“ಹೇಳು ವಂದೇ ಮಾತರಂ” ಸಾಂಗ್ ರಿಲೀಸ್

ಕನ್ನಡದಲ್ಲಿ ಈಗಾಗಲೇ ಸಾಕಷ್ಟು ದೇಶಭಕ್ತಿ ಕುರಿತಂತೆ ಹಾಡುಗಳು ಬಂದಿವೆ. ದೇಶಾಭಿಮಾನ ಹೆಚ್ಚಿಸುವ ಗೀತೆಗಳಿಗಂತೂ ಲೆಕ್ಕವಿಲ್ಲ. ಆ ಸಾಲಿಗೆ ಈಗ ಮತ್ತೊಂದು ದೇಶಾಭಿಮಾನದ ವಿಡಿಯೊ ಹಾಡೊಂದು ಇತ್ತೀಚೆಗೆ ಬಿಡುಗಡೆಯಾಗಿದೆ.

ಸ್ವಾತಂತ್ರ್ಯ ದಿನಾಚರಣೆ ಅಂಗವಾಗಿಯೇ ತಯಾರಾಗಿರುವ ಈ ಹಾಡಿಗೆ ಎಲ್ಲೆಡೆ ಮೆಚ್ಚುಗೆ ಸಿಗುತ್ತಿದೆ. ಸಂಗೀತ ನಿರ್ದೇಶಕ ಎಸ್. ಪ್ರದೀಪ್ ವರ್ಮ ಅವರು ಸಂಗೀತ ಸಂಯೋಜಿಸಿರುವ ‘ಹೇ ಹೇಳು ದೇಶ ಪ್ರೇಮಿಯೇ ವಂದೇ ಮಾತರಂ ನಮ್ಮ ಕೂಗು..’ ಎಂಬ ದೇಶದ ಹೆಮ್ಮೆ ಎನಿಸುವ ಹಾಡು ಇದೀಗ ಬಿಡುಗಡೆಗೊಂಡು ಒಳ್ಳೆಯ ಪ್ರತಿಕ್ರಿಯೆ ಪಡೆದುಕೊಂಡಿರುವುದಲ್ಲದೆ, ಈ ವಿಡಿಯೊ ಹಾಡಲ್ಲಿ ಕನ್ನಡ ಚಿತ್ರರಂಗದ ಸ್ಟಾರ್ ನಟ‌ ಶ್ರೀಮುರಳಿ, ಅನಿರುದ್ಧ, ನಟಿಯರಾದ ಪಾರುಲ್ ಯಾದವ್, ನೀತುಶೆಟ್ಟಿ , ಅದ್ವಿತಿ ಶೆಟ್ಟಿ, ಸಂಗೀತ ನಿರ್ದೇಶಕ ವಿ.ಮನೋಹರ್, ನಿರ್ದೇಶಕ ನಾಗೇಂದ್ರ ಅರಸ್, ನಟ ಯತಿರಾಜ್ ಸೇರಿದಂತೆ ಇತರೆ ಸಿನಿಮಾ ತಾರೆಯರು ಕಾಣಿಸಿಕೊಂಡು ದೇಶಾಭಿಮಾನ ತೋರಿದ್ದಾರೆ.

ವಿಜಯ್ ಭರಮಸಾಗರ ಅವರ ಸಾಹಿತ್ಯ ಇರುವ ಈ ಹಾಡು ಇದಾಗಿದ್ದು, ನಮ್ಮ‌ದೇಶದ ಯೋಧರಿಗೆ ಹಾಗೂ ರೈತರಿಗೆ ಹಾಡನ್ನು ಅರ್ಪಿಸಲಾಗಿದೆ.
ಸಂಗೀತ ನಿರ್ದೇಶಕ ಎಸ್ .ಪ್ರದೀಪ್ ವರ್ಮ ಅವರ ನಿರ್ದೇಶನ ಈ ಹಾಡಿಗಿದೆ.
ಈ ಹಾಡಿಗೆ ಆರ್.ಜೆ.

ರ್ಯಾಪಿಡ್ ರಶ್ಮಿ, ಸಂತೋಷ್‌ ವೆಂಕಿ, ಇಂದು‌ ನಾಗರಾಜ್, ವೇದಶ್ರೀ , ಸುಗುಣ ಮೂರ್ತಿ ಪ್ರದೀಪ್ ವರ್ಮ ಇತರರು ಧ್ವನಿಯಾಗಿದ್ದಾರೆ. ನಾಲ್ಕು ನಿಮಿಷದ ಈ ಹಾಡು‌ ಸ್ವಾತಂತ್ರ್ಯ ‌ದಿನಾಚರಣೆಗಾಗಿಯೆ ಸಿದ್ಧಗೊಳಿಸಲಾಗಿದ್ದು, ನಾಡಿನ‌ ಹೆಮ್ಮೆಯ ಯೋಧ, ರೈತರಿಗೆ
ಸಮರ್ಪಿಸಲಾಗಿದೆ.

ದೇಶಾಭಿಮಾನಕ್ಕೆ ಮಾಡಿರುವ ಈ ವಿಡಿಯೊ ಆಲ್ಬಂ ಗೆ ಚಿತ್ರರಂಗದ ಅನೇಕರು ಪ್ರೋತ್ಸಾಹಿಸಿದ್ದಾರೆ. ಕಿರಣ್ ಛಾಯಾಗ್ರಹಣ ಹಾಗೂ ಸಂಕಲನವಿದೆ. ಎಸ್ ಪಿ ವಿ ಸ್ಟುಡಿಯೋ ಮೂಲಕ ಹಾಡು ತಯಾರಾಗಿದೆ. ಜಗದೀಶ್ ವೆಂಕಿ‌ ಅವರು ಆಲ್ಬಂ ಕ್ರಿಯೇಟಿವ್ ಹೆಡ್ ಆಗಿ‌ ಕಾರ್ಯ ನಿರ್ವಹಿಸಿದ್ದಾರೆ.