network: ಹೇಮಂತ್ ಹೆಗಡೆ ಮುಂದಿನ ಚಿತ್ರ ʼನೆಟ್ ವರ್ಕ್ʼ

ಹೇಮಂತ್ ಹೆಗಡೆ ʼನೆಟ್‌  ವರ್ಕ್‌ʼ  ಶೀರ್ಷಿಕೆಯ ಸಿನಿಮಾವನ್ನು ಘೋಷಿಸಿದ್ದಾರೆ.

ಶೀರ್ಷಿಕೆಯ ಈ ಸಿನಿಮಾವು, ಮೊಬೈಲ್ ಫೋನ್ ಮತ್ತು ಗ್ಯಾಜೆಟ್‌ ಗಳ ದುಷ್ಪರಿಣಾಮಗಳು ಮತ್ತು ಸಂಬಂಧಗಳು ಹೇಗೆ ದುರ್ಬಲವಾಗುತ್ತಿವೆ ಎಂಬುದನ್ನು ಒಳಗೊಂಡಿದೆ. ‘ವರ್ಚುವಲ್ ಆಗಿ ನಾವು ಸುಮಾರು 500 ಸ್ನೇಹಿತರನ್ನು ಹೊಂದಿದ್ದೇವೆ. ಆದರೆ, ನಮಗೆ ಅಗತ್ಯವಿರುವಾಗ ಯಾರೂ ಮುಂದೆ ಬರುವುದಿಲ್ಲ. ಇವು ಚಿತ್ರದ ಕೆಲವು ಪ್ರಮುಖ ಅಂಶಗಳಾಗಿವೆ’ ಎಂದು ಹೇಮಂತ್ ಹೇಳಿದ್ದಾರೆ.

‘ಸಿನಿಮಾದ ಕಥೆಯು ಎಲ್ಲರಿಗೂ ಪರಿಚಿತ ಎಂದಾದರೂ, ನಾನು ಈ ವಿಷಯವನ್ನು ಮೇಲ್ನೋಟದಲ್ಲಷ್ಟೇ ನೋಡುವುದಿಲ್ಲಐದು ಕುಟುಂಬಗಳ ಕಥೆಯ ಮೂಲಕ, ನನ್ನ ಚಿತ್ರವು ಸಮಸ್ಯೆಯ ಆಳವನ್ನು ಅನ್ವೇಷಿಸುತ್ತದೆ’ ಎಂದು ಹೇಮಂತ್ ತಿಳಿಸಿದ್ದಾರೆ.

ಶರತ್ ಲೋಹಿತಾಶ್ವ, ಕೆ.ಎಂ.ಚೈತನ್ಯ, ಸುಚೇಂದ್ರ ಪ್ರಸಾದ್, ರಾಜೇಶ್ ನಟರಂಗ, ಮತ್ತು ಶ್ರೀಕಾಂತ್ ಹೆಬ್ಳೀಕರ್ ಅವರ ದೃಷ್ಟಿ ತಂಡ ಈ ಸಿನಿಮಾಗಾಗಿ ಕೆಲಸ ಮಾಡಲಿದೆ.

ಹೇಮಂತ್ ಪ್ರಕಾರ, ‘ನೆಟ್ವರ್ಕ್ ಮೂಲಭೂತವಾಗಿ ಹಾಸ್ಯವಾಗಿರುತ್ತದೆ. ತಮ್ಮದೇ ಆದ ಸಿಗ್ನೇಚರ್ ಶೈಲಿಯನ್ನು ಹೊಂದಿರುತ್ತದೆ. ಚಿತ್ರದಲ್ಲಿ ಗಂಭೀರವಾದ ಸಂದೇಶವಿದೆ, ಅದು ಪರಿಹಾರದೊಂದಿಗೆ ಮುಂಚೂಣಿಗೆ ಬರುತ್ತದೆ’.ಕಥೆ ಮತ್ತು ಚಿತ್ರಕಥೆ ಬರೆದಿರುವ ಹೇಮಂತ್ ಹೆಗಡೆ ನಾಯಕನಾಗಿಯೂ ನಟಿಸಿದ್ದಾರೆ.

‘ನಾವು ಮೇ 15 ರಿಂದ  ʼನೆಟ್‌  ವರ್ಕ್‌ ಗಾಗಿ ಚಿತ್ರೀಕರಣವನ್ನು ಪ್ರಾರಂಭಿಸಲು ಯೋಜಿಸುತ್ತಿದ್ದೇವೆ.  ಶೂಟಿಂಗ್‌ ಸ್ಥಳಗಳನ್ನು ಅಂತಿಮಗೊಳಿಸುವ ಪ್ರಕ್ರಿಯೆಯಲ್ಲಿದ್ದೇವೆ’ ಎಂದು ಹೇಮಂತ್ ಹೇಳಿದ್ದಾರೆ.

ನೆಟ್ವರ್ಕ್ ನ್ನು ಗಲೋರ್ ವಿಷನ್ ಕ್ರಾಫ್ಟ್ಸ್ ಪ್ರಸ್ತುತಪಡಿಸುತ್ತಿದೆ. ಪ್ರಭಂಜನ್ ರಾವ್ ಮತ್ತು ತಂಡ ನಿರ್ಮಿಸಿದೆ. ತಾರಾಗಣದಲ್ಲಿ ಸಾಕ್ಷಿ ಮೇಘನಾ, ಶ್ರೇಯಾ ವಸಂತ್ ಮತ್ತು ಗಿರೀಶ್ ಶಿವ ಪ್ರಮುಖ ಪಾತ್ರಗಳಲ್ಲಿದ್ದಾರೆ.

ಹೇಮಂತ್ ಹೆಗಡೆ ತಮ್ಮ ಮುಂಬರುವ ಕಾಮಿಡಿ ಎಂಟರ್ಟೈನರ್ ಚಿತ್ರ ‘ನಮ್ ನಾಣಿ ಮದ್ವೆ ಪ್ರಸಂಗ’ದ ಬಿಡುಗಡೆಗೆ ಸಜ್ಜಾಗಿದ್ದಾರೆ. ಈಗ ತಮ್ಮ ಮುಂದಿನ ಸಿನಿಮಾವನ್ನು ಘೋಷಿಸಿದ್ದಾರೆ.

——