ನ.18ರಂದು ನಯನತಾರಾ ಜೀವನಾಧರಿತ ಸಾಕ್ಷ್ಯಚಿತ್ರ ಬಿಡುಗಡೆ

ದಕ್ಷಿಣ ಭಾರತದ ಲೇಡಿ ಸೂಪರ್‌ ಸ್ಟಾರ್‌  ನಯನತಾರಾ ಅವರ ಜೀವನ ಆಧಾರಿತ  ‘ನಯನತಾರಾ: ಬಿಯಾಂಡ್ ದಿ ಫೇರಿ ಟೇಲ್’ ಸಾಕ್ಷ್ಯ ಚಿತ್ರ  ನ.18ರಂದು  ಬಿಡುಗಡೆಯಾಗಲಿದೆ.

‘ ಸಾಕ್ಷ್ಯ ಚಿತ್ರವು ನಟಿಯ ಹುಟ್ಟುಹಬ್ಬದಂದು ಬಿಡುಗಡೆಯಾಗಲಿದೆ. ವೃತ್ತಿ ಜೀವನದಲ್ಲಿ ಉತ್ತುಂಗದಲ್ಲಿರುವ ನಯನತಾರಾ ಸಾಗಿ ಬಂದ ಹಾದಿ,  ಎದುರಿಸಿದ ಸವಾಲುಗಳ ಕುರಿತಾದ ಸಾಕ್ಷ್ಯ ಚಿತ್ರ ಇದಾಗಿದೆ. ಈ ಚಿತ್ರವು ಯುವ ಮನಸ್ಸುಗಳಿಗೆ ಸ್ಫೂರ್ತಿದಾಯಕವಾಗಿರುತ್ತದೆ ‘ಎಂದು ಒಟಿಟಿ ವೇದಿಕೆ ನೆಟ್ ಫ್ಲಿಕ್ಸ್ ತಿಳಿಸಿದೆ.

ನಯನತಾರಾ ಬದುಕಿನ ರೋಚಕ ಸನ್ನಿವೇಶಗಳನ್ನು ತೆರೆ ಮೇಲೆ ನೋಡಬಹುದಾಗಿದೆ. ಮಗಳಾಗಿ, ಹೆಂಡತಿಯಾಗಿ, ಸಂಗಾತಿಯಾಗಿ, ಸ್ನೇಹಿತೆಯಾಗಿ, ಉದ್ಯೋಗಿಯಾಗಿ ಹೀಗೆ ಎಲ್ಲಾ ರೀತಿ ಮಹಿಳೆಯ ಪ್ರತಿರೂಪದ ಭಾಗವಾಗಿ ಸಾಕ್ಷ್ಯ ಚಿತ್ರ ನಿರ್ಮಿಸಲಾಗಿದೆ.

ನಯನತಾರಾ ‘ಚಂದ್ರಮುಖಿ’, ‘ಗಜಿನಿ’, ‘ಬಿಗಿಲ್’, ‘ಬಾಡಿಗಾರ್ಡ್’, ‘ನೇತ್ರಿಕನ್’, ‘ಪುತಿಯ ನಿಯಮಮ್’ ಮತ್ತು ‘ಜವಾನ್’ ಸೇರಿದಂತೆ   ಅನೇಕ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ.  ನಯನತಾರಾ  2022ರಲ್ಲಿ ತಮಿಳುನಾಡಿನಲ್ಲಿ  ನಿರ್ದೇಶಕ ವಿಘ್ನೇಶ್ ಶಿವನ್ ಅವರನ್ನು ವಿವಾಹವಾದರು.

—-