‘ಟೈಗರ್ 3’ ಸಿನಿಮಾಗೆ ಫ್ಯಾನ್ಸ್ ಫಿದಾ!

ಸಲ್ಮಾನ್​ ಖಾನ್​ ಮತ್ತು ಕತ್ರಿನಾ ಕೈಫ್​ ಅಭಿನಯದ ಬಹುನಿರೀಕ್ಷಿತ  ‘ಟೈಗರ್ 3’ ಸಿನಿಮಾವನ್ನು ಅಭಿಮಾನಿಗಳು ಅದ್ಧೂರಿಯಾಗಿ ಸ್ವಾಗತಿಸಿದ್ದಾರೆ.

ನವೆಂಬರ್ 12ರ ಭಾನುವಾರ ‘ಟೈಗರ್ 3’ ತೆರೆಗಪ್ಪಳಿಸಿದೆ. ಈ ಸಿನಿಮಾ ವೀಕ್ಷಿಸಲು ಬಹು ದಿನಗಳಿಂದ ಕಾತರರಾಗಿದ್ದ ಅಭಿಮಾನಿಗಳು ತಮ್ಮ ಉತ್ಸಾಹ ವ್ಯಕ್ತಪಡಿಸಿದ್ದಾರೆ. ಸಿನಿಮಾ ಬಿಡುಗಡೆ ಹಿನ್ನೆಡೆ ಹಲವೆಡೆ ಅದ್ಧೂರಿ ಸೆಲೆಬ್ರೇಷನ್​​ ನಡೆದಿದೆ. ಸಾಮಾಜಿಕ ಮಾಧ್ಯಮದಲ್ಲಿ ಸೆಲೆಬ್ರೇಷನ್​ ವಿಡಿಯೋಗಳು ವೈರಲ್ ಆಗುತ್ತಿವೆ.

ಮನೀಶ್ ಶರ್ಮಾ ನಿರ್ದೇಶನದ ಈ ಚಿತ್ರದಲ್ಲಿ ಇಮ್ರಾನ್ ಹಶ್ಮಿ ಅವರು ಸಲ್ಲು ವಿರೋಧಿಯಾಗಿ ಕಾಣಿಸಿಕೊಂಡಿದ್ದಾರೆ. ಇದು ‘ಯಶ್​ ರಾಜ್​ ಫಿಲ್ಮ್ಸ್’ ನಿರ್ಮಾಣದ ಪವರ್ ಪ್ಯಾಕ್ಡ್ ಆಕ್ಷನ್ ಮೂವಿ ‘ಟೈಗರ್’ನ ಮೂರನೇ ಭಾಗ ಆಗಿದೆ.

‘ಟೈಗರ್ 3’  ಸಿನಿಮಾ ಬಿಡುಗಡೆಗೂ ಮುನ್ನವೇ ​​ ಸೌಂಡ್​ ಮಾಡಿತ್ತು. ಪ್ರಚಾರ ಕೂಡ ಜೋರಾಗೇ ನಡೆದಿದೆ. ನಿರೀಕ್ಷೆ ಹೆಚ್ಚಿಸುವ ಸಲುವಾಗಿ ಸ್ಪೆಷಲ್​ ವಿಡಿಯೋ, ಟೀಸರ್, ಟ್ರೇಲರ್, ಸಾಂಗ್ಸ್​ಗಳನ್ನು ಹಂತ ಹಂತವಾಗಿ ಅನಾವರಣಗೊಳಿಸಲಾಗಿತ್ತು. ಸಲ್ಮಾನ್ ಖಾನ್ ಮತ್ತು ಕತ್ರಿನಾ ಕೈಫ್ ಜೋಡಿಯ ವರ್ಣರಂಜಿತ ನೃತ್ಯ ಅಭಿಮಾನಿಗಳ ಗಮನ ಸೆಳೆದಿತ್ತು.

ಅಭಿಮಾನಿಗಳು ಪ್ರೀತಿಯ ಧಾರೆಯೆರೆದರೆ, ಹಲವರು ಸಿನಿಮಾ ಸಾಧಾರಣವಾಗಿದೆ ಎಂಬರ್ಥದಲ್ಲಿ ಪ್ರತಿಕ್ರಿಯೆ ವ್ಯಕ್ತಪಡಿಸುತ್ತಿದ್ದಾರೆ.​ ಸೊಷಿಯಲ್​ ಮೀಡಿಯಾ ಪ್ಲಾಟ್​ಫಾರ್ಮ್ Xನಲ್ಲಿ ಸಿನಿಮಾ ವೀಕ್ಷಿಸಿರುವ ಪ್ರೇಕ್ಷಕರು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಅಭಿಮಾನಿಗಳು ಬ್ಲಾಕ್‌ಬಸ್ಟರ್ ಸಿನಿಮಾ ಎಂದು ಕರೆದರೆ, ಕೆಲ ಪ್ರೇಕ್ಷಕರು ‘ಟೈಗರ್ 3’ ಪಠಾನ್ ಮತ್ತು ಇತರ ಸ್ಪೈ ಸಿನಿಮಾಗಳ ನಕಲು ಎಂದು ತಿಳಿಸಿದ್ದಾರೆ.

——