ಮಾರ್ಚ್ 15ರಂದು ‘ಹೈಡ್ ಆಂಡ್ ಸೀಕ್ ‘ ಬಿಡುಗಡೆ

ಅನೂಪ್ ರೇವಣ್ಣ ಮತ್ತು ಧನ್ಯಾ ರಾಮ್ ಕುಮಾರ್ ಅಭಿನಯಿಸಿದ ‘ಹೈಡ್ ಆಂಡ್ ಸೀಕ್ ‘ ಮಾರ್ಚ್ 15ರಂದು ತೆರೆ ಕಾಣಲಿದೆ.

ಪುನೀತ್ ನಾಗರಾಜು ಅವರ ನಿರ್ದೇಶನದ ಈ ಚಿತ್ರದ ಮೋಷನ್ ಪೋಸ್ಟರ್ ರಿಲೀಸ್ ಮಾಡಲಾಗಿದೆ. ಸಿನಿಮಾದಲ್ಲಿ ರಿವರ್ಸ್ ಸ್ಕ್ರೀನ್ ಪ್ಲೇ ಇದೆ ಎಂದು ಚಿತ್ರತಂಡ  ಹೇಳಿಕೊಂಡಿದೆ. ಚಿತ್ರದ ಮೋಷನ್​ ಪೋಸ್ಟರ್ ಕುತೂಹಲ ಕೆರಳಿಸಿದೆ.

ವಸಂತ್ ಎಂ. ರಾವ್ ಕುಲಕರ್ಣಿ, ಪುನೀತ್ ನಾಗರಾಜು ಈ ಸಿನಿಮಾಗೆ ಬಂಡವಾಳ ಹೂಡಿದ್ದಾರೆ. ‘ಸುನೇರಿ ಆರ್ಟ್ ಕ್ರಿಯೇಷನ್ಸ್ ‘ ಬ್ಯಾನರ್ ಮೂಲಕ ಈ ಚಿತ್ರವನ್ನು ನಿರ್ಮಿಸಲಾಗಿದೆ. ಪಿಜೋ ಪಿ. ಜಾನ್ ಅವರ ಛಾಯಾಗ್ರಹಣ ಈ ಸಿನಿಮಾಗಿದೆ.

ಮಧು ತುಂಬೆಕೆರೆ ಸಂಕಲನ, ಸ್ಯಾಂಡಿ ಅಡ್ಡಂಕಿ ಸಂಗೀತ ನೀಡಿದ್ದಾರೆ. ಡಾ. ರಾಜ್ ಕುಮಾರ್ ಅವರ ಮೊಮ್ಮಗಳು ಧನ್ಯಾ ರಾಮ್ ಕುಮಾರ್ ಈ ಸಿನಿಮಾದಲ್ಲಿ ಉದ್ಯಮಿಯ ಮಗಳ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಇದು ಅವರು ಒಪ್ಪಿಕೊಂಡ ಎರಡನೇ ಸಿನಿಮಾ.  ಸಿನಿಮಾದಲ್ಲಿ ಅನೂಪ್‌ ರೇವಣ ಕಿಡ್ನಾಪರ್​ ರೋಲ್‌ ಪ್ಲೇ ಮಾಡಿದ್ದಾರೆ.

ಚಿತ್ರದಲ್ಲಿ ಮೈತ್ರಿ ಜಗ್ಗಿ, ಸೂರಜ್​, ಬಲರಾಜ್​ ವಾಡಿ, ಕೃಷ್ಣ ಹೆಬ್ಬಾಳೆ, ರಾಜೇಶ್​ ನಟರಂಗ, ಅರವಿಂದ್​ ರಾವ್ ಅಂತ ದೊಡ್ಡ ತಾರಾಬಳಗವೇ ಇದೆ.

—-