ಲಾಂಗ್ ಗ್ಯಾಪ್ ನಂತ್ರ ಮತ್ತೆ ಬಂದ ಬೆಳ್ಳಿ ಚುಕ್ಕಿ!
ಆಗಿನ ಕಾಲದ ಟಾಪ್ ಹೀರೋಯಿನ್ಸ್ ಪಟ್ಟಿಗಳಲ್ಲಿ ನಿಲ್ಲುವ ಚೆಲುವೆ ಅಂದ್ರೆ ಈ ಸೂರ್ಯವಂಶದ ಬೆಡಗಿ. ತಮಿಳು , ಕನ್ನಡ ಚಿತ್ರರಂಗದಲ್ಲೂ ಅಭಿನಯಿಸಿ ಹೆಸ್ರು ಮಾಡಿದ ಈಕೆ ಅದ್ಯಾಕೋ ಇಂಡಸ್ಟ್ರೀಯಿಂದ ದೂರ ಉಳಿದಿದ್ರು.. ಬಟ್ ಈಗ ಈ ಬೆಳ್ಳಿ ಚುಕ್ಕಿ ಮತ್ತೊಮ್ಮೆ ಸಿನಿರಂಗದಲ್ಲಿ ಶೈನ್ ಆಗೋಕೆ ಸಜ್ಜಾಗಿದ್ದಾರೆ..
ಈಕೆಯದ್ದು ಎಲ್ಲರು ನಾಚುವಂತಹ ನಟನೆ, ಸೌಂದರ್ಯದಲ್ಲಿ ಅಪ್ಸರೆ, ಬಂದ ಶಾರ್ಟ್ ಟೈಮ್ನಲ್ಲೇ ಅದ್ಭುತ ಕಲಾವಿದೆ ಅಂತ ತೋರಿಸಿಕೊಟ್ಟ ಚೆಲುವೆ ಈ ವಿಜಯ್ಲಕ್ಷ್ಮೀ ..
ನಾಗಮಂಡಲ ಚಿತ್ರದ ಮೂಲಕ ಎಂಟ್ರಿ ಕೊಟ್ಟ ವಿಜಯ್ಲಕ್ಷ್ಮೀ ಗೆ ಸಿನಿ ಅದೃಷ್ಟ ಕೂಡ ಕೈ ಹಿಡಿತು.. ಈಕೆ ನಟಿಸಿದ್ದ ಬಹುತೇಕ ಚಿತ್ರಗಳು ಹಿಟ್ ಆದ್ವು.. ತಮಿಳಿನಲ್ಲೂ ಸೂರ್ಯ , ವಿಜಯ್, ಸೂರಿ ನಂತಹ ದೊಡ್ಡ ಸ್ಟಾರ್ಸ್ಗಳ ಜೊತೆಯಲ್ಲೂ ಸ್ಕ್ರೀನ್ ಶೇರ್ ಮಾಡಿದ್ರು.. ಈಕೆ ಬ್ಯೂಟಿ ಹಾಗೂ ಆಕ್ಟಿಂಗ್ ಗೆ ಮಲಯಾಳ ಚಿತ್ರರಂಗದಲ್ಲೂ ಚಾನ್ಸ್ ದೊರಕಿತು..
ನಂತ್ರ ಕನ್ನಡದಲ್ಲಿ 20 ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರೋ ವಿಜಯಲಕ್ಷ್ಮೀ ಕಡೆಯದಾಗಿ 2011 ರಲ್ಲಿ ನಾನಲ್ಲ ಸಿನಿಮಾದಲ್ಲಿ ನಟಿಸಿದ್ರು. ಇದಾದ ಬಳಿಕ ಕನ್ನಡ ಸಿನಿಮಾಗಳಲ್ಲಾಗ್ಲೀ, ಟಿವಿ ಶೋಗಳಲ್ಲಾಗ್ಲೀ ಎಲ್ಲೂ ಕಾಣಸಿಗಲಿಲ್ಲ.ವಿಜಯಲಕ್ಷ್ಮೀ ಚೆನ್ನೈನಲ್ಲಿ ಸೆಟ್ಲ್ ಆಗಿದ್ದಾರೆ. ತಮಿಳು ಸೀರಿಯಲ್ ಸಿನಿಮಾಗಳಲ್ಲಿ ನಟಿಸ್ತಾ ಇದ್ದಾರೆ ಅಂತೆಲ್ಲಾ ಗಾಳಿ ಸುದ್ದಿಗಳು ಹರಿದಾಡ್ತಿದ್ದು. ಬಟ್ ಈ ರೂಮರ್ಸ್ಗಳಿಗೆಲ್ಲ ಬ್ರೇಕ್ ಹಾಕಿ ವಿಜಯ್ಲಕ್ಷ್ಮೀ ಈಗ ಮರಿ ಟೈಗರ್ ವಿನೋದ್ ಪ್ರಭಾಕರ್ ಜೊತೆ ಆಕ್ಟ್ ಮಾಡಲು ಮುಂದಾಗಿದ್ದಾರೆ.
ಎಸ್ ವಿನೋದ್ ಪ್ರಭಾಕರ್ ಈಗ ಫೈಟರ್ ಚಿತ್ರದಲ್ಲಿ ನಟಿಸುತ್ತಿದ್ದು, ಈ ಚಿತ್ರದಲ್ಲಿ ವಿಜಯ್ಲಕ್ಷ್ಮೀ ತಾಯಿ ಪಾತ್ರ ಮಾಡ್ತಿದ್ದಾರೆ. ಒಂದು ದೊಡ್ಡ ಗ್ಯಾಪ್ ನಂತರ “ಫೈಟರ್’ ಮೂಲಕ ಹೊಸ ಇನ್ನಿಂಗ್ಸ್‌ ಶುರು ಮಾಡುತ್ತಿರುವ ವಿಜಯಲಕ್ಷ್ಮೀ ಇಲ್ಲಿ ವಿನೋದ್ ಪ್ರಭಾಕರ್ ಅವರ ತಾಯಿ ಮಾತ್ರವಲ್ಲ, ಅವರೊಬ್ಬ ದಕ್ಷ ಜಿಲ್ಲಾಧಿಕಾರಿಯಾಗಿ ನಟಿಸುತ್ತಿದ್ದಾರೆ. ನಿರ್ದೇಶಕ ನೂತನ್‌ ಉಮೇಶ್‌ ಅವರು ಆಗಸ್ಟ್‌ 6 ರಿಂದ ವಿಜಯಲಕ್ಷ್ಮೀ ಅವರ ಭಾಗದ ಚಿತ್ರೀಕರಣ ನಡೆಸಲು ರೆಡಿಯಾಗಿದ್ದಾರೆ.
ಅಂತು ಲಾಂಗ್ ಗ್ಯಾಪ್ ನಂತ್ರ ಬಂದ ಈ ಬೆಳ್ಳಿ ಚುಕ್ಕಿಯನ್ನು ಮತ್ತೆ ಬಿಗ್ ಸ್ಕ್ರೀನ್ನಲ್ಲಿ ನೋಡಲು ಅಭಿಮಾನಿಗಳು ವೇಯ್ಟಿಂಗ್ನಲ್ಲಿದ್ದಾರೆ.
Pingback: Fake Patek Philippe Twenty 4