‘ಕಂಗುವಾ’ ಚಿತ್ರಕ್ಕೆ ಯು/ಎ ಸರ್ಟಿಫಿಕೇಟ್

ಸೂರ್ಯ ನಟನೆಯ ‘ಕಂಗುವಾ’ ಚಿತ್ರಕ್ಕೆ ಸೆನ್ಸಾರ್ ಮಂಡಳಿ ಯು/ಎ ಸರ್ಟಿಫಿಕೇಟ್ ನೀಡಿದೆ.

ಬಹು ನಿರೀಕ್ಷಿತ ‘ಕಂಗುವಾ’ ತಮಿಳು ಚಿತ್ರ ನ.14ಕ್ಕೆ ಬಿಡುಗಡೆ ಆಗಲಿದೆ. ಚಿತ್ರದ ತಯಾರಕರು ಸಾಮಾಜಿಕ ಮಾಧ್ಯಮದಲ್ಲಿ ಈ ಸುದ್ದಿ ಘೋಷಿಸಿದ್ದಾರೆ.

ಶಿವ ನಿರ್ದೇಶನದ ‘ಕಂಗುವಾ’ ಬಹು ನಿರೀಕ್ಷಿತ ತಮಿಳು ಚಿತ್ರಗಳಲ್ಲಿ ಒಂದಾಗಿದೆ. ಕಂಗುವಾ ಸೂರ್ಯ ಅವರ ವೃತ್ತಿಜೀವನದ ಅತ್ಯಂತ ಮಹತ್ವಾಕಾಂಕ್ಷೆಯ ಯೋಜನೆಗಳಲ್ಲಿ ಒಂದಾಗಿದೆ ಎಂದು ನಂಬಲಾಗಿದೆ. ಈ ಚಿತ್ರವು ಮಧ್ಯಕಾಲೀನ ಅವಧಿಯ ಫ್ಯಾಂಟಸಿ ಆಕ್ಷನ್ ಸಾಹಸವಾಗಿದ್ದು, ಸೂರ್ಯ ಬುಡಕಟ್ಟು ಯೋಧನಾಗಿ ಕಾಣಿಸಿಕೊಂಡಿದ್ದಾರೆ.  ಬಾಬಿ ಡಿಯೋಲ್  ಖಳನಾಯಕನಾಗಿ, ದಿಶಾ ಪಟಾನಿ  ನಾಯಕಿಯಾಗಿದ್ದಾರೆ.

ಕಂಗುವಾವನ್ನು ನೈಸರ್ಗಿಕ ಬೆಳಕಿನಲ್ಲಿ ಮಾತ್ರ ಚಿತ್ರೀಕರಿಸಿದ್ದಾರೆ.  ದೃಶ್ಯಗಳನ್ನು ಹೆಚ್ಚಿಸಲು ಛಾಯಾಗ್ರಾಹಕ ಎಂದಿಗೂ ಯಾವುದೇ ಕೃತಕ ಬೆಳಕನ್ನು ಬಳಸಲಿಲ್ಲ ಎಂದು ಸೂರ್ಯ ಹೇಳಿದ್ದಾರೆ. ಚಿತ್ರನಿರ್ಮಾಣ ಮತ್ತು ಪೋಸ್ಟ್ ಪ್ರೊಡಕ್ಷನ್ ಸಮಯದಲ್ಲಿ ನಿಧನರಾದ ಕಲಾ ನಿರ್ದೇಶಕ ಮಿಲನ್ ಮತ್ತು ಸಂಪಾದಕ ನಿಷಾದ್ ಯೂಸುಫ್ ಅವರಿಗೆ ಸೂರ್ಯ ಗೌರವ ಸಲ್ಲಿಸಿದರು.

ಜ್ಞಾನವೇಲ್ ರಾಜಾ ಅವರ ಸ್ಟುಡಿಯೋ ಗ್ರೀನ್ ಮತ್ತು ಯುವಿ ಕ್ರಿಯೇಷನ್ಸ್ ಕಂಗುವಾ ಚಿತ್ರ ನಿರ್ಮಿಸಿದೆ.