ಡಿಂಪಲ್‌ ಕ್ವೀನ್‌ ಬುಲ್‌ ಬುಲ್‌ ನಟಿಗೆ ಕಮರ್ಷಿಯಲ್‌ ಸಿನಿಮಾ ನಟಿ ಎಂಬ ಇಮೇಜನ್ನು ಬ್ರೇಕ್‌ ಮಾಡೋ ಆಸೆಯಾಗಿದೆ. ಇಲ್ಲಿಯವರೆಗೆ ಮಾಸ್‌ ಸಿನಿಮಾಗಳಲ್ಲೇ ರಚಿತಾ ನಟಿಸುತ್ತಾ ಬಂದಿರುವುದು. ಪುನೀತ್‌, ಶಿವರಾಜ್‌ಕುಮಾರ್‌, ಉಪ್ಪಿ, ದರ್ಶನ್‌, ನಿಖಿಲ್‌, ನೀನಾಸಂ ಸತೀಶ್‌ ಇವರೆಲ್ಲರ ಜತೆ ನಟಿಸಿರುವ ರಚಿತಾಗೆ ಇಲ್ಲೀವರೆಗೆ ಕಮರ್ಷಿಯಲ್‌ ಸಿನಿಮಾಗಳೇ ಸಿಕ್ಕಿದ್ದು. ಈಗ ಮೊದಲ ಬಾರಿಗೆ ಮಹಿಳಾ ಪ್ರಧಾನ ಚಿತ್ರಕ್ಕೆ ಸಹಿ ಮಾಡಿದ್ದಾರೆ. ಹೊಸ ನಿರ್ದೇಶಕ ಸತ್ಯ ರಾಯಲ ಆ್ಯಕ್ಷನ್‌ ಕಟ್‌ ಹೇಳಲಿದ್ದಾರೆ. ಇದಲ್ಲದೆ ಪಿ. ವಾಸು ನಿರ್ದೇಶನದಲ್ಲಿ ಶಿವರಾಜ್‌ಕುಮಾರ್‌ ಚಿತ್ರದಲ್ಲೂ ನಟಿಸಲಿದ್ದಾರೆ.
‘ಪಿ.ವಾಸು ಸರ್‌ ಸಿನಿಮಾಗಳು ಅಮೇಜಿಂಗ್‌ ಆಗಿರುತ್ತವೆ. ಈಗ ನನಗೆ ಕೊಟ್ಟಿರುವ ಪಾತ್ರ ಬಹಳ ಚಾಲೆಂಜಿಂಗ್‌ ಆಗಿದೆ. ಇನ್ನು ಶಿವಣ್ಣ ನನ್ನ ಮೆಚ್ಚಿನ ನಟ. ಅವರ ಜತೆ ನಟಿಸಲಿರೋದು ಬಹಳ ಥ್ರಿಲ್‌ ಕೊಟ್ಟಿದೆ. ಇದರಲ್ಲಿ ಎಲ್ಲಾ ಸಿನಿಮಾಗಳಲ್ಲಿ ನೋಡಿದ ರಚಿತಾಗಿಂತ ಬೇರೆ ರೀತಿ ರಚಿತಾಳನ್ನು ನೋಡ್ತೀರಿ’ ಎಂದಿದ್ದಾರೆ ರಚಿತಾ ರಾಮ್‌.
ಗ್ಲಾಮರಸ್‌ ಆಗಿ ಕಾಣಿಸಿಕೊಳ್ಳುವುದಕ್ಕಿಂತ ಪಾತ್ರವಾಗಿ ಕಾಣಿಸಿಕೊಳ್ಳಲು ರಚಿತಾ ಬಯಸಿದ್ದಾರೆ. ‘ನನಗೆ ನನ್ನ ಕಮರ್ಷಿಯಲ್‌ ಹೀರೊಯಿನ್‌ ಇಮೇಜನ್ನು ಬ್ರೇಕ್‌ ಮಾಡಬೇಕಿದೆ’ ಎಂದಿದ್ದಾರೆ. ಈಗ ಅವರು ಉಪೇಂದ್ರ ಜತೆ ಐ ಲವ್‌ ಯೂ, ಪುನೀತ್‌ ಜತೆ ನಟಸಾರ್ವಭೌಮ, ನಿಖಿಲ್‌ ಜತೆ ಸೀತಾರಾಮ ಕಲ್ಯಾಣ, ಶಿವಣ್ಣ ನಟನೆಯ ರುಸ್ತುಂಗಳಲ್ಲದೆ, ಅಮರ್‌ ಚಿತ್ರದಲ್ಲೂ ನಟಿಸುತ್ತಿದ್ದಾರೆ.
Be the first to comment