ಚಂದನವನದಲ್ಲಿ ಕೃಷ್ಣ ಸೀರೀಸ್ ನ ನಾಯಕನಾಗಿ ಪ್ರೇಕ್ಷಕರ ಮನಸ್ಸಲ್ಲಿ ಭದ್ರ ನೆಲೆ ಕಂಡಿರುವoತಹ ನಟ ಅಜಯ್ ಕೃಷ್ಣ ರಾವ್. ಇವರ ನಟನೆಯ “ಕೃಷ್ಣ ಟಾಕೀಸ್” ಆರಂಭದಿಂದ ಇಲ್ಲಿಯವರೆಗೂ ಪ್ರತಿ ಹಂತದಲ್ಲೂ ಸದ್ದು ಮಾಡುತ್ತಾ ಬಂದಿದೆ.
ಈ ಬಾರಿಯ ವಿಶೇಷ ಏನೆಂದರೆ ಸಂಕ್ರಾಂತಿ ಹಬ್ಬದ ಕೊಡುಗೆಯಾಗಿ ಈ ಚಿತ್ರದ ಎರಡನೇ ವಿಡಿಯೋ ಲಿರಿಕಲ್ ಹಾಡನ್ನ ಬಿಡುಗಡೆ ಗೊಳಿಸಿರುವುದು. ಈ ಸುಂದರ ಹಾಡನ್ನು ಬಿಡುಗಡೆ ಮಾಡಿದವರು ಬೇರೆ ಯಾರೋ ಅಲ್ಲ ನಟ ಕೃಷ್ಣ ಅಜಯ್ ರಾವ್ ರವರ ಸುಪುತ್ರಿ ಮುದ್ದು ಪುಟಾಣಿ ಚೆರ್ರಿ. ಸಂಕ್ರಾಂತಿ ಹಬ್ಬದ ಕೊಡುಗೆಯಾಗಿ ಬಿಡುಗಡೆ ಆಗಿರುವ ಈ ಹಾಡು ಸೋಷಿಯಲ್ ಮೀಡಿಯಾದಲ್ಲಿ ಬಾರಿ ವೈರಲ್ ಆಗಿದೆ.
ಗೋಕುಲ್ ಎಂಟರ್ಟೈನರ್ ಬ್ಯಾನರ್ ಮೂಲಕ ಗೋವಿಂದ್ ರಾಜು ನಿರ್ಮಿಸುತ್ತಿರುವ ಈ ಚಿತ್ರವನ್ನು ವಿಜಯಾನಂದ್ ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರಕ್ಕೆ ಶ್ರೀಧರ್ ವಿ. ಸಂಭ್ರಮ್ ಸಂಗೀತ ಸಂಯೋಜನೆ ಮಾಡಿದ್ದು, ಒಂದೊಂದು ಹಾಡು ವಿಭಿನ್ನವಾಗಿ ಬಂದಿದ್ದು , ಸದ್ಯ ಬಿಡುಗಡೆಯಾಗಿರುವ ಎರಡನೇ ಲಿರಿಕಲ್ ವಿಡಿಯೋ ಹಾಡು ಎಲ್ಲರ ಗಮನ ಸೆಳೆಯುತ್ತಿದೆ.
ನಿರ್ದೇಶಕ ವಿಜಯಾನಂದ್ ರವರೇ ಈ ಹಾಡಿನ ಸಾಹಿತ್ಯವನ್ನು ರಚಿಸಿದ್ದಾರೆ.ಈ ಚಿತ್ರದ ಕಥಾಹಂದರದ ಪ್ರಕಾರ ಚಿತ್ರದ ಶೀರ್ಷಿಕೆ ಹೇಳುವಂತೆ ಇದು ಕೃಷ್ಷ ಹೆಸರಿನ ಟಾಕೀಸ್ ವೊಂದರಲ್ಲಿ ನಡೆಯುವ ಕತೆಯಾಗಿದೆ. ಕೃಷ್ಣ ಅಜಯ್ ರಾವ್ ನಾಯಕನಾಗಿ ಅಭಿನಯಿಸುತ್ತಿರುವ ಈ ಚಿತ್ರದಲ್ಲಿ ಸಿಂಧು ಲೋಕನಾಥ್, ಅಪೂರ್ವ ಮುಖ್ಯ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.
ಸದ್ಯ ಎಲ್ಲ ಅಂದುಕೊಂಡಂತೆ ನಡೆಯುತ್ತಿದ್ದು , ಚಿತ್ರವನ್ನ ಅತೀ ಶೀಘ್ರದಲ್ಲಿ ಬೆಳ್ಳಿಪರದೆ ಮೇಲೆ ತರಲು ತಂಡ ಎಲ್ಲಾ ರೀತಿಯ ಸಿದ್ಧತೆಗಳನ್ನು ಮಾಡಿಕೊಳ್ಳುತ್ತಿದೆ. ಅದ್ದೂರಿ ಪ್ರಚಾರದ ಮೂಲಕ “ಕೃಷ್ಣ ಟಾಕೀಸ್” ತೆರೆಯ ಮೇಲೆ ರಾರಾಜಿಸಲಿದೆ.
Be the first to comment