‘ಕಾಂತಾರ ಚಾಪ್ಟರ್ 1’ ಫಸ್ಟ್ ಲುಕ್ ಗೆ ಫ್ಯಾನ್ಸ್ ಫಿದಾ

ರಿಷಬ್ ಶೆಟ್ಟಿ ನಟನೆಯ ಬಹುನಿರೀಕ್ಷಿತ ‘ಕಾಂತಾರ ಚಾಪ್ಟರ್ 1’ಸಿನಿಮಾದ ಟೈಟಲ್ ಟೀಸರ್ ರಿಲೀಸ್ ಆಗಿದೆ. ರಿಷಬ್ ಶೆಟ್ಟಿ ಲುಕ್ ಗೆ ಫ್ಯಾನ್ಸ್ ಫಿದಾ ಆಗಿದ್ದಾರೆ.

ಕಾಂತಾರ ಚಾಪ್ಟರ್​ 1 ಸಿನಿಮಾ ಟೀಸರ್ ಆರಂಭದಲ್ಲಿ ಕಾಂತಾರ ಸಿನಿಮಾದ ದೃಶ್ಯವಿದೆ. ಬೆಳಕು…ಬೆಳಕಲ್ಲಿ ಕಣ್ಣ ಮುಂದೆ ಇರೋದೆಲ್ಲಾ ಕಾಣುತ್ತೆ ಆದ್ರೆ, ಇದು ಬೆಳಕಲ್ಲ ದರ್ಶನ. ಇದು ಹಿಂದೆ ನಡೆದಿದ್ದು, ಮುಂದೆ ನಡೆಯೋದನ್ನು ತೋರಿಸುವ ಬೆಳಕು, ಕಣ್ತದಾ.. ಎಂಬ ಅಶರೀರವಾಣಿ ಕೇಳಿ ಬರುತ್ತದೆ.

ಬೆಂಕಿಯಲ್ಲಿ ಬರೆದ ವೃತ್ತಾಕಾರದ ಕೆಳಗೆ ದೊಡ್ಡ ಗುಹೆ.. ಆ ಗುಹೆಯಲ್ಲಿ ರಕ್ತಸಿಕ್ತಕೊಂಡ ವ್ಯಕ್ತಿ ಇರುತ್ತಾನೆ.  ಮೈತುಂಬಾ ರಕ್ತ. ಕೈಯನ್ನು ಬಿಗಿ ಮಾಡುವ, ಉಸಿರೆಳೆಯುವ ಸೀನ್ ಕೂಡ ಅದ್ಬುತ . ರುದ್ರಾಕ್ಷಿ ಹಾರ ಧರಿಸಿದ ವ್ಯಕ್ತಿ(ರಿಷಬ್​ )ತಲೆ ಎತ್ತಿ ಕಣ್ಣು ಬಿಡುವ  ದೃಶ್ಯ  ಒಂದು ಕ್ಷಣ ಮೈಜುಮ್​ ಅನಿಸುತ್ತದೆ.  ಹಿನ್ನೆಲೆ ಸಂಗೀತ ದೈವ ಲೋಕಕ್ಕೆ ಕರೆದೊಯ್ಯುವಂತಿದೆ.

7 ಭಾಷೆಗಳಲ್ಲೂ ‘ಕಾಂತಾರ ಚಾಪ್ಟರ್ 1’ ಟೈಟಲ್​ ತೋರಿಸಲಾಗಿದೆ. 2025ರ ಅಕ್ಟೋಬರ್ 2ರಂದು ಸಿನಿಮಾ ಬಿಡುಗಡೆ ಮಾಡುವುದಾಗಿ ಹೊಂಬಾಳೆ ಫಿಲ್ಮ್ಸ್ ಘೋಷಣೆ ಮಾಡಿದೆ. ಏಕಕಾಲಕ್ಕೆ ಕನ್ನಡ, ಹಿಂದಿ, ಇಂಗ್ಲಿಷ್ ಹಾಗೂ ತೆಲುಗು ಭಾಷೆಗಳಲ್ಲಿ ಸಿನಿಮಾ ತೆರೆಯ ಮೇಲೆ ಬರಲಿದೆ.