ಮಳೆಬಿಲ್ಲು ಚಿತ್ರೀಕರಣ ಮುಕ್ತಾಯ

ಅನನ್ಯ ಎಂಟರ್ ಪ್ರೈಸಸ್ ಲಾಂಛನದಲ್ಲಿ ನಿಂಗಪ್ಪ ನಿರ್ಮಿಸುತ್ತಿರುವ ಮಳೆಬಿಲ್ಲು ಚಿತ್ರಕ್ಕೆ ಕಳೆದ ವಾರ ಚಿತ್ರದುರ್ಗ, ಹಿರಿಯೂರು ಹಾಗೂ ವಾಣಿವಿಲಾಸ್ ಡ್ಯಾಮ್ ಸುತ್ತ ಮುತ್ತ ನಾಯಕ ಶರತ್ ಹಾಗೂ ನಾಯಕಿ ನಯನ ಅಭಿನಯಿಸಿದ “ಮೊದಲಾಯಿತು ಮೊದಲು ಮೊದಲು ಶುರುವಾಯಿತು, ಓ ಪ್ರೀತಿ ಓ ಪ್ರೀತಿ” ಎಂಬ ಎರಡು ಹಾಡುಗಳನ್ನು ಹೈಟ್ ಮಂಜು ನೃತ್ಯ ನಿರ್ದೇಶನದಲ್ಲಿ ಚಿತ್ರೀಕರಿಸಿಕೊಳ್ಳಲಾಯಿತು ಈ ಚಿತ್ರೀಕರಣದೊಂದ್ದಿಗೆ ಚಿತ್ರದ ಚಿತ್ರೀಕರಣ ಪೂರ್ಣಗೊಂಡಿತು. ಪ್ರತಿಯೊಬ್ಬ ಯುವಕರ ಜೀವನದಲ್ಲಿ ಏಳು ಬಣ್ಣಗಳಿಂದ ರಚನೆಯಾಗುವ ಮಳೆಬಿಲ್ಲಿನಂಥಾ ಹುಡುಗಿಯೊಬ್ಬಳು ಇದ್ದೇ ಇರುತ್ತಾಳೆ. ಅಂತಾ ಹುಡುಗಿಯೊಬ್ಬಳ ಜೀವನದಲ್ಲಿ ಬಂದಾಗ ಆತನ ಜೀವನ ಹೇಗೆ ಬದಲಾಗುತ್ತದೆ ಎಂಬ ಅಂಶ ಈ ಚಿತ್ರದ ಕತೆಯಲ್ಲಿದೆ.

ನಾಗರಾಜ್ ಹಿರಿಯೂರು ಕಥೆ, ಚಿತ್ರಕಥೆ, ಸಂಭಾಷಣೆ, ಬರೆದು ನಿರ್ದೇಶಿಸುತ್ತಿರುವ ಈ ಚಿತ್ರಕ್ಕೆ ಸಿ.ನಾರಾಯಣ್ ಛಾಯಾಗ್ರಹಣ, ಗಣೇಶ್-ನಾರಾಯಣ್ ಸಂಗೀತ, ಎಂ.ಮುನಿರಾಜು ಸಂಕಲನ, ನಾಗಾರಾಜ್ ಸಾಹಿತ್ಯ, ಎಂ.ಆರ್.ಕಪಿಲ್, ಹೈಟ್ ಮಂಜು ನೃತ್ಯ ನಿರ್ದೇಶನ ಡಿಫರೆಂಟ್ ಡ್ಯಾನಿ ಸಾಹಸವಿದೆ. ಶರತ್, ನಯನ, ಸಂಜನ, ಕಿರ್ಲೋಸ್ಕರ್ ಸತ್ಯನಾರಾಯಣ್, ಮೈಕೋ ನಾಗಾರಾಜ್, ಶ್ರೀನಿವಾಸ ಪ್ರಭು, ಮಹಾದೇವ್, ಚಂದನ್, ಡಿಫರೆಂಟ್ ಡ್ಯಾನಿ, ಮೀಸೆ ಅಂಜನಪ್ಪ, ಕೃಷ್ಣ ಮೂರ್ತಿ, ಡಿ.ಕೆ.ಯಶೋಧ, ರವಿತೇಜ, ಹರ್ಷಿತ, ಪ್ರಜ್ವಲ್, ದಮಯಂತಿ ನಾಗಾರಾಜ್, ಸೌಮ್ಯ, ಲಾವಣ್ಯ, ಇನ್ನೂ ಮುಂತಾದವರ ತಾರಾಬಳಗವಿದೆ.