‘ನವಗ್ರಹ’ ರೀ- ರಿಲೀಸ್: ದರ್ಶನ್ ನೋಡಿ ಫ್ಯಾನ್ಸ್ ಆರ್ಭಟ

ಇಂದು ಅದ್ಧೂರಿಯಾಗಿ ರೀ- ರಿಲೀಸ್ ಆಗಿರುವ ‘ನವಗ್ರಹ’  ಸಿನಿಮಾಗೆ ಥಿಯೇಟರ್‌ಗಳಲ್ಲಿ ಸಂಭ್ರಮ ಮುಗಿಲು ಮುಟ್ಟಿದೆ. ತೆರೆ ಮೇಲೆ ಮತ್ತೆ ದರ್ಶನ್ ನೋಡಿ ಫ್ಯಾನ್ಸ್ ಆರ್ಭಟಿಸುತ್ತಿದ್ದಾರೆ.

‘ನವಗ್ರಹ’ ಸಿನಿಮಾ   16 ವರ್ಷಗಳ ಬಳಿಕ ಮತ್ತೆ ಮರು ಬಿಡುಗಡೆಯಾಗುತ್ತಿದೆ. ಪ್ರತಿ ಸಿನಿಮಾ ರೀ ರಿಲೀಸ್ ಆದಂತೆ ಈ ಬಾರಿ ಕೂಡ ಥಿಯೇಟರ್‌ ಮುಂದೆ ಫ್ಯಾನ್ಸ್ ಜಮಾಯಿಸಿದ್ದಾರೆ. ಬೆಳಗ್ಗೆ 7.30ರ ಶೋನಿಂದಲೇ ಫ್ಯಾನ್ಸ್ ಸಂಭ್ರಮಿಸುವುದಕ್ಕೆ ಶುರು ಮಾಡಿದ್ದಾರೆ.

ರೇಣುಕಾಸ್ವಾಮಿ ಹತ್ಯೆ ಪ್ರಕರಣದಲ್ಲಿ ಆರೋಪಿಯಾಗಿರುವ ದರ್ಶನ್‌ಗೆ ಮಧ್ಯಂತರ ಜಾಮೀನು ಸಿಕ್ಕಿದೆ. ಈ ಹಿಂದೆ ಜೈಲಿನಲ್ಲಿ ಇರುವಾಗ  ದರ್ಶನ್ ನಟಿಸಿದ ಕೆಲ  ಸಿನಿಮಾ ರೀ- ರಿಲೀಸ್ ಆಗಿದ್ದವು. ಈಗ ಜಾಮೀನು ಸಿಕ್ಕು ಹೊರ ಬಂದ ಮೇಲೆ ‘ನವಗ್ರಹ’ ಮತ್ತೆ ಬಿಡುಗಡೆಯಾಗುತ್ತಿದೆ.

ದಿನಕರ್ ತೂಗುದೀಪ ‘ನವಗ್ರಹ’ ಸಿನಿಮಾಗೆ ಆಕ್ಷನ್ ಕಟ್ ಹೇಳಿದ್ದರು. ವಿನೋದ್ ಪ್ರಭಾಕರ್, ತರುಣ್ ಸುಧೀರ್, ಸೃಜನ್ ಲೋಕೇಶ್, ಧರ್ಮ ಕೀರ್ತಿರಾಜ್, ನಾಗೇಂದ್ರ ಅರಸ್, ಶರ್ಮಿಳಾ ಮಾಂಡ್ರೆ  ಸ್ಟಾರ್ ಕಾಸ್ಟ್ ಈ ಸಿನಿಮಾದಲ್ಲಿದೆ. ಕನ್ನಡ ಚಿತ್ರರಂಗದ ದಿಗ್ಗಜ ಖಳನಾಯಕರ ಮಕ್ಕಳನ್ನು ಇಟ್ಟುಕೊಂಡು ಸಿನಿಮಾ ಮಾಡಲಾಗಿತ್ತು.