ಕಿರುತೆರೆಯಲ್ಲಿ ಅನುಭವ ಪಡೆದ ಮಂದಿಯ ಮುಂದಿನ ಪಯಣ ಆರಂಭವಾಗೋದು ಹಿರಿತೆರೆಯಲ್ಲಿ. ಅದು ನಟ-ನಟಿಯರು, ತಂತ್ರಜ್ಘರು ಸೇರಿಕೊಂಡಿ ಅದೃಷ್ಟ ಪರೀಕ್ಷೆಗೆ ಬರುತ್ತಾರೆ. ಅದರ ಸಾಲಿಗೆ ‘ಕೃಷ್ಣ ಗಾರ್ಮೆಂಟ್ಸ್’ ಚಿತ್ರವು ಒಂದಾಗಿದೆ. ಪ್ರೀತಿ ಮತ್ತು ಸೆಸ್ಪನ್ಸ್ ಥ್ರಿಲ್ಲರ್ ಕಥಾಹಂದರಲ್ಲಿ ಮನರಂಜನೆಯೇ ಮುಖ್ಯವಾಗಿದೆ. `ಶ್ರೀಮಾನ್ ಶ್ರೀಮತಿ` ಧಾರಾವಾಹಿ ಖ್ಯಾತಿಯ ಭಾಸ್ಕರ್‍ನೀನಾಸಂ ನಾಯಕ, `ಬ್ರಹ್ಮಾಸ್ತ್ರ` ಧಾರಾವಾಹಿಯ ರಶ್ಮಿತ ನಾಯಕಿ. ಇವರೊಂದಿಗೆ ರಾಜೇಶ್ ನಟರಂಗ, ಹೆಚ್.ಎಂ.ಟಿ ವಿಜಯ್,ರಾಮರಾವ್,ಪ್ರಮಿಳಾಸುಬ್ರಮಣ್ಯ,ವರ್ಧನ್‍ತೀರ್ಥಹಳ್ಳಿ, ಕಿರಣ್‍ಹೊನ್ನಾವರ ತಾರಾಬಳಗದಲ್ಲಿದ್ದಾರೆ.
ಮನೆಮಗಳು, ಯಶೋಧರ ಸೇರಿದಂತೆ ಹತ್ತಾರು ಧಾರವಾಹಿಗಳಗೆ ಆಕ್ಷನ್ ಕಟ್ ಹೇಳಿರುವ ಸಿದ್ದುಪೂರ್ಣಚಂದ್ರ ಕತೆ,ಚಿತ್ರಕತೆ, ಸಂಭಾಷಣೆ, ಸಾಹಿತ್ಯ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ. ರಘುಧನ್ವಂತ್ರಿ ಸಂಗೀತ, ಛಾಯಗ್ರಹಣ ಚಿದಾನಂದ್‍ಚಂದ್ರಶೇಖರ್, ಹಿನ್ನಲೆ ಸಂಗೀತ ನಂದು.ಜೆ.ಜಬೇಜ್ ನಿರ್ವಹಿಸುತ್ತಿದ್ದಾರೆ. ಬೆಂಗಳೂರು, ಶ್ರವಣಬೆಳಗೊಳ, ಚೆನ್ನರಾಯಪಟ್ಟಣ, ಹಾಸನ ಮುಂತಾದ ಕಡೆ ಚಿತ್ರೀಕರಣ ನಡೆಯತ್ತಿದೆ. ಸುಮುಖ ಪಿಕ್ಚರ್ಸ್ ಲಾಂಛನದಲ್ಲಿ ಕೆ.ಶ್ರೀನಿವಾಸಮೂರ್ತಿ ನಿರ್ಮಿಸುತ್ತಿದ್ದಾರೆ. ಮಾರ್ಚ್ ತಿಂಗಳಲ್ಲಿ ಮಹೂರ್ತ ನಡೆದ ನಂತರ ಚಿತ್ರದ ಮಾಹಿತಿ ಲಭ್ಯವಾಗಿರಲಿಲ್ಲ. ಈಗ ಪ್ರಚಾರದ ಮೊದಲ ಹಂತವಾಗಿ ನಾಯಕ-ನಾಯಕಿಯ ಫಸ್ಟ್ ಲುಕ್‍ದಲ್ಲಿ ದಕ್ಷಿಣ ಭಾರತೀಯ ವಧು-ವರ ಧರಿಸುವ ಕಾಸ್ಟ್ಯೂಮ್‍ನಂತೆ ಇರಲಿದೆ.
Pingback: his comment is here