ನಿರೀಕ್ಷೆ ಮೂಡಿಸಿದ ‘ಮರ್ಯಾದೆ ಪ್ರಶ್ನೆ’

ನಾಗರಾಜ್ ಸೋಮಯಾಜಿ ನಿರ್ದೇಶನದ ಮರ್ಯಾದೆ ಪ್ರಶ್ನೆ ಟ್ರೈಲರ್ ಬಿಡುಗಡೆಯಾಗಿದ್ದು, ಪ್ರೇಕ್ಷಕರಲ್ಲಿ ನಿರೀಕ್ಷೆ ಹುಟ್ಟಿಸಿದೆ.

ಬೆಂಗಳೂರಿನ ಬದುಕಿನ ಬಗ್ಗೆ ಕಥೆ ಹೊಂದಿರುವ ಚಿತ್ರ, ಮಧ್ಯಮ ವರ್ಗದ ಚಿತ್ರಣದ ಜೊತೆಗೆ ಶ್ರೀಮಂತ ಯುವಕರ ಮನೋಭಾವದ ಬಗ್ಗೆ ಬೆಳಕು ಚೆಲ್ಲುತ್ತದೆ.

ಮಧ್ಯಮ ವರ್ಗ ಹಾಗೂ ಶ್ರೀಮಂತ ಯುವಕರ ನಡುವೆ ಸಂಘರ್ಷ ಆದಾಗ ಏನು ಆಗುತ್ತದೆ ಎನ್ನುವುದನ್ನು ಚಿತ್ರ ಹೇಳುತ್ತದೆ. ಟ್ರೈಲರ್ ನಲ್ಲಿ ಕಂಡ ವಿಷಯಗಳಿಗಿಂತ ಹೆಚ್ಚಿನ ವಿಷಯಗಳು ಚಿತ್ರದಲ್ಲಿವೆ ಎಂದು ನಿರ್ದೇಶಕರು ಹೇಳಿದ್ದಾರೆ.

ಚಿತ್ರದಲ್ಲಿ ಶೈನ್ ಶೆಟ್ಟಿ, ಪ್ರಭು ಮುಂಡ್ಕೂರ್, ತೇಜು ಬೆಳವಾಡಿ, ರಾಕೇಶ್ ಅಡಿಗ, ಪೂರ್ಣ ಮೈಸೂರು, ಶರಣ್, ಸುನಿಲ್ ರಾವ್ ಪ್ರಮುಖ ಪಾತ್ರದಲ್ಲಿದ್ದಾರೆ. ಚಿತ್ರದ ಎಲ್ಲಾ ಕಲಾವಿದರು ತಮ್ಮ ಪಾತ್ರಗಳಿಗೆ ಜೀವ ತುಂಬಿದ್ದಾರೆ ಎಂದು ನಿರ್ದೇಶಕರು ಹೇಳಿದ್ದಾರೆ.

ಬೆಂಗಳೂರಿನ ಬದುಕಿನ ಬಗ್ಗೆ ಕೇಳಿರುವ, ಬೆಂಗಳೂರಿನಲ್ಲಿ ವಾಸಿಸುವ ಪ್ರತಿಯೊಬ್ಬರಿಗೂ ಈ ಕಥೆ ಆಪ್ತವಾಗಿದೆ. ಅದ್ಭುತ ಸಿನಿಮಾ ಎಟಿಕ್ ಅನುಭವವನ್ನು ಚಿತ್ರ ನೀಡಲಿದೆ ಎಂದು ನಿರ್ದೇಶಕರು ಹೇಳಿದ್ದಾರೆ.

ಆರ್ ಜೆ ಪ್ರದೀಪ್ ಕತೆ ಬರೆದಿರುವ ಮರೆಯಾದ ಪ್ರಶ್ನೆ ಚಿತ್ರದ ಪೋಸ್ಟರ್, ಹಾಡುಗಳು ಈಗಾಗಲೇ ಗಮನ ಸೆಳೆದಿವೆ.