ನವೆಂಬರ್ 20 ರಿಂದ ಗೋವಾದಲ್ಲಿ ಚಲನಚಿತ್ರೋತ್ಸವ

ಗೋವಾದಲ್ಲಿ ನವೆಂಬರ್ 20 ರಿಂದ 28ರ ವರೆಗೆ ‘ಇಂಟರ್​ನ್ಯಾಷನಲ್ ಫಿಲ್ಮ್ ಫೆಸ್ಟಿವಲ್ ಆಫ್ ಇಂಡಿಯಾ’ ನಡೆಯಲಿದೆ.

ನ್ಯಾಷನಲ್ ಫಿಲ್ಮ್ ಡೆವಲಪ್‌ಮೆಂಟ್ ಕಾರ್ಪೊರೇಷನ್ ಲಿಮಿಟೆಡ್ ಈ ಬಹುನಿರೀಕ್ಷಿತ ಚಲನಚಿತ್ರೋತ್ಸವವನ್ನು ಆಯೋಜಿಸುತ್ತಿದೆ. ಇಲ್ಲಿ ಹಲವು ಸಿನಿಮಾಗಳನ್ನು ಪ್ರದರ್ಶಿಸಲಾಗುತ್ತದೆ.  ಸಿನಿತಾರೆಯರು ಮತ್ತು ಸಿನಿಪ್ರಿಯರ ನಡುವೆ ಸಂಪರ್ಕ ಸೃಷ್ಟಿಸುವ ಉದ್ದೇಶವನ್ನು ಈ ಕಾರ್ಯಕ್ರಮ ಹೊಂದಿದೆ.

ಸಲ್ಮಾನ್ ಖಾನ್ ಸಂಬಂಧಿ ಅಲಿಜೆ ಅಗ್ನಿಹೋತ್ರಿ ನಟಿಸಿರುವ ಫಾರೆ ಜೊತೆ ಹಲವು ಸಿನಿಮಾಗಳು ಗೋವಾದಲ್ಲಿ ನಡೆಯಲಿರುವ ಪ್ರತಿಷ್ಠಿತ ಚಲನಚಿತ್ರೋತ್ಸವದ ಭಾಗವಾಗಿ ಪ್ರದರ್ಶನಗೊಳ್ಳಲಿದೆ.  ಇಲ್ಲಿ ಪಂಕಜ್ ತ್ರಿಪಾಠಿ ಅವರ ‘ಕಡಕ್ ಸಿಂಗ್’ ಮತ್ತು ವಿಜಯ್ ಸೇತುಪತಿ, ಅರವಿಂದ್ ಸ್ವಾಮಿ ಮತ್ತು ಅದಿತಿ ರಾವ್ ಹೈದರಿ ನಟಿಸಿರುವ, ಎ.ಆರ್ ರೆಹಮಾನ್ ಸಂಗೀತವಿರುವ ‘ಗಾಂಧಿ ಟಾಕ್ಸ್‌’ ಪ್ರೀಮಿಯರ್  ನಡೆಯಲಿದೆ. ಮಿಲಿಂದ್ ರಾವ್ ಅವರ ‘ದಿ ವಿಲೇಜ್’ ಚಿತ್ರವನ್ನೂ ಕೂಡ ಈ ಉತ್ಸವದಲ್ಲಿ ಪ್ರದರ್ಶಿಸಲಾಗುತ್ತದೆ.

ಸಿನಿಮಾಗಳು ಮತ್ತು ಟೆಲಿವಿಷನ್​​ ಸೀರಿಸ್​​​ಗಳನ್ನು “ಗಾಲಾ ಪ್ರೀಮಿಯರ್ಸ್”ನ ಭಾಗವಾಗಿ ಪ್ರದರ್ಶಿಸಲಾಗುತ್ತದೆ. ಇದೊಂದು ಸಿನಿಮಾ ತಾರೆಯರು – ಸಿನಿಪ್ರಿಯರ ನಡುವೆ ಸಂಬಂಧವನ್ನು ಬೆಳೆಸಲು ಹೊಸದಾಗಿ ಪರಿಚಯಿಸಲಾಗಿರುವ ಕಾರ್ಯಕ್ರಮ ಆಗಿದೆ.

ಗೋವಾ ಇಂಟರ್​ನ್ಯಾಷನಲ್ ಫಿಲ್ಮ್ ಫೆಸ್ಟಿವಲ್ ಆಫ್ ಇಂಡಿಯಾ 2023ರ ಕೊನೆಯ ದಿನ ಹಾಲಿವುಡ್ ನಟ ಮೈಕೆಲ್ ಡೌಗ್ಲಾಸ್  ಚಿತ್ರೋತ್ಸವದಲ್ಲಿ ಭಾಗಿ ಆಗಲಿದ್ದಾರೆ. ಮೈಕೆಲ್ ಡೌಗ್ಲಾಸ್ ಅವರು ‘ಸತ್ಯಜಿತ್ ರೇ ಎಕ್ಸಲೆನ್ಸ್ ಇನ್ ಫಿಲ್ಮ್ ಲೈಫ್ಟೈಮ್ ಅವಾರ್ಡ್’ ಸ್ವೀಕರಿಸಲಿದ್ದಾರೆ.

—–