46 ವರ್ಷಗಳ ನಂತರ ರಜನಿ- ಕಮಲ್ ತೆರೆಯ ಮೇಲೆ

ಸೂಪರ್‌ಸ್ಟಾರ್ ರಜನಿಕಾಂತ್ 46 ವರ್ಷಗಳ ನಂತರ  ಕಮಲ್ ಹಾಸನ್ ಅವರೊಂದಿಗೆ ಮತ್ತೆ ತೆರೆ ಮೇಲೆ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ.

ಯೋಜನೆಗಾಗಿ ಮಾತುಕತೆ ನಡೆಸುತ್ತಿರುವುದಾಗಿ ರಜನಿಕಾಂತ್ ದೃಢಪಡಿಸಿದ್ದಾರೆ. ಕಮಲ್ ಹಾಸನ್ ಅವರ ಬ್ಯಾನರ್ ರಾಜ್ ಕಮಲ್ ಫಿಲ್ಮ್ಸ್ ಇಂಟರ್‌ನ್ಯಾಷನಲ್ ಮತ್ತು ರೆಡ್ ಜೈಂಟ್ ಮೂವೀಸ್ ಜಂಟಿಯಾಗಿ ಚಿತ್ರ ನಿರ್ಮಿಸಲಿವೆ. ಸದ್ಯಕ್ಕೆ ನಿರ್ದೇಶಕರು ಮತ್ತು ಸ್ಕ್ರಿಪ್ಟ್ ಇನ್ನೂ ಅಂತಿಮಗೊಂಡಿಲ್ಲ ಎಂದು ರಜನಿಕಾಂತ್ ಹೇಳಿದ್ದಾರೆ.

ಚಿತ್ರ ಅಂತಿಮಗೊಂಡರೆ ಸುಮಾರು 46 ವರ್ಷಗಳ ನಂತರ ತಮಿಳು ಸಿನಿಮಾದ ದಂತಕಥೆಗಳು ತೆರೆಯ ಮೇಲೆ ಮತ್ತೆ ಒಂದಾಗುತ್ತಿದ್ದಾರೆ. ರಜನಿಕಾಂತ್ ಮತ್ತು ಕಮಲ್ ಹಾಸನ್  1979ರ ಫ್ಯಾಂಟಸಿ ಚಿತ್ರ ‘ಅಲಾವುದ್ದಿನಂ ಅಥ್ಬುತ ವಿಲಕ್ಕುಂ’ನಲ್ಲಿ ಒಟ್ಟಿಗೆ ಕೊನೆಯ ಬಾರಿಗೆ ಕಾಣಿಸಿಕೊಂಡಿದ್ದರು.

ರಜನಿಕಾಂತ್  ‘ಜೈಲರ್ 2’ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದು ಅವರ 2023ರ ಹಿಟ್ ಚಿತ್ರ ‘ಜೈಲರ್’ನ ಮುಂದುವರಿದ ಭಾಗವಾಗಿದೆ. ಈ ಚಿತ್ರವನ್ನು ಲೋಕೇಶ್ ಕನಕರಾಜ್ ನಿರ್ದೇಶಿಸುತ್ತಿದ್ದಾರೆ.  ಇತ್ತೀಚೆಗೆ ರಜನಿಕಾಂತ್ ಅವರ  ‘ಕೂಲಿ’ ಚಿತ್ರ ಬಿಡುಗಡೆಯಾಯಿತು. ಕಮಲ್ ಹಾಸನ್ ಇತ್ತೀಚೆಗೆ ಖ್ಯಾತ ಚಲನಚಿತ್ರ ನಿರ್ದೇಶಕ ಮಣಿರತ್ನಂ ಅವರ ‘ಥಗ್ ಲೈಫ್’ನಲ್ಲಿ ನಟಿಸಿದ್ದರು.

—–