ಹೇಳಿದ್ದಾರೆ.

‘ಕಾಂತಾರ ಅಥವಾ ಕೆಜಿಎಫ್ ರೀತಿಯಲ್ಲಿ ಚಿತ್ರಗಳನ್ನು ಮಾಡಿದಾಗ ಯಶಸ್ಸು ಕಾಣಲು ಸಾಧ್ಯ ಎಂಬ ಭ್ರಮೆ ಇತ್ತು. ಆದರೆ ಸು ಫ್ರಮ್ ಸೋ ವೈಯಕ್ತಿಕ ಮತ್ತು ಸರಳವಾಗಿದೆ.   ಆರಂಭದಲ್ಲಿ ಸರಿಯಾಗಿ ಶೋಗಳು ಸಿಗದಿದ್ದರೂ, ಚಿತ್ರವು ಉತ್ತಮ ಪ್ರದರ್ಶನ ಕಂಡಿದೆ. ಮುಂದಿನ ವಾರದಿಂದ ನಮಗೆ ಹೆಚ್ಚಿನ ಶೋಗಳು ಸಿಗಬಹುದು’ ಎಂದು ಹೇಳಿದ್ದಾರೆ.

‘ಕೆಲವರು ಚಿತ್ರ ಬಿಡುಗಡೆಯನ್ನು ಮುಂದೂಡಲು ಸೂಚಿಸಿದರು.  ಈ ಚಿತ್ರ ಅಸ್ತಿತ್ವದಲ್ಲಿದೆ ಎಂದು ಪ್ರೇಕ್ಷಕರಿಗೆ ಹೇಳಲು ನಾನು ಆ ವಾರವನ್ನು ಜಾಹೀರಾತು ಪ್ರಚಾರದಂತೆ ಪರಿಗಣಿಸಿದೆ. ಮೊದಲನೇ ದಿನ ಬಾಯಿ ಮಾತು ಮ್ಯಾಜಿಕ್ ಮಾಡಿತು. ಈ ಮಟ್ಟದ ಪ್ರತಿಕ್ರಿಯೆಯನ್ನು ನಾವು ನಿರೀಕ್ಷಿಸಿರಲಿಲ್ಲ.  ನಾವು ಟಿಕೆಟ್ ಮಾರಾಟದ ದಾಖಲೆಗಳನ್ನು ಮುರಿದಿದ್ದೇವೆ’  ಎಂದು ತಿಳಿಸಿದ್ದಾರೆ.

‘ಮುಂದಿನ ದಿನಗಳಲ್ಲಿ ತಂಡವು ಸ್ಥಿರವಾಗಿ ಮುಂದುವರಿಯಲಿದೆ. ನಾವು ಆತುರಪಡಬಾರದು. ಯೋಚಿಸೋಣ ಮತ್ತು ಮುಂದೇನು ಎಂದು ನಿರ್ಧರಿಸೋಣ. ನಾನು ಮತ್ತೆ ಹೊಸ ಪ್ರತಿಭೆಗಳನ್ನು ಪೋಷಿಸಲು ಬಯಸುತ್ತೇನೆ. ಅದುವೇ ನನ್ನ ಸಂತೋಷ. ಜೆಪಿ ತುಮಿನಾಡ್ ಒಬ್ಬ ಅದ್ಭುತ ಪ್ರತಿಭೆ. ಅವರು ತಮ್ಮ ಹಾದಿಯನ್ನು ತಿಳಿದಿದ್ದಾರೆ.  ನಿರ್ದೇಶನ ಮಾಡಬಲ್ಲ ಇತರರು ನಮ್ಮ ತಂಡದಲ್ಲಿದ್ದಾರೆ’ ಎಂದು ಹೇಳಿದ್ದಾರೆ.

ಈ ಚಿತ್ರದ ಮೂಲಕ ತೀವ್ರ ಸಂಚಲನ ಮೂಡಿಸಿದ ನಿರ್ದೇಶಕ ಜೆಪಿ ತುಮಿನಾಡ್, ‘ನಮ್ಮ ಏಕೈಕ ಗುರಿ ಮನರಂಜನೆಯಾಗಿತ್ತು. ಪ್ರೇಕ್ಷಕರಿಂದ ಈ ರೀತಿಯ ಪ್ರೀತಿ, ಅದು ಅಗಾಧವಾಗಿದೆ. ನಾನು ಇದನ್ನು ಪ್ರಾಮಾಣಿಕವಾಗಿ ನಿರೀಕ್ಷಿಸಿರಲಿಲ್ಲ. ನನಗೆ ಹೇಗೆ ಪ್ರತಿಕ್ರಿಯಿಸಬೇಕೆಂದು ತಿಳಿದಿಲ್ಲ. ನಾನು ಬುಕ್‌ಮೈಶೋ ನೋಡುವುದನ್ನು ಆನಂದಿಸುತ್ತಿದ್ದೇನೆ. ಅಲ್ಲಿ ಟಿಕೆಟ್‌ಗಳು ಸೋಲ್ಡ್ ಔಟ್ ಆಗಿರುವುದನ್ನು ನೋಡಲು ತುಂಬಾ ಸಂತೋಷವಾಗುತ್ತದೆ. ಪ್ರೇಕ್ಷಕರ ಪ್ರತಿಕ್ರಿಯೆಯನ್ನು ಹತ್ತಿರದಿಂದ ಕೇಳಿದಾಗ ಮೂಕವಿಸ್ಮಿತವಾದಂತೆ ಭಾಸವಾಗುತ್ತದೆ’ ಎಂದು  ಹೇಳಿದ್ದಾರೆ.

—–