‘ನಮ್ಮ ಫ್ಲಿಕ್ಸ್ ‘ ನಲ್ಲಿ ಬಹುಮಾನ.. ಇದು ‘ಭ್ರಮೆ’ಯಲ್ಲ ನಿಜ!

ಸಿನಿಮಾಗಳು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಮುಂದೆ ಹೋದಂತೆ, ಪ್ರೇಕ್ಷಕರ ನಿರೀಕ್ಷೆಗೆ ತಕ್ಕಂತೆ ನಿರ್ಮಾಪಕರು ಬೇರೆ ಬೇರೆ ಮಾರ್ಗಗಳನ್ನು ಅನುಸರಿಸುತ್ತಿದ್ದಾರೆ.

ಕನ್ನಡ ರಾಜ್ಯೋತ್ಸವದ ದಿನ ಬಿಡುಗಡೆಗೆ ಸಿದ್ಧವಾಗಿರೋ ಸಿನಿಮಾ‌ ‘ಭ್ರಮೆ’.ಚಿತ್ರವು
‘ನಮ್ಮ‌ ಫ್ಲಿಕ್ಸ್’ ಎನ್ನುವ ಒಟಿಟಿ ಆ್ಯಪ್ ನಲ್ಲಿ ಬಿಡುಗಡೆಗೆ ಸಿದ್ಧವಾಗಿದೆ. ಇದು ನಮ್ಮ ಫ್ಲಿಕ್ಸ್ ಮೂಲಕ ನೇರವಾಗಿ ಬಿಡುಗಡೆಯಾಗುತ್ತಿರುವ ಪ್ರಥಮ ಚಿತ್ರ.

ಭ್ರಮೆ ಸಿನಿಮಾವನ್ನು ಮನೆಯಲ್ಲಿಯೇ ಕುಳಿತುಕೊಂಡು ಒಟಿಟಿ ಆ್ಯಪ್ ನಲ್ಲಿ ನೋಡುವವರಿಗೆ ವಿಶೇಷ ಸಿದ್ಧತೆ ಮಾಡಲಾಗಿದೆ. ಜೊತೆಗೆ ವೀಕ್ಷಕರಿಗೆ ಆಕರ್ಷಕ ಬಹುಮಾನಗಳನ್ನು ಕೂಡ ಘೋಷಿಸಿದೆ ಚಿತ್ರ ತಂಡ. ಅದರ ಲಿಸ್ಟ್ ಈ ಕೆಳಗಿನಂತಿದೆ.ಮೊದಲನೇ ಬಹುಮಾನ ಕಾರ್. ಎರಡನೇ ಬಹುಮಾನ ಬುಲೆಟ್. ಮೂರನೇ ಬಹುಮಾನ ಹತ್ತು ಸಾವಿರ ರೂಪಾಯಿಗಳ ಅಮೆಜಾ಼ನ್ ಶಾಪಿಂಗ್ ವೋಚರ್.
ಅದಲ್ಲದೇ 10,000 ಟಿಕೆಟ್ ಗೆ ಒಂದು ಬೈಕ್ ಬಹುಮಾನ ಮತ್ತು ಪ್ರತಿ 1000 ಟಿಕೆಟ್ ಗಳಿಗೆ ಟ್ಯಾಬ್ ಬಹುಮಾನವಾಗಿ ಇಟ್ಟಿದ್ದಾರೆ.

ಹೆಸರೇ ಹೇಳುವಂತೆ ಇದು ತುಂಬಾ ಭ್ರಮೆಗಳಿಂದ ಕೂಡಿದ ಸಿನಿಮಾ. ರಿಯಲ್ ಇನ್ಸಿಡೆಂಟನ್ನು ತೆಗೆದು ಅದಕ್ಕೆ ಬಣ್ಣ ತುಂಬಿದ ಚಿತ್ರ. ನಿರ್ದೇಶಕ ಜಗನ್ನಾಥ್ ಅವರ ಮೂರನೇ ಸಿನಿಮಾ.‌ ಸ್ಮೈಲ್ ಶಿವು ಹೀರೋ ಆಗಿ, ಎರಡನೇ ಹೀರೋ ಆಗಿ ಅನಿಕ್, ಇವರಿಬ್ಬರಿಗೆ ಜೋಡಿಯಾಗಿ ನಾಯಕಿಯರಾದ ಬಿಗ್ ಬಾಸ್ ಖ್ಯಾತಿಯ ಸೋನು ಪಾಟೀಲ್ ಹಾಗೂ ಕಾವ್ಯ ಗೌಡ ನಟಿಸಿದ್ದಾರೆ. ಸಂಗೀತ ರಾಜ್ ಕಿಶೋರ್, ಸಾಹಿತ್ಯ ಶಿವು ಬೆರ್ಗಿ, ಸಹ ನಿರ್ಮಾಪಕ ಸ್ಟೀಬರ್ಡ್ ಕುಮಾರ್ ಅವರ ನೇತೃತ್ವದಲ್ಲಿ ಮೂಡಿ ಬಂದಿರೋ ಕಾಮಿಡಿ‌ ಹಾರರ್ ಫಿಲ್ಮ್. ಬಹುತೇಕ ಹೊಸಬರೇ ತುಂಬಿದ ಚಿತ್ರ. ಹಾಗಾಗಿ ‌ಒಳ್ಳೆಯ ಚಿತ್ರವೊಂದರ ವೀಕ್ಷಣೆಯ ಜೊತೆಗೆ ಬಹುಮಾನ ಗೆಲ್ಲುವ ಡಬಲ್ ಧಮಾಕದ ಅವಕಾಶ ಇರುವುದು ಸಿನಿಮಾ ವೀಕ್ಷಕರಿಗೆ ಖುಷಿಯ ವಿಚಾರ.

ಟಿಕೇಟ್ ಬುಕ್ ಮಾಡಲು 👇

https://rzp.io/l/Jj0vVWk