ಅಪ್ಪು ಬರ್ತ್‍ಡೇಗೆ ಜಾಕಿ ರೀ-ರಿಲೀಸ್

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಜನ್ಮದಿನ ಮಾರ್ಚ್‌ 17ರಂದು ಅವರ ನಟನೆಯ ಜಾಕಿ ಸಿನೆಮಾ ರೀ-ರಿಲೀಸ್ ಆಗುತ್ತಿದೆ.

ಪ್ರತಿ ಬಾರಿ ಪುನೀತ್ ರಾಜ್ ಕುಮಾರ್  ಅವರ ಜನ್ಮದಿನಕ್ಕೆ ಒಂದು ವಿಶೇಷತೆ ಇರುತ್ತದೆ. ಈ ಬಾರಿ ಜಾಕಿ ರೀ-ರಿಲೀಸ್ ಆಗುತ್ತಿದೆ. 4K ರೀ ಮಾಸ್ಟರ್ಡ್ ವರ್ಷನ್​ನಲ್ಲಿ ಈ ಸಿನೆಮಾವನ್ನು ಬಿಡುಗಡೆ ಮಾಡಲಾಗುತ್ತಿದೆ.

ದುನಿಯಾ ಸೂರಿ ನಿರ್ದೇಶನದ ಜಾಕಿ 2010ರಲ್ಲಿ ರಿಲೀಸ್ ಆಗಿತ್ತು. ಪಾರ್ವತಮ್ಮ ರಾಜ್​ಕುಮಾರ್ ನಿರ್ಮಾಣ ಹಾಗೂ ವಿ ಹರಿಕೃಷ್ಣ ಸಂಗೀತ ಸಂಯೋಜನೆ ಮಾಡಿದ್ದರು. ಈ ಸಿನೆಮಾದಲ್ಲಿ ಅಪ್ಪು ಹಾಗೂ ಭಾವನಾ ಜೋಡಿ ಮೋಡಿ ಮಾಡಿತ್ತು.

ಸದ್ಯ ‘ಜಾಕಿ’ ಚಿತ್ರವನ್ನು ಅಪ್​​ಗ್ರೇಡ್ ಮಾಡುವ ಕೆಲಸ ನಡೆಯುತ್ತಿದ್ದು, ಮಾಸ್ಟರ್ಡ್ ವರ್ಷನ್​ನಲ್ಲಿ ಸಿನಿಮಾ ನೋಡಲು ಅಭಿಮಾನಿಗಳು ಕಾಯುತ್ತಿದ್ದಾರೆ.

‘ಜಾಕಿ’ ಸಿನಿಮಾದಲ್ಲಿ ಮಧ್ಯಮವರ್ಗದ ಯುವಕನಾಗಿ ಪುನೀತ್ ಕಾಣಿಸಿಕೊಂಡಿದ್ದಾರೆ. ಹಳ್ಳಿಯಲ್ಲಿ ರಿಯಲ್​ ಎಸ್ಟೇಟ್ ಮಾಡೋ ಜಾಕಿ (ಪುನೀತ್ ರಾಜ್​ಕುಮಾರ್) ಅನಿವಾರ್ಯವಾಗಿ ಸಿಟಿಗೆ ತೆರಳುತ್ತಾನೆ. ಅಲ್ಲಿಂದ ಸಿನಿಮಾದ ಕಥೆ ಶುರುವಾಗುತ್ತದೆ.

ಪುನೀತ್ ರಾಜ್​ಕುಮಾರ್ 2021ರ ಅಕ್ಟೋಬರ್​ನಲ್ಲಿ ಮೃತಪಟ್ಟರು. 2022ರ ಮಾರ್ಚ್​ 17ರಂದು ಅವರು ಹೀರೋ ಆಗಿ ನಟಿಸಿದ ಕೊನೆಯ ಸಿನಿಮಾ ‘ಜೇಮ್ಸ್’ ರಿಲೀಸ್ ಆಯಿತು.

—–