ಆಸ್ಕರ್ ಅತ್ಯುತ್ತಮ ಚಿತ್ರ ರೇಸ್‌ಗೆ ‘ಕಾಂತಾರ ಚಾಪ್ಟರ್ 1’

ಹೊಂಬಾಳೆ ಫಿಲ್ಮ್ಸ್ ನಿರ್ಮಿಸಿದ ಕಾಂತಾರ: ಚಾಪ್ಟರ್ 1, ಅತ್ಯುತ್ತಮ ಚಿತ್ರಕ್ಕಾಗಿ ಆಸ್ಕರ್ ಅಧಿಕೃತ ಅರ್ಹತಾ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ.

ಭಾರತೀಯ ಚಿತ್ರಗಳಾದ ಕಾಂತಾರಾ: ಎ ಲೆಜೆಂಡ್ – ಚಾಪ್ಟರ್ 1 ಮತ್ತು ತನ್ವಿ ದಿ ಗ್ರೇಟ್, ಅತ್ಯುತ್ತಮ ಚಿತ್ರಕ್ಕಾಗಿ 98ನೇ ಅಕಾಡೆಮಿ ಪ್ರಶಸ್ತಿಗಳ ಅಧಿಕೃತ ಅರ್ಹತಾ ಪಟ್ಟಿಯಲ್ಲಿ  201 ಚಲನಚಿತ್ರಗಳಲ್ಲಿ ಸ್ಥಾನ ಪಡೆದಿವೆ.

ಭಾರತೀಯ ಚಿತ್ರಗಳು ಅಕಾಡೆಮಿಯ ಹೆಚ್ಚುವರಿ ಅರ್ಹತಾ ನಿಯಮಗಳನ್ನು ಪೂರೈಸಿವೆ.   2025 ರಲ್ಲಿ ಬಿಡುಗಡೆಯಾದ 45 ದಿನಗಳ ಒಳಗೆ ಅಮೆರಿಕದ ಟಾಪ್ 50 ಮಾರುಕಟ್ಟೆಗಳಲ್ಲಿ ಕನಿಷ್ಠ 10 ರಲ್ಲಿ ಸ್ಥಾನ ಪಡೆಯಬೇಕಾಗಿತ್ತು. ಈ ಎಲ್ಲಾ ಷರತ್ತುಗಳನ್ನು ಪೂರೈಸುವ ಮೂಲಕ, ಕಾಂತಾರ: ಚಾಪ್ಟರ್ 1 ಮತ್ತು ತನ್ವಿ ದಿ ಗ್ರೇಟ್ ಎರಡೂ ಅಕಾಡೆಮಿಯ  ಅರ್ಹತಾ ಪಟ್ಟಿಯಲ್ಲಿ ಸ್ಥಾನವನ್ನು ಪಡೆದುಕೊಂಡಿವೆ.

ಕಾಂತಾರ: ಚಾಪ್ಟರ್ 1, 2022 ರ ಕಾಂತಾರ ಚಿತ್ರದ ಮುಂದುವರಿದ ಭಾಗ.  ಕಾಂತಾರ ಅರಣ್ಯ ಮತ್ತು  ಬುಡಕಟ್ಟು ಸಮುದಾಯಗಳನ್ನು ರಕ್ಷಿಸುವ ಬೆರ್ಮೆ ಪಾತ್ರದಲ್ಲಿ ರಿಷಭ್ ಶೆಟ್ಟಿ ನಟಿಸಿದ್ದಾರೆ.

ಅನುಪಮ್ ಖೇರ್ ನಿರ್ದೇಶನದ, ತನ್ವಿ ದಿ ಗ್ರೇಟ್   ಚಿತ್ರದಲ್ಲಿ ಭಾರತೀಯ ಸೇನೆಯಲ್ಲಿ ತನ್ನ ದಿವಂಗತ ತಂದೆಯ ಸೇವೆಯಿಂದ ಪ್ರೇರಿತಳಾಗಿ ಸಮವಸ್ತ್ರವನ್ನು ಧರಿಸುವ ಕನಸು ಕಾಣುವ ತನ್ವಿ ರೈನಾ ಎಂಬ ಯುವತಿಯ ಪಾತ್ರದಲ್ಲಿ ಶುಭಾಂಗಿ ನಟಿಸಿದ್ದಾರೆ.

ಈ ತಿಂಗಳ ಕೊನೆಯಲ್ಲಿ ಯಾವುದೇ ಭಾರತೀಯ ಚಿತ್ರ  ಅಂತಿಮ ನಾಮನಿರ್ದೇಶನಗಳಿಗೆ ತಲುಪುತ್ತದೆಯೇ ಎಂಬುದು ತಿಳಿಯುತ್ತದೆ.

—-