ಕೆಜಿಎಫ್ 2 ಚಿತ್ರದ ನಾಯಕ ನಟಿ ಶ್ರೀನಿಧಿ ಶೆಟ್ಟಿ ತಮ್ಮ ಪಾತ್ರದ ಶೂಟಿಂಗ್ ಮುಗಿಸಿದ್ದಾರೆ.
ಶ್ರೀನಿಧಿ ಶೆಟ್ಟಿ ಅವರು ಶೂಟಿಂಗ್‌ನಲ್ಲಿ ಕೊನೆಯ ದಿನ ಭಾಗಿ ಆಗಿದ್ದರ ಬಗ್ಗೆ ಪೋಸ್ಟ್‌ಗಳನ್ನು ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಡಿಸೆಂಬರ್ 22ರಂದು ಶ್ರೀನಿಧಿ ಕೆಜಿಎಫ್ ಚಿತ್ರದ ಶೂಟಿಂಗ್ ಮುಗಿಸಿದ್ದಾರೆ. ಈ ಬಗ್ಗೆ ಮಾಹಿತಿ ನೀಡಿರುವ ನಟಿ, 2016ರಲ್ಲಿ ಚಿತ್ರಕ್ಕೆ ಸಹಿ ಮಾಡಿದೆ. ಇಂದು ಕೊನೆಯ ಪ್ಯಾಕಪ್ ಎಂದು ಹೇಳಿದ್ದಾರೆ.
“ನನಗೆ ತುಂಬಾನೆ ವಿ‍ಶೇಷವಾದ ಶೂಟಿಂಗ್ ಮುಗಿಸಿದ್ದೇನೆ. 2016ರಲ್ಲಿ ನಾನು ಈ ಚಿತ್ರಕ್ಕೆ ಸಹಿ ಹಾಕಿದೆ. ಕೊನೆಗೂ ಇಂದು ಇದು ನನ್ನ ಕಡೆ ದಿನದ ಶೂಟಿಂಗ್ ಮತ್ತು ಪ್ಯಾಕಪ್. ಹಾಗಂತ ಇದು ಅಂತ್ಯವಲ್ಲ, ಬದಲಿಗೆ ಹೊಸದರ ಆರಂಭ” ಎಂದು ಶ್ರೀನಿಧಿ ಶೆಟ್ಟಿ ಬರೆದಿದ್ದಾರೆ.
ಶ್ರೀನಿಧಿ ಅವರ ಪಾತ್ರದ ಶೂಟಿಂಗ್ ಮಾತ್ರ ಮುಕ್ತಾಯ ಆಗಿದೆ. ಆದರೆ ಸಿನಿಮಾ ಚಿತ್ರೀಕರಣ ಇನ್ನೂ ಬಾಕಿ ಇದೆ. ಯಶ್‌ ಅವರ ಭಾಗದ ಚಿತ್ರೀಕರಣ ಇನ್ನೂ ಬಾಕಿ ಇದೆ. ಈ ಹಿಂದೆ ಕ್ಲೈಮ್ಯಾಕ್ಸ್‌ ಚಿತ್ರೀಕರಣವನ್ನು ಮುಗಿಸಿದ ಬಗ್ಗೆ ನಿರ್ದೇಶಕ ಪ್ರಶಾಂತ್‌ ನೀಲ್‌ ಪೋಸ್ಟ್‌ ಹಂಚಿಕೊಂಡಿದ್ದರು. ಇತ್ತೀಚೆಗೆ ಸಂಜಯ್‌ ದತ್‌ ಚಿತ್ರದ ಡಬ್ಬಿಂಗ್‌ ಮುಗಿಸಿದ್ದರು. ಕೆಜಿಎಫ್2 ಕೆಲಸಗಳು ಭರದಿಂದ ಸಾಗುತ್ತಿವೆ.
ಕೆಜಿಎಫ್ 2 ಕಳೆದ ಜೂನ್‌ ತಿಂಗಳಲ್ಲಿ ತೆರೆಗೆ ಬರಬೇಕಿತ್ತು. ಆದರೆ ಕೊರೊನಾ ಕಾರಣಕ್ಕೆ ಚಿತ್ರದ ಕೆಲಸಗಳು ತಡವಾಗಿದ್ದು, 2022ರ ಏಪ್ರಿಲ್ 14ಕ್ಕೆ ಚಿತ್ರ ರಿಲೀಸ್ ಆಗಲಿದೆ.
__
Be the first to comment