ಬಿಡುಗಡೆಗೆ ಸಜ್ಜಾಗುತ್ತಿದೆ ‘ಕೊರಗಜ್ಜ’ ಚಿತ್ರ

ಕರಾವಳಿ ಪ್ರದೇಶದಲ್ಲಿ ಪೂಜಿಸುವ  ಕೊರಗಜ್ಜನ ಕಥೆಯ  ಬಹುಭಾಷಾ ಚಿತ್ರ ‘ಕೊರಗಜ್ಜ’ ಬಿಡುಗಡೆಗೆ ಸಜ್ಜಾಗುತ್ತಿದೆ.

ಸಕ್ಸಸ್ ಫಿಲಂಸ್ ಮತ್ತು ತ್ರಿವಿಕ್ರಮ್ ಸಿನಿಮಾಸ್ ಜಂಟಿಯಾಗಿ ನಿರ್ಮಿಸಿರುವ ‘ಕೊರಗಜ್ಜ’ ಚಿತ್ರ  ತುಳು, ಮಲಯಾಳಂ, ತಮಿಳು, ತೆಲುಗು ಮತ್ತು ಹಿಂದಿ ಸೇರಿ ಐದು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ. ಚಿತ್ರಕ್ಕೆ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ಲೇಖಕ ಸುಧೀರ್ ಅತ್ತಾವರ ನಿರ್ದೇಶನವಿದೆ.

ಕೊರಗಜ್ಜ ಚಿತ್ರದಲ್ಲಿ ಕಬೀರ್ ಬೇಡಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಚಿತ್ರದ ತಾರಾಗಣದಲ್ಲಿ ಭವ್ಯ, ಸಂದೀಪ್ ಸೋಪರ್ಕರ್, ಗಣೇಶ್ ಆಚಾರ್ಯ, ಶ್ರುತಿ ಮತ್ತು ನವೀನ್ ಡಿ ಪಡೀಲ್ ಇದ್ದಾರೆ. ಚಿತ್ರಕ್ಕೆ ಮನೋಜ್ ಪಿಳ್ಳೈ   ಛಾಯಾಗ್ರಹಣ, ಗೋಪಿ ಸುಂದರ್  ಸಂಗೀತ ಸಂಯೋಜನೆ ಮತ್ತು ಜಿತ್ ಜೋಷಿ ಮತ್ತು ವಿದ್ಯಾಧರ್ ಶೆಟ್ಟಿ ಸಂಕಲನವಿದೆ.

ಕೊರಗಜ್ಜನ ಕಥೆಯು ಕೇರಳದ ಪೂಜ್ಯ ದೇವತೆ ಮುತ್ತಪ್ಪನ್‌ನ ದಂತಕಥೆಯೊಂದಿಗೆ ಸಮಾನಾಂತರವಾಗಿದೆ ಎಂದು ಹೇಳಲಾಗುತ್ತದೆ.  800 ವರ್ಷಗಳ ಹಿಂದೆ ಸ್ಥಳೀಯ ಯುವಕರು ಹೇಗೆ ಪರಿವರ್ತನೆಯಾದರು ಎಂಬ ಪ್ರಯಾಣದ ಕುರಿತು ಚಿತ್ರದಲ್ಲಿ ಹೇಳಲಾಗಿದೆ.  ಚಿತ್ರದ ನಿರೂಪಣೆಯು ಕಾಂತಾರ ಚಿತ್ರದಲ್ಲಿ ಪ್ರಮುಖವಾಗಿ ಕಾಣಿಸಿಕೊಂಡಿದ್ದ ಭೂತ ಕೋಲಾ ಸೇರಿದಂತೆ ಸ್ಥಳೀಯ ಸಂಪ್ರದಾಯ ಮತ್ತು ಜಾನಪದ ಅಂಶ ಹೊಂದಿದೆ.