ಕಳೆದ ವರ್ಷ ಆರಂಭದಲ್ಲಿಯೇ ಟಗರು ವಿನಂತಹ ಸೂಪರ್ ಬ್ಲಾಕ್ ಬಸ್ಟರ್ ಚಿತ್ರ ನೀಡಿದ ಶಿವಣ್ಣ ಮತ್ತೊಮ್ಮೆ ದಿ ವಿಲನ್ ಚಿತ್ರದ ಮೂಲಕ ಹಿಟ್ ನೀಡಿದರು. ಒಟ್ಟಾರೆ ಕಳೆದ ವರ್ಷ ಶಿವಣ್ಣ ಅಭಿಮಾನಿಗಳಿಗೆ ಯಾವುದೇ ರೀತಿಯ ನಿರಾಸೆಯನ್ನು ಮಾಡದೆ ಎರಡು ಸೂಪರ್ ಹಿಟ್ ಚಿತ್ರಗಳನ್ನು ನೀಡಿ ಭರಪೂರ ಮನರಂಜನೆಯನ್ನು ನೀಡಿದರು. ಶಿವಣ್ಣ ಅವರು ವರ್ಷಕ್ಕೆರಡು ಚಿತ್ರಗಳನ್ನು ನೀಡಿ ಅಭಿಮಾನಿಗಳನ್ನು ರಂಜಿಸುವಲ್ಲಿ ಯಾವಾಗಲೂ ನಿರತರಾಗಿರುತ್ತಾರೆ. ಇದೇ ಒಂದು ಸಿದ್ಧಾಂತದಲ್ಲಿ ಇದೀಗ ಶಿವಣ್ಣ ಅವರು ಈ ವರ್ಷವೂ ಸಹ ಪ್ರೇಕ್ಷಕರನ್ನು ಮನರಂಜಿಸಲು ಸಿದ್ಧರಾಗಿದ್ದಾರೆ. ಹೌದು ಹೊಸ ವರ್ಷದ ಮೊದಲ ತಿಂಗಳಿನಲ್ಲಿಯೇ ಶಿವಣ್ಣ ಅಭಿನಯದ ಬಹುನಿರೀಕ್ಷಿತ ಕವಚ ಚಿತ್ರ ಬಿಡುಗಡೆಗೆ ರೆಡಿಯಾಗಿದೆ. ಕವಚ ಚಿತ್ರ ಮಲಯಾಳಂನ ಬ್ಲಾಕ್ಬಸ್ಟರ್ ಒಪ್ಪಂ ಚಿತ್ರದ ರಿಮೇಕ್. ಅಲ್ಲಿ ಮೋಹನ್ ಲಾಲ್ ಅವರು ನಿರ್ವಹಿಸಿದ್ದ ಪಾತ್ರವನ್ನೇ ಇಲ್ಲಿ ಶಿವಣ್ಣ ಅವರು ನಿರ್ವಹಿಸುತ್ತಿದ್ದು ಅಭಿಮಾನಿಗಳಲ್ಲಿ ನಿರೀಕ್ಷೆಯನ್ನು ಹುಟ್ಟು ಹಾಕಿದೆ. ಇನ್ನು ಕುರುಡನ ಪಾತ್ರದಲ್ಲಿ ಶಿವಣ್ಣ ಅವರು ಕಾಣಿಸಿಕೊಳ್ಳಲಿದ್ದಾರೆ. ಇಲ್ಲಿ ಗಮನಿಸಬೇಕಾದ ಅಂಶ ಏನೆಂದರೆ ಶಿವಣ್ಣ ಅವರು ರೀಮೇಕ್ ಚಿತ್ರಗಳಲ್ಲಿ ಅಭಿನಯಿಸುವುದನ್ನು ಬಿಟ್ಟು ಹಲವಾರು ವರ್ಷಗಳೇ ಕಳೆದಿವೆ. ಆದರೆ ಒಪ್ಪಂ ಚಿತ್ರದ ಕಥೆ ಶಿವಣ್ಣ ಅವರ ಮನಸ್ಸನ್ನು ಗೆದ್ದ ಕಾರಣ ಸ್ವತಃ ತಾವೇ ಕವಚ ಚಿತ್ರವನ್ನು ಒಪ್ಪಿಕೊಂಡಿದ್ದಾಗಿ ಈ ಹಿಂದೆ ಹೇಳಿದ್ದರು. ಕಥೆ ಚೆನ್ನಾಗಿದೆ ಎಂದ ಮೇಲೆ ರೀಮೇಕ್ ಮಾಡುವುದರಲ್ಲಿ ತಪ್ಪಿಲ್ಲ ಎಂಬುದು ಶಿವಣ್ಣ ಅವರ ಮಾತುಗಳು. ಇನ್ನು ಚಿತ್ರದಲ್ಲಿ ಇಶಾ , ವಶಿಷ್ಠ ಸಿಂಹ ಸೇರಿದಂತೆ ಇನ್ನೂ ಮುಂತಾದ ಕಲಾವಿದರು ನಟಿಸಿದ್ದಾರೆ.
ಜಿವಿಆರ್ ವಾಸು ಅವರ ನಿರ್ದೇಶನದ ಚಿತ್ರ ಇದಾಗಿದ್ದು ಇದೇ ತಿಂಗಳ 18 ರಂದು ರಾಜ್ಯಾದ್ಯಂತ ಕವಚ ಚಿತ್ರ ಬಿಡುಗಡೆಯಾಗಲಿದೆ.
Be the first to comment