Rupayee : ಹಾಸ್ಯ ಚಿತ್ರದಲ್ಲಿ ನಟಿಸುತ್ತಿರುವುದು ಇದೇ ಮೊದಲು: ಕೃಷಿ ತಾಪಂಡ

‘ರೂಪಾಯಿ’ ರೀತಿಯ ಹಾಸ್ಯ ಚಿತ್ರದಲ್ಲಿ ನಟಿಸುತ್ತಿರುವುದು ಇದೇ ಮೊದಲು ಎಂದು ನಟಿ ಕೃಷಿ ತಾಪಂಡ ಹರ್ಷ ವ್ಯಕ್ತಪಡಿಸಿದ್ದಾರೆ.

ಸಾಂಕ್ರಾಮಿಕ ಸಮಯದಲ್ಲಿ ಪ್ರಾರಂಭವಾದ ಮತ್ತು ಅಂತಿಮವಾಗಿ ಬಿಡುಗಡೆಯ ಬೆಳಕನ್ನು ಕಾಣುತ್ತಿರುವ ಚಿತ್ರಗಳ ಪೈಕಿ ರೂಪಾಯಿ ಕೂಡ ಒಂದು. ಚಿತ್ರವು ಹಣದ ಬಗ್ಗೆ ಮತ್ತು ಹಣ ಜೀವನದ ಬಗ್ಗೆ ಜನರ ದೃಷ್ಟಿಕೋನವನ್ನು ಹೇಗೆ ಬದಲಾಯಿಸುತ್ತವೆ ಎನ್ನುವ ಕಥೆ ಒಳಗೊಂಡಿದೆ. ರೂಪಾಯಿ ಒಂದು ಮೋಜಿನ, ಹಾಸ್ಯದ ವಿಷಯ ಹೊಂದಿದೆ ಎಂದು ಅವರು ಹೇಳಿದ್ದಾರೆ.

ಹೆಚ್ಚಿನ ಪ್ರೇಮಕಥೆಗಳ ಭಾಗವಾಗಿದ್ದ ನನಗೆ ಈ ಸಿನಿಮಾ, ಹಾಸ್ಯದಿಂದ ತುಂಬಿದ ಔಟ್-ಅಂಡ್-ಔಟ್ ಎಂಟರ್ಟೈನರ್ ಆಗಿದ್ದು, ಉಲ್ಲಾಸಕರ ಬದಲಾವಣೆಯಂತೆ ಭಾಸವಾಗುತ್ತಿದೆ ಎಂದು ಅವರು ತಿಳಿಸಿದ್ದಾರೆ.

ನಿರ್ದೇಶಕ ವಿಜಯ್ ಜಗದಲ್ ಸಹ ನಾಯಕನಾಗಿ ನಟಿಸಿದ್ದಾರೆ. ನಾನು ಅವರಿಗೆ ಜೋಡಿಯಾಗಿದ್ದೇನೆ. ಇದು ಹಾಸ್ಯಮಯ ಚಿತ್ರವಾಗಿದ್ದರೂ, ನನ್ನ ಪಾತ್ರ ಸೂಕ್ಷ್ಮತೆಯಿಂದ ಕೂಡಿದೆ. ಹಣವು ಮುಖ್ಯವಲ್ಲ ಎಂದು ಭಾವಿಸುವ ಮತ್ತು ಸಂಬಂಧಗಳನ್ನು ಗೌರವಿಸುವ ವ್ಯಕ್ತಿಯನ್ನು ನಾನು ಪ್ರತಿನಿಧಿಸಿದ್ದೇನೆ ಎಂದು ಕೃಷಿ ಹೇಳಿದ್ದಾರೆ.

ಮಂಜುನಾಥ್ ಎಂ ಮತ್ತು ಹರೀಶ್ ಬಿಕೆ ನಿರ್ಮಾಣದ ರೂಪಾಯಿಯಲ್ಲಿ ಚಂದನಾ ರಾಘವೇಂದ್ರ, ಮೈತ್ರಿ ಜಗದೀಶ್, ರಾಮ್ ಚಂದನ್, ಪ್ರಮೋದ್ ಶೆಟ್ಟಿ, ಅನಿಲ್ ಕುಮಾರ್ ಮತ್ತು ಕೃತಿ ಗೌಡ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಚಿತ್ರಕ್ಕೆ ಆನಂದ್ ರಾಜಾವಿಕ್ರಂ ಸಂಗೀತ ಮತ್ತು ಆರ್ಡಿ ನಾಗಾರ್ಜುನ್ ಛಾಯಾಗ್ರಹಣವಿದೆ.

ಪ್ರಜ್ವಲ್ ದೇವರಾಜ್ ಅಭಿನಯದ ಗಾನ ಮತ್ತು ನಟ ಕಿಶೋರ್ ಅವರೊಂದಿಗೆ ಇನ್ನೂ ಹೆಸರಿಡದ ಸಿನಿಮಾಗಳಲ್ಲಿ ಕೃಷಿ ಕಾಣಿಸಿಕೊಳ್ಳಲಿದ್ದಾರೆ. ಈ ಸಿನಿಮಾಗಳು ಬಿಡುಗಡೆಗೆ ಸಿದ್ಧವಾಗಿವೆ.

ರೂಪಾಯಿ ಚಿತ್ರ ಫೆ.10ಕ್ಕೆ ಬಿಡುಗಡೆ ಆಗಲಿದೆ.
___