ಮಾರ್ಚ್ 15ರಂದು ‘ಹೈಡ್ ಆಂಡ್ ಸೀಕ್’ ಬಿಡುಗಡೆ

ಸಸ್ಪೆನ್ಸ್, ಥ್ರಿಲ್ಲರ್ ಸಿನಿಮಾ  ‘ಹೈಡ್‌ ಆಂಡ್ ಸೀಕ್’  ಮಾರ್ಚ್ 15ರಂದು 70ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.

‘ಉದ್ಯಮಿಯೊಬ್ಬರ ಪುತ್ರಿಯ ಅಪಹರಣದ ಸುತ್ತ ಚಿತ್ರಕಥೆ ಹೆಣೆಯಲಾಗಿದೆ. ಇದು ಸಸ್ಪೆನ್ಸ್, ಥ್ರಿಲ್ಲರ್ ಸಿನಿಮಾ. ಧನ್ಯ ರಾಮ್‌ಕುಮಾರ್ ಚಿತ್ರದ ನಾಯಕಿಯಾಗಿದ್ದಾರೆ’  ಎಂದು ಸಿನಿಮಾದ ನಾಯಕ ನಟ ಅನೂಪ್ ರೇವಣ್ಣ ಹೇಳಿದರು.

‘ಇದು ನನ್ನ ನಾಲ್ಕನೇ ಸಿನಿಮಾ. ಇದರಲ್ಲಿ ನಾನು ಕಿಡ್ನ್ಯಾಪರ್ ಪಾತ್ರ ನಿರ್ವಹಿಸಿದ್ದೇನೆ. ಸಿನಿಮಾದಲ್ಲಿ ಎರಡು ಹಾಡುಗಳಿವೆ’ ಎಂದು ತಿಳಿಸಿದರು.

ಸಿನಿಮಾದ ನಿರ್ದೇಶಕ ಪುನೀತ್‌ ಕುಮಾರ್ ಮಾತನಾಡಿ, ‘ಇದು ನನ್ನ ನಿರ್ದೇಶನದ ಮೊದಲ ಸಿನಿಮಾ. ಮಾಗಡಿ, ಚಿಕ್ಕಮಗಳೂರು, ಬೆಂಗಳೂರು ಸುತ್ತಮುತ್ತ 35 ದಿನ ಚಿತ್ರೀಕರಣ ಮಾಡಲಾಗಿದೆ. ಅರವಿಂದರಾವ್, ರಾಜೇಶ ನಟರಂಗ, ಕೃಷ್ಣ ಹೆಬ್ಬಾಳೆ, ರಕ್ಷಾ ಉಮೇಶ್‌, ಕಾಮಿಡಿ ಕಿಲಾಡಿಗಳು ಖ್ಯಾತಿಯ ಸೂರಜ್ ಅಭಿನಯಿಸಿದ್ದಾರೆ’ ಎಂದು ಹೇಳಿದರು.

‘ಸ್ಯಾಂಡಿ ಅದ್ದಂಕಿ ಸಂಗೀತ ನಿರ್ದೇಶನ, ರಿಜೋ ಪಿ.ಜಾನ್ ಛಾಯಾಗ್ರಣ ಮಾಡಿದ್ದಾರೆ.

——-

Be the first to comment

Leave a Reply

Your email address will not be published. Required fields are marked *

Translate »
error: Content is protected !!