‘ಮುಂದಿನ ಬದಲಾವಣೆ’ ಧ್ವನಿಸುರುಳಿ ಬಿಡುಗಡೆ

ಚಿತ್ರಮಂದಿರದಲ್ಲಿ ಒಂದು ಚಿತ್ರ ಪ್ರದರ್ಶನವಾಗಬೇಕಾದರೆ ಥಿಯೇಟರ್ ಮುಂಭಾಗದಲ್ಲಿ ಮುಂದಿನ ಬದಲಾವಣೆ ಎಂದು ಬೇರೊಂದು ಚಿತ್ರದ ಪೋಸ್ಟರ್ ಹಾಕಿರುತ್ತಾರೆ, ಅಂದರೆ ಚಿತ್ರಮಂದಿರದಲ್ಲೇ ಅದೇ ಬಿಡುಗಡೆಯಾಗುವ ನೆಕ್ಸ್ಟ್ ಫಿಲಂ. ಈಗ ಮುಂದಿನ ಬದಲಾವಣೆ ಎಂಬ ಟೈಟಲ್ ಅನ್ನು ಇಟ್ಟುಕೊಂಡು ತಮ್ಮನನ್ನು ಚಿತ್ರರಂಗದಲ್ಲಿ ಬೆಳಗಿಸಲು ಹೊರಟಿರುವ ಅಣ್ಣ ಫಣಿಭೂಷಣ್ ಅವರು ನಿರ್ಮಿಸುತ್ತಿರುವ ಚಿತ್ರವೇ ಮುಂದಿನ ಬದಲಾವಣೆ.

ಒಂದು ಉತ್ತಮ ಚಿತ್ರವನ್ನು ನಿರ್ದೇಶಿಸಬೇಕೆಂಬ ಕನಸು ಹೊತ್ತ ತಮ್ಮ ಪ್ರವೀಣ್‍ಭೂಷಣ್‍ರ ಕನಸನ್ನು ನನಸು ಮಾಡಲು ಹೊರಟಿರುವ ನಿರ್ಮಾಪಕ ಫಣಿಭೂಷಣ್ ಅವರು ಈ ಚಿತ್ರದಲ್ಲಿ ಪ್ರವೀಣ್‍ಭೂಷಣ್‍ರನ್ನೇ ನಾಯಕನನ್ನಾಗಿ ಮಾಡದ್ದಾರೆ. ಈ ಚಿತ್ರದ ಟ್ರೈಲರ್ ಮತ್ತು ಆಡಿಯೋವನ್ನು ಮೊನ್ನೆ ಚಲನಚಿತ್ರ ಕಲಾವಿದರ ಸಂಘದ ಆವರಣದಲ್ಲಿ ಬಿಡುಗಡೆ ಮಾಡಲಾಯಿತು.

ನಟ ಅನಿರುದ್ಧ್ ಜತ್ಕರ್ ಅವರು ಮುಖ್ಯ ಅತಿಥಿಯಾಗಿ ಆಗಮಿಸಿ ಸಹೋದರರಿಗೆ ಆಲ್ ದ ಬೆಸ್ಟ್ ಹೇಳಿದರು. ಹೊಸಬರು ನಿರ್ಮಿಸುತ್ತಿರುವ ಮುಂದಿನ ಬದಲಾವಣೆ ಚಿತ್ರಕ್ಕೆ ಪ್ರೇಕ್ಷಕರು ಹಾರೈಸಬೇಕು ಎಂದರು. ನಿರ್ದೇಶಕ ಕಂ ನಟ ಪ್ರವೀಣ್‍ಭೂಷಣ್ ಮಾತನಾಡಿ, ನಾನು ಹಲವಾರು ವರ್ಷಗಳಿಂದ ಚಿತ್ರರಂಗದಲ್ಲಿ ನಾನಾ ವಿಭಾಗಗಳಲ್ಲಿ ಕೆಲಸ ಮಾಡಿದ್ದೇನೆ, ಒಂದಷ್ಟು ಕಿರುಚಿತ್ರಗಳನ್ನು ನಿರ್ದೇಶಿಸಿದ್ದಾರೆ, ಈಗ ನಾನು ನಿರ್ದೇಶಿಸುತ್ತಿರುವ ಮೊದಲ ಚಿತ್ರವಾದ ಮುಂದಿನ ಬದಲಾವಣೆ ಮೇಲೆ ಸಾಕಷ್ಟು ಭರವಸೆ ಇದೆ ಎಂದರು.

ಪ್ರವೀಣ್‍ಭೂಷಣ್, ಸಂಗೀತ, ಮಾಲಾಶ್ರೀ ನಾಯಕ, ನಾಯಕಿಯಾಗಿ ಕಾಣಿಸಿಕೊಂಡಿರುವ ಮುಂದಿನ ಬದಲಾವಣೆಗೆ ಕಾರ್ತಿಕ ವೆಂಕಟೇಶ್ ಸಂಗೀತ , ಕೋಟೇಶ್ವರರಾವ್ ಛಾಯಾಗ್ರಹಣವಿದ್ದು ನೀರವ್ ಕ್ರಿಯೇಷನ್ಸ್ ಅವರು ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಝಂಕಾರ ಮ್ಯೂಸಿಕ್ ಮೂಲಕ ಚಿತ್ರದ ಹಾಡುಗಳು ಹೊರಬಂದಿದ್ದು, ಪ್ರೇಕ್ಷಕರನ್ನು ಇಷ್ಟವಾಗುವ ಮೂಲಕ ಮುಂದಿನ ಬದಲಾವಣೆ ಚಿತ್ರಕ್ಕೆ ಪ್ಲಸ್ ಪಾಯಿಂಟ್ ಆಗುವಂತಾಗಲಿ.