ನಿರೀಕ್ಷೆ ಹುಟ್ಟಿಸಿದ ‘ಕೆಜಿಎಫ್ 2’ ಟ್ರೈಲರ್

ಬಹುನಿರೀಕ್ಷಿತ ‘ಕೆಜಿಎಫ್ 2’ ಟ್ರೈಲರ್ ಪಂಚ ಭಾಷೆಗಳಲ್ಲಿ ಬಿಡುಗಡೆ ಆಗಿದ್ದು, ಸಿನಿಪ್ರಿಯರ ಮೆಚ್ಚುಗೆ ಪಡೆಯುವಲ್ಲಿ ಯಶಸ್ವಿಯಾಗಿದೆ.

ಬೆಂಗಳೂರಿನ ಒರಾಯನ್ ಮಾಲ್ ನಲ್ಲಿ ನಡೆದ ಟ್ರೈಲರ್ ಬಿಡುಗಡೆ ಕಾರ್ಯಕ್ರಮದಲ್ಲಿ ಸಾಕಷ್ಟು ಅಭಿಮಾನಿಗಳು, ಸಿನಿಪ್ರಿಯರು ಟ್ರೈಲರ್ ಕಣ್ತುಂಬಿಕೊಳ್ಳಲು ಕಾತುರಿಸಿದ್ದರು. ಟ್ರೈಲರ್ ಲಾಂಚ್ ಕಾರ್ಯಕ್ರಮದಲ್ಲಿ ಗಣ್ಯಾತಿಗಣ್ಯರು ಸಾಕ್ಷಿಯಾದರು.

“ಐ ಲವ್ ಯೂ, ಯೂ ಮಸ್ಟ್ ಲವ್ ಮಿ” ಹಾಡನ್ನು ಹಾಡುತ್ತಾ ವಿಭಿನ್ನವಾಗಿ ಟ್ರೈಲರ್ ಲಾಂಚ್‌ಗೆ ಶಿವರಾಜ್‌ ಕುಮಾರ್ ಚಾಲನೆ ನೀಡಿದರು.

ಟ್ರೈಲರ್ ವೀಕ್ಷಿಸಿದ ಮಾತನಾಡಿದ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್, ಟ್ರೈಲರ್ ತುಂಬಾ ಅದ್ಭುತವಾಗಿ ಬಂದಿದೆ. ಪ್ರಶಾಂತ್ ನೀಲ್, ಯಶ್, ನಿಮ್ಮ ಕೆಲಸ ತುಂಬ ಅದ್ಭುತವಾಗಿ ಮೂಡಿ ಬಂದಿದೆ. ಯಶ್ ನನಗೆ ಮೊದಲಿನಿಂದಲೂ ಆತ್ಮೀಯ. ಅವನು ತುಂಬ ಹ್ಯಾಂಡ್‌ಸಮ್ ಆಗಿ ಕಾಣಿಸಿಕೊಳ್ತಾನೆ. ರಾಧಿಕಾ ಪಂಡಿತ್ ಯಶ್ ಬದುಕಲಿ ಬಂದ ನಂತರ ಅವನ ಲಕ್ ಮತ್ತಷ್ಟು ಹೆಚ್ಚಾಗಿದೆ. ರಾಧಿಕಾ, ಯಶ್ ತುಂಬಾ ಕ್ಯೂಟ್ ಕಪಲ್ ಗಳು. ನಮ್ಮ ಕುಟುಂಬ ಮತ್ತು ಯಶ್ ಕುಟುಂಬ ತುಂಬಾ ಆತ್ಮೀಯವಾಗಿ ಇದ್ದೇವೆ. ಇಡೀ ‘ಕೆಜಿಎಫ್ ಚಾಪ್ಟರ್ 2′ ತಂಡಕ್ಕೆ ನನ್ನ ಶುಭಾಶಯಗಳು” ಎಂದು ಚಿತ್ರತಂಡಕ್ಕೆ ಶುಭ ಕೋರಿದರು.

ಕಾರ್ಯಕ್ರಮದಲ್ಲಿ ಮಾತನಾಡಿದ ನಾಯಕ ನಟ ಯಶ್, “ಎಲ್ಲಾ ಕಡೆ ಕೆಜಿಎಫ್’ ಅಂದ್ರೆ ಕೆಜಿಎಫ್ ಅನ್ನುತ್ತಿದ್ದಾರೆ. ನಿಜವಾಗಿಯೂ ಈ ಎಲ್ಲಾ ಕ್ರೆಡಿಟ್ ಪ್ರಶಾಂತ್ ನೀಲ್‌ಗೆ ಸಲ್ಲಬೇಕು. ಅವರು ಇಲ್ಲದೇ ಇದ್ದಿದ್ದರೇ ಕೆಜಿಎಫ್ ಸಿನಿಮಾ ಆಗ್ತಿತ್ತೋ ಇಲ್ವೋ ಗೊತ್ತಿಲ್ಲಾ. ನಾನು ಈ ಸಿನಿಮಾದ ಒಂದು ಭಾಗ ಅಷ್ಟೆ. ಎಲ್ಲರ ಶ್ರಮದಿಂದ ಈ ಸಿನಿಮಾ ರಿಲೀಸ್‌ಗೆ ತಯಾರಾಗಿದೆ” ಎಂದರು.

“ನಮ್ಮ ತಂಡದ ಸೆಟ್ ಬಾಯ್ಸ್, ಲೈಟ್ ಬಾಯ್ಸ್ ಥರ ಕೆಲಸ ಮಾಡುವವರು ಬೇರೆ ಇಂಡಸ್ಟ್ರಿಯಲ್ಲಿ ಸಿಗಲು ಸಾಧ್ಯವೇ ಇಲ್ಲ. ಅವರ ಡೆಡಿಕೇಶನ್ ನೋಡಿ ನಾನೇ ಬೆರಗಾಗಿದ್ದೇನೆ” ಎಂದರು ಯಶ್.

“ರವೀನಾ ಟಂಡನ್ ಅದ್ಭುತ ನಟಿ. ಸ್ಟನಿಂಗ್ ಬ್ಯೂಟಿ ಅವರದ್ದು. ಸಂಜು ಸರ್ ತುಂಬಾ ಡೌನ್‌ ಟು ಅರ್ಥ್. ಸಂಜು ಸರ್ ನನ್ನ ಯಶ್ ಬಾಯ್ ಎಂದೇ ಕರೀತಾರೆ. ಅವರು ತುಂಬ ಹಂಬಲ್. ಸಂಜು ಸರ್ ಕಮಿಟ್‌ಮೆಂಟ್ ಸೂಪರ್” ಎಂದು ಯಶ್ ಕೊಂಡಾಡಿದರು.

‘ಕೆಜಿಎಫ್ 2’ ಟ್ರೈಲರ್ ಸಿಕ್ಕಾಪಟ್ಟೆ ಪವರ್‌ಫುಲ್ ಆಗಿ ಮೂಡಿ ಬಂದಿದೆ. ಅಧೀರ ಎಷ್ಟು ಭಯಾನಕ ಅನ್ನುವುದನ್ನು ಈ ಟ್ರೈಲರ್‌ನಲ್ಲಿ ತೋರಿಸಲಾಗಿದೆ. ರಾಕಿ ಭಾಯ್ ಎಂಟ್ರಿ ಕೂಡ ಸಖತ್ತಾಗಿದೆ ಮೂಡಿ ಬಂದಿದೆ. ವೈಲೆನ್ಸ್.. ವೈಲೆನ್ಸ್.. ವೈಲೆನ್ಸ್.. ಎಂದು ಎಂಟ್ರಿ ಕೊಡುವ ಯಶ್ ಕೇವಲ ಗ್ಯಾಂಗ್‌ಸ್ಟರ್ ಅಲ್ಲದೆ ಉದ್ಯಮಿಯಾಗಿಯೂ ಕಾಣಿಸಿಕೊಳ್ಳಲಿದ್ದಾರೆ.
ತೆಲುಗು ಟ್ರೈಲರ್ ಎ ನ್ನುರಾಮ್ ಚರಣ್, ತಮಿಳನ್ನು ಸೂರ್ಯ, ಹಿಂದಿ ಟ್ರೈಲರ್ ನ್ನು ಫರ್ಹಾನ್ ಅಖ್ತರ್, ಮಲಯಾಳಂನ ಟ್ರೈಲರ್ ನ್ನು ಪೃಥ್ವಿರಾಜ್ ರಿಲೀಸ್ ಮಾಡಿದರು.

ಕೆಜಿಎಫ್ ಟ್ರೈಲರ್ ಬಹಳ ನಿರೀಕ್ಷೆ ಮೂಡಿಸಿದ್ದು, ಚಿತ್ರ ಏಪ್ರಿಲ್ 14ರಂದು ಬಿಡುಗಡೆ ಆಗಲಿದೆ.
____