ಕಥೆಯೊಂದು ಶುರುವಾಗಿದೆ…

ಕಥೆಯೊಂದು ಶುರುವಾಗಿದೆ…
ರೊಮ್ಯಾಂಟಿಕ್ ಕಾಮಿಡಿ ಚಿತ್ರದಲ್ಲಿ ದಿಗಂತ್ .

ಸ್ಯಾಂಡಲ್​ವುಡ್​ನಲ್ಲಿ ಕಥೆಯೊಂದು ಶುರುವಾಗ್ತಿದೆ. ಈ ಕಥೆಯನ್ನ ಹೆಳೋಕೆ ಬರ್ತಿದ್ದಾರೆ ಕ್ಯೂಟ್​ ನಟ ದಿಗಂತ್​.. ಅರೇ ಕನ್​ಫ್ಯೂಸ್​ ಆಗಬೆಡಿ ಇದು ದೂದ್​ಪೇಡ ದಿಗಂತ್​ ಆಕ್ಟ್​ ಮಾಡ್ತಿರೋ ಹೊಸ ಮೂವಿ.. ಬಟ್​ ಈಗ ಬಂದ ಹಾಟ್​ ನ್ಯೂಸ್​ ಏನಂದ್ರೆ ಈ ಚಿತ್ರತಂಡದವ್ರು ಪ್ರೇಕ್ಷಕರಿಗೆ ಒಂದು ಸುವರ್ಣ ಅವಕಾಶ ನೀಡ್ತಿದ್ದಾರೆ.
ಆಫ್ಟರ್​ ಚೌಕ ಆದಮೇಲೆ ದಿಗಂತ್​ ಅಭಿನಯಿಸುತ್ತಿರುವ ಚಿತ್ರವೇ ಕಥೆಯೊಂದು ಶುರುವಾಗಿದೆ. ರಕ್ಷಿತ್​ಶೆಟ್ಟಿ, ಪುಷ್ಕರ ಮಲ್ಲಿಕಾರ್ಜುನಯ್ಯ, ಜಿ.ಎಸ್​. ಗುಪ್ತ ಮುಂತಾದವರು ಸೇರಿ ನಿರ್ಮಾಣ ಮಾಡುತ್ತಿರುವ ‘ಕಥೆಯೊಂದು ಶುರುವಾಗಿದೆ’ ಸಿನಿಮಾದಲ್ಲಿ ದಿಗಂತ್​ ಡಿಫರೆಂಟ್​ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈಗಾಗ್ಲೇ ಟ್ರೈಲರ್​ ಹಾಗೂ ಸಾಂಗ್ಸ್​ ಫ್ಯಾನ್ಸ್​ಗಳ ಮನಗೆದ್ದಿರೋದು ವಿಶೇಷ..
ಸೆನ್ನ ಹೆಗ್ಡೆ ಚೊಚ್ಚಲ ನಿರ್ದೇಶನದ ರೊಮ್ಯಾಂಟಿಕ್ ಕಾಮಿಡಿ ಚಿತ್ರದಲ್ಲಿ ದಿಗಂತ್ ಗೆ ನಾಯಕಿಯಾಗಿ ಪೂಜಾ ದೇವಾರಿಯಾ ಅಭಿನಯಿಸಿದ್ದಾರೆ. ಚಿತ್ರದ ಇಂಟರೆಸ್ಟಿಂಗ್​ ಅಂದ್ರೆ ಕೇವಲ 30 ದಿನಗಳಲ್ಲೇ ಶೂಟಿಂಗ್​ ಮುಗಿಸಿರೋದು.. ಎಸ್​ ಇದೀಗ ರಿಲೀಸ್​ಗೆ ರೆಡಿಯಾಗಿರುವ ಈ ಚಿತ್ರತಂಡ ಡಿಫರೆಂಟಾಗಿ ಪ್ರೊಮೋಷನ್​ ಕೂಡ ಸ್ಟಾರ್ಟ್​ ಮಾಡಿದ್ದಾರೆ.
ಪ್ರೀತಿ, ಪ್ರೇಮ, ಪ್ರಣಯವೆಂದು ಸಾರಿ ಹೇಳುವ ಚಿತ್ರವಾದರೂ, ವೃದ್ಧರಿಗೂ ತಮ್ಮ ಮೊದಲ ಪ್ರೀತಿಯನ್ನು ನೆನಪಿಸಿಕೊಂಡು, ಚಿತ್ರ ನೋಡುವ ಅವಕಾಶವೊಂದನ್ನು ಕಲ್ಪಿಸುತ್ತಿದ್ದಾರೆ ಚಿತ್ರತಂಡದವ್ರು. ಆಗಸ್ಟ್ 2 ರಂದು ಚಿತ್ರದ ಪ್ರೀಮಿಯರ್ ಶೋ ಓರಿಯನ್ ಮಾಲ್‌ನಲ್ಲಿರುವ ಪಿವಿಆರ್‌ನಲ್ಲಿರುತ್ತದೆ. ಇಲ್ಲಿ ನಾಲ್ಕು ಸ್ಕ್ರೀನ್‌ಗಳಲ್ಲಿ ಚಿತ್ರದ ಶೋ ಇದ್ದು, ಅದರಲ್ಲಿ ಒಂದನ್ನು ಲವರ್ಸ್​ಗೆ ಪ್ರೀತಿಸಿ ಮದುವೆಯಾದವರಿಗೆ ಮೀಸಲಿಡಲಾಗುತ್ತದೆ. ಮತ್ತೊಂದನ್ನು ಅರೇಂಜ್ಡ್ ಮ್ಯಾರೇಜ್ ಆದವರಿಗೆ, ಮೂರನೇಯದನ್ನು ಸಿಂಗಲ್ ಹಾಗೂ ಬ್ರೇಕಪ್ ಆದವರಿಗೆ ರಿಸರ್ವ್​ ಮಾಡಲಾಗಿದೆಯಂತೆ.
ಈ ಸಿನಿಮಾದಲ್ಲಿ ಕೇವಲ 7 ಪಾತ್ರಗಳಿವೆ.ಮೂರು ಜನರೇಷನ್‌ನಲ್ಲಿ ನಡೆಯುವ ಸಂಬಂಧ, ಪ್ರೀತಿಯ ಮಹತ್ವವನ್ನು ಇಲ್ಲಿ ವಾಸ್ತವಿಕತೆಗೆ ಹತ್ತಿರವಾಗುವಂತೆ ಕಥೆಯನ್ನು ಹೆಣೆಯಲಾಗಿದೆ. ಪ್ರತಿಯೊಂದು ವಯಸ್ಸಿನಲ್ಲಿಯೂ ಆಲೋಚನಾ ಶಕ್ತಿ, ಜೀವನಶೈಲಿ, ಮನಸ್ಥಿತಿ ಯಾವ ರೀತಿ ಬದಲಾವಣೆಯಾಗುತ್ತದೆಂಬುದನ್ನು ಸೂಕ್ಷ್ಮವಾಗಿ ತಿಳಿಸಲಾಗಿದೆ’ ಅಂತು ಸಾಕಷ್ಟು ವಿಶೇಷತೆಗಳಿಂದ ಕೂಡಿರುವ ಚಿತ್ರಕ್ಕೆ ಅಭಿಮಾನಿಗಳು ಯಾವರೀತಿ ರೆಸ್ಪಾನ್ಸ್​ ಕೊಡಲಿದ್ದಾರೋ ನೋಡಬೇಕು
..