ರಾಜ್ಯದಲ್ಲಿ ಅಕ್ಟೋಬರ್ 1 ರಿಂದ ಚಿತ್ರಮಂದಿರಗಳಿಗೆ ಹೌಸ್ ಫುಲ್ ಅನುಮತಿ ಸಿಕ್ಕಿರುವ ಬೆನ್ನಲ್ಲೇ ಅಕ್ಟೋಬರ್ 8ರಂದು ನಿನ್ನ ಸನಿಹಕೆ ಚಿತ್ರ ಥಿಯೇಟರ್‌ ನಲ್ಲಿ ರಿಲೀಸ್ ಆಗಲಿದೆ.
ಧನ್ಯ ರಾಮ್ ಕುಮಾರ್ ಮತ್ತು ಸೂರಜ್ ಗೌಡ ನಟನೆಯ ನಿನ್ನ ಸನಿಹಕೆ ಚಿತ್ರ ಸರ್ಕಾರ ಫುಲ್ ಪ್ರದರ್ಶನಕ್ಕೆ ಅವಕಾಶ ಸಿಕ್ಕ ಬಳಿಕ ಮೊದಲ ಚಿತ್ರವಾಗಿ ರಿಲೀಸ್ ಡೇಟ್ ಘೋಷಣೆ ಮಾಡಿದೆ.
ಈ ಹಿಂದೆ ವರಮಹಾಲಕ್ಷ್ಮಿ ಹಬ್ಬದ ದಿನವಾದ ಆಗಸ್ಟ್ 20 ರಂದು ನಿನ್ನ ಸನಿಹಕೆ ಚಿತ್ರ ಚಿತ್ರಮಂದಿರದಲ್ಲಿ ರಿಲೀಸ್ ಆಗುವುದಾಗಿ ಪೋಷಣೆ ಮಾಡಲಾಗಿತ್ತು. ಆದರೆ ಹೌಸ್ ಫುಲ್ ಪ್ರದರ್ಶನಕ್ಕೆ ಅವಕಾಶ ನೀಡದ ಹಿನ್ನೆಲೆಯಲ್ಲಿ ಚಿತ್ರದ ರಿಲೀಸ್ ದಿನಾಂಕವನ್ನು ಮುಂದೂಡಲಾಯಿತು.
ನಿನ್ನ ಸನಿಹಕೆ ಚಿತ್ರವನ್ನು ವೈಟ್ ಅಂಡ್ ಗ್ರೇ ಪಿಕ್ಚರ್ಸ್ ಬ್ಯಾನರ್ ಅಡಿಯಲ್ಲಿ ಅಕ್ಷಯ್ ರಾಜಶೇಖರ್, ರಂಗನಾಥ್ ಕುಡ್ಲಿ ನಿರ್ಮಿಸಿದ್ದಾರೆ. ಚಿತ್ರದಲ್ಲಿ ಸೂರಜ್ ಗೌಡ ನಾಯಕನಾಗಿ ನಟಿಸುವ ಜೊತೆಗೆ ಅವರೇ ನಿರ್ದೇಶಿಸಿದ್ದಾರೆ. ರಘು ದೀಕ್ಷಿತ್ ಅವರು ಸಂಗೀತ ಒದಗಿಸಿದ್ದಾರೆ.
ಸರಕಾರ ಅಕ್ಟೋಬರ್ 1ರಿಂದ ಶೇ.1ಕ್ಕಿಂತ ಕಡಿಮೆ ಕರೋನ ಸೋಂಕು ಪ್ರಕರಣಗಳು ಇರುವ ಜಿಲ್ಲೆಗಳಲ್ಲಿ ಹೌಸ್ಫುಲ್ ಪ್ರದರ್ಶನಕ್ಕೆ ಅವಕಾಶ ಕಲ್ಪಿಸಿದೆ. ಈ ಹಿನ್ನೆಲೆಯಲ್ಲಿ ಸ್ಟಾರ್ ನಟರ ಚಿತ್ರಗಳಾದ ಕೋಟಿಗೊಬ್ಬ 3, ಭಜರಂಗಿ 2, ವಿಕ್ರಾಂತ್ ರೋಣ, ಸಲಗ ಚಿತ್ರಗಳು ಶೀಘ್ರ ರಿಲೀಸ್ ಡೇಟ್ ಘೋಷಣೆ ಮಾಡುವ ಸಾಧ್ಯತೆ ಇದೆ.
Be the first to comment