‘ಮೋಡ ಕವಿದ ವಾತಾವರಣ’

ನಾಯಕ ನಿತಿನ್ ಎನ್.ರಾಜು ಮಾತನಾಡಿ, ನನಗೆ ಈ ಚಿತ್ರದಲ್ಲಿ ಉತ್ತಮ ಪಾತ್ರ ಸಿಕ್ಕಿದ್ದು ಒಬ್ಬ ಸಾಮಾನ್ಯ ಹುಡುಗನಾಗಿ ಕಾಣಿಸಿಕೊಂಡಿದ್ದು ನನಗೆ ಬ್ರೇಕ್ ಸಿಗುವ ಲಕ್ಷಣಗಳಿವೆ ಎಂದರು. ಚಿತ್ರದಲ್ಲಿ ನಾಯಕಿಯಾಗಿ ಅಭಿನಯಿಸಿರುವ ನಟಿ ಅರ್ಚನಾ ಮಾತನಾಡಿ ಮಲತಾಯಿಯ ಕಿರುಕುಳದಿಂದ ಬೇಸತ್ತು ಹೋಗಿರುವ ಒಬ್ಬ ತಬ್ಬಲಿ ಹುಡುಗಿಯ ಕಥೆ ಇದಾಗಿದ್ದು ಆ ಪಾತ್ರವನ್ನು ನಾನೇ ನಿರ್ವಹಿಸಿದ್ದೇನೆ ಎಂದು ಹೇಳಿದರು.

ಈ ಚಿತ್ರದಲ್ಲಿ ಮತ್ತೊಬ್ಬ ನಾಯಕಿಯ ಪಾತ್ರ ಕೂಡ ಬರಲಿದ್ದು ಆಕೆಯನ್ನು ಪರಿಚಯಿಸಿದರೆ ನಮ್ಮ ಚಿತ್ರದ ಕಥೆಯೇ ಗೊತ್ತಾಗಲಿದೆ. ಹೀಗಾಗಿ ಆಕೆಯನ್ನು ಸಸ್ಪೆನ್ಸ್ ಆಗಿ ಇಟ್ಟಿದ್ದಾರೆ. ಇನ್ನು ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ಲಕ್ಷ್ಮಿ ಸಿದ್ದಯ್ಯ, ಅಚ್ಯುತ್ ಕುಮಾರ್ ಸೇರಿದಂತೆ ಹಿರಿಯ, ಕಿರಿಯ ಕಲಾವಿದರ ದಂಡೇ ಕಾಣಿಸಿಕೊಂಡಿದೆ.

ಮೋಡ ಕವಿದ ವಾತಾವರಣ ಚಿತ್ರದ ಟೈಟಲ್ಲೇ ಸಖತ್ ಕ್ಯಾಚಿಯಾಗಿದ್ದು ಚಿತ್ರವು ಗೆಲ್ಲುವ ಎಲ್ಲ ಲಕ್ಷಣಗಳಿವೆ ಎಂದು ನಂಬಿರುವ ಚಿತ್ರತಂಡದ ನಂಬಿಕೆಗೆ ಪ್ರೇಕ್ಷಕರು ಯಾವ ರೀತಿ ಪ್ರತಿಕ್ರಿಯಿಸುತ್ತಾರೋ ಎಂಬುದನ್ನು ನೋಡಲು ಚಿತ್ರವು ಬೆಳ್ಳಿಪರದೆಗೆ ಬರುವವರೆಗೂ ಕಾಯಲೇಬೇಕು.