ಮಯೂರ ರಾಘವೇಂದ್ರ ನಿರ್ದೇಶನದ ಕನ್ನಡ್ ಗೊತ್ತಿಲ್ಲ ಸಿನಿಮಾ ರಾಜ್ಯಾದ್ಯಂತ ಭರ್ಜರಿ ಪ್ರದರ್ಶನ ಕಾಣ್ತಿದೆ. ಕನ್ನಡ ಭಾಷಾಭಿಮಾನದ ಕಥೆಯನ್ನ ಬಹಳ ವಿಭಿನ್ನವಾಗಿ ಹೇಳಿರುವ ಚಿತ್ರತಂಡದ ಪ್ರಯತ್ನಕ್ಕೆ ಮೆಚ್ಚುಗೆ ವ್ಯಕ್ತವಾಗ್ತಿದೆ. ಇತ್ತೀಚೆಗೆ ಚಂದನವನದ ತಾರೆಯರು ಕನ್ನಡ್ ಗೊತ್ತಿಲ್ಲ ಸಿನಿಮಾ ನೋಡಿ ಸಂತಸ ಹಂಚಿಕೊಂಡರು.
ಸ್ಯಾಂಡಲ್ವುಡ್ ಬ್ಯೂಟಿ ಕ್ವೀನ್ ಹರಿಪ್ರಿಯಾ ಲೀಡ್ ರೋಲ್ನಲ್ಲಿ ಮಿಂಚಿರೋ ಸಿನಿಮಾ ಕನ್ನಡ್ ಗೊತ್ತಿಲ್ಲ. ರಾಜ್ಯಕ್ಕೆ ಬರೋ ಪರಭಾಷಿಕರು ಕನ್ನಡ ಭಾಷೆ ಕಲಿಯಬೇಕು ಅನ್ನೋ ಸಂದೇಶ ಹೊತ್ತು ಬಂದಿರೋ ಚಿತ್ರಕ್ಕೆ ಭರ್ಜರಿ ರೆಸ್ಪಾನ್ಸ್ ಸಿಕ್ತಿದೆ. ಭಾಷಾಭಿಮಾನದ ಕಥೆಗೆ ಸಸ್ಪೆನ್ಸ್ ಥ್ರಿಲ್ ಟಚ್ ಕೊಟ್ಟು ಚಿತ್ರವನ್ನು ಕಟ್ಟಿಕೊಟ್ಟಿದ್ದು, ಪವನ್, ಧರ್ಮಣ್ಣ, ಸುಧಾರಾಣಿ ಚಿತ್ರದ ಪ್ರಧಾನ ಪಾತ್ರವರ್ಗದಲ್ಲಿದ್ದಾರೆ.ಇತ್ತೀಚೆಗೆ ಕನ್ನಡ್ ಗೊತ್ತಿಲ್ಲ ಚಿತ್ರದ ಸೆಲೆಬ್ರೆಟಿ ಶೋ ನಡೀತು. ನಟ ವಿಜಯ್ ರಾಘವೇಂದ್ರ, ಮದರಂಗಿ ಕೃಷ್ಣ, ನಟಿಯರಾದ ಮಿಲನಾ, ರೂಪಿಕಾ, ಕವಿತಾ, ಕರವೇ ನಾರಾಯಣ ಗೌಡ ಸೇರಿದಂತೆ ಸಾಕಷ್ಟು ಜನ ಸಿನಿಮಾ ನೋಡಿ ಖುಷಿಪಟ್ರು. ಚಿತ್ರತಂಡದ ಪ್ರಯತ್ನಕ್ಕೆ ಮೆಚ್ಚುಗೆ ಸೂಚಿಸಿದರು.
ನಿಧಾನವಾಗಿ ಕನ್ನಡ್ ಗೊತ್ತಿಲ್ಲ ಸಿನಿಮಾ ಕನ್ನಡ ಪ್ರೇಕ್ಷಕರನ್ನು ಚಿತ್ರಮಂದಿರಕ್ಕೆ ಸೆಳೀತಿದೆ. ಚಿತ್ರಕ್ಕೆ ಮತ್ತಷ್ಟು ಸಕ್ಸಸ್ ಸಿಗಲಿ ಅಂತ ಆಶಿಸೋಣ.
Be the first to comment