ಕಿರುತೆರೆಯಲ್ಲಿ ಬರುತ್ತಿದೆ ‘ಕೆಜಿಎಫ್ 2’

ರಾಕಿಂಗ್ ಸ್ಟಾರ್ ಯಶ್ ನಟನೆಯ ‘ಕೆಜಿಎಫ್ 2’ ಸಿನಿಮಾ ಆಗಸ್ಟ್ 20 ರಂದು ಸಂಜೆ 7 ಗಂಟೆಗೆ ಜೀ ಕನ್ನಡದಲ್ಲಿ ಪ್ರಸಾರ ಆಗಲಿದೆ.

ಯಶ್, ಸಂಜಯ್ ದತ್, ರವೀನಾ ಟಂಡನ್, ಶ್ರೀನಿಧಿ ಶೆಟ್ಟಿ ಅಭಿನಯದ ಈ ಸಿನಿಮಾ ಟಿಆರ್‌ಪಿಯಲ್ಲಿ ದಾಖಲೆ ಬರೆಯುತ್ತದೆಯೇ ಎನ್ನುವ ಕುತೂಹಲ ಸಿನಿಪ್ರಿಯರನ್ನು ಕಾಡಿದೆ.

ಕೆಜಿಎಫ್ 2′. ಈ ಸಿನಿಮಾವನ್ನು ಮತ್ತೆ ಕಿರುತೆರೆಯಲ್ಲಿ ನೋಡುವುದಕ್ಕೆ ಅಭಿಮಾನಿಗಳು ತುದಿಗಾಲಲ್ಲಿ ನಿಂತಿದ್ದಾರೆ. ಕನ್ನಡ ಅಲ್ಲದೇ ತೆಲುಗು, ತಮಿಳು ಹಾಗೂ ಮಲಯಾಳಂ ಕಿರುತೆರೆಯಲ್ಲೂ ‘ಕೆಜಿಎಫ್ 2’ ಪ್ರಸಾರ ಆಗಲಿದೆ. ‘ಕೆಜಿಎಫ್ 2’ ವಿಶ್ವದಾದ್ಯಂತ 1250 ಕೋಟಿ ರೂ. ಗಳಿಕೆ ಮಾಡಿತ್ತು.

ಓಟಿಟಿಯಲ್ಲೂ ‘ಕೆಜಿಎಫ್ 2’ ಹವಾ ಇನ್ನೂ ನಿಂತಿಲ್ಲ. ಸ್ಯಾಂಡಲ್‌ವುಡ್‌ಗೆ ಮೆರುಗು ಕೊಟ್ಟ ‘ಕೆಜಿಎಫ್ 2’ ದೇಶವೇ ಬೆಚ್ಚಿಬೀಳುವಂತೆ ಬಾಕ್ಸಾಫೀಸ್ ಗಳಿಕೆ ಕಂಡಿತು. ಬಹುತೇಕರು ಈಗಾಗಲೇ ಈ ಸಿನಿಮಾ ನೋಡಿದ್ದಾರೆ. ಇನ್ನೂ ಸಿನಿಮಾ ನೋಡದೆ ಇರುವವರಿಗೆ ಕಿರುತೆರೆಯಲ್ಲಿ ನೋಡಲು ಅವಕಾಶ ಲಭಿಸುತ್ತಿದೆ.

ಈ ಚಿತ್ರದ ನಿರ್ದೇಶಕ ಪ್ರಶಾಂತ್ ನೀಲ್ ಈಗ ಪ್ರಭಾಸ್ ನಟನೆಯ ಸಲಾರ್ ಚಿತ್ರದಲ್ಲಿ ತೊಡಗಿಸಿಕೊಂಡಿದ್ದಾರೆ.
__