ರಿಯಲ್ ಸ್ಟಾರ್ ಉಪ್ಪಿ ಅಭಿನಯದ ಪ್ಯಾಂಡ್ ಇಂಡಿಯನ್ ಸಿನಿಮಾ ಕಬ್ಜ, ಫಸ್ಟ್ ಲುಕ್ ನಿಂದ್ಲೇ ಸಿನಿಪ್ರಿಯರ ಗಮನ ಸೆಳೆದಿತ್ತು. ಖ್ಯಾತ ನಿರ್ದೇಶಕ ರಾಮ್ಗೋಪಾಲ್ ವರ್ಮ್ ಕೂಡ ಥೀಮ್ ಪೋಸ್ಟರ್ ನೋಡಿ ಫಿದಾ ಆಗಿದರು. ಇದೀಗ ಚಿತ್ರದ ಮೊಶನ್ ಪೋಸ್ಟರ್ ರಿಲೀಸ್ ಆಗಿದ್ದು, ಸೊಶಿಯಲ್ ಮೀಡಿಯಾದಲ್ಲಿ ಸಖತ್ ಸೌಂಡ್ ಮಾಡುತ್ತಿದೆ.
ರಿಯಲ್ ಸ್ಟಾರ್ ಉಪೇಂದ್ರ ಮತ್ತು ಆರ್.ಚಂದ್ರು ಕಾಂಬಿನೇಷನ್ನಲ್ಲಿ ರೆಡಿಯಾಗುತ್ತಿರೋ ಕಬ್ಜ ಸಿನಿಮಾ, ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಸೌಂಡ್ ಮಾಡುತ್ತಿದೆ. ಫಸ್ಟ್ ಲುಕ್ ಪೋಸ್ಟರ್ನಲ್ಲಿಯೇ ರೆಟ್ರೋ ಲುಕ್ನಲ್ಲಿ ಗಮನ ಸೆಳೆದಿದ್ದ ಉಪ್ಪಿ, ಆ ನಂತರ ರಿಲೀಸ್ ಆದ ಚಿತ್ರದ ಸಾಲು ಸಾಲು ಪೋಸ್ಟರ್ಗಳು ಸಿನಿಮಾ ಮೇಲೆ ಕ್ಯೂರಿಯಾಸಿಟಿ ಬಿಲ್ಡ್ ಮಾಡಿತ್ತು.
ಈ ಹಿಂದೆ ಕಬ್ಜ ಚಿತ್ರದ ಅಫೀಶಿಯಲ್ ಥೀಮ್ ಪೋಸ್ಟರ್ನ್ನ ಸ್ಟಾರ್ ಡೈರೆಕ್ಟರ್ ರಾಮ್ ಗೋಪಾಲ್ ವರ್ಮಾ ರಿಲೀಸ್ ಮಾಡಿ, ಮೆಚ್ಚುಗೆ ವ್ಯಕ್ತಪಡಿಸಿದರು. ಇದೀಗ ಕಜ್ಬ ಚಿತ್ರದ ಮೋಶನ್ ಪೋಸ್ಟರ್ ರಿಲೀಸ್ ಆಗಿದ್ದು, ಸಿನಿಮಾದ ಕಥೆ ಮತ್ತು ಕಾಲಮಾನದ ಬಗ್ಗೆ ಹಿಂಟ್ ಕೊಟ್ಟಿದೆ. 1947ರ ಘಟನೆಯೊಂದನ್ನ ಆಧರಿಸಿ ಸಿನಿಮಾ ಮಾಡಲಾಗಿದೆ ಅನ್ನೋದು ಮೋಶನ್ ಪೋಸ್ಟರ್ ಮೂಲಕ ಗೊತ್ತಾಗುತ್ತಿದೆ. ರಿಯಲ್ ಸ್ಟಾರ್ ಉಪ್ಪಿ ರೆಟ್ರೊ ಲುಕ್ನಲ್ಲಿ ಹಳೆ ಬುಲೆಟ್‌ ಏರಿ, ಹಿಂದೆ ಸೀಟ್ನಲ್ಲಿ ರಕ್ತಸಿಕ್ತ ದೇಹವೊಂದನ್ನ ಹೊತ್ತು ತರ್ತಿರೋ ಚಿತ್ರ ಈ ಮೋಶನ್ ಪೋಸ್ಟರ್ನಲ್ಲಿದೆ.
ಅಂದ್ಹಾಗೇ ಕಬ್ಜ ಸ್ಟೋರಿಲೈನ್ ಬಗ್ಗೆ ಸುಳಿವು ಸಿಕ್ಕಿದ್ದು, ಗಾಂಧಿ ಅನುಯಾಯಿಯೊಬ್ಬರ ಕೊಲೆ ಮತ್ತು ಆ ನಂತರ ಆತನ ಮಗ ರೌಡಿಸಂಗೆ ಇಳಿಯುವುದು ಹೀಗೆ ಕಥೆ ಸುತ್ತುತ್ತದೆ. ಅಂದ್ಹಾಗೇ ಚಿತ್ರದಲ್ಲಿ ಉಪ್ಪಿ 2 ಡಿಫ್ರೆಂಟ್ ಶೇಡ್ಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಕಬ್ಜ ಚಿತ್ರಕ್ಕೆ ರವಿ ಬಸ್ರೂರು ಸಂಗೀತ ನಿರ್ದೇಶನವಿದ್ದು, 2021ಕ್ಕೆ ಬಿಡುಗಡೆ ಆಗಲಿದೆ ಅನ್ನೋದನ್ನ ಮೋಶನ್ ಪೋಸ್ಟರ್ ಹೇಳ್ತಿದೆ. ವಿಶೇಷ ಅಂದ್ರೆ ಇದೇ ಸಿನಿಮಾದ ಎರಡನೇ ಭಾಗವೂ ಬರಲಿದ್ದು, ಕಬ್ಜ ರಿಲೀಸ್ ನಂತರ ಪಾರ್ಟ್ 2 ಶೂಟಿಂಗ್ ಶುರುವಾಗಲಿದೆ.
Be the first to comment