’45’ ರಲ್ಲಿ ಉಗಾಂಡಾದ ‘ಘೆಟ್ಟೋ ಕಿಡ್ಸ್’

ಅರ್ಜುನ್ ಜನ್ಯ  ನಿರ್ದೇಶನದ ’45’ ಚಿತ್ರದಲ್ಲಿ ಉಗಾಂಡಾದ ವೈರಲ್ ನೃತ್ಯ ಗುಂಪಾದ ‘ಘೆಟ್ಟೋ ಕಿಡ್ಸ್’   ಹೈ-ಎನರ್ಜಿ ಪ್ರಚಾರ ಹಾಡಿನಲ್ಲಿ ಕಾಣಿಸಿಕೊಳ್ಳಲಿದೆ.

ಅದ್ಭುತ ನೃತ್ಯ ಮತ್ತು ಜಾಗತಿಕ ಚಾರ್ಮ್ ಹೊಂದಿರುವ ಘೆಟ್ಟೋ ಕಿಡ್ಸ್  ಪ್ರೇಕ್ಷಕರನ್ನು ಬೆರಗುಗೊಳಿಸಿದೆ.  ’45’ ಚಿತ್ರದಲ್ಲಿ ಶಿವರಾಜ್‌ಕುಮಾರ್, ಉಪೇಂದ್ರ ಮತ್ತು ರಾಜ್ ಬಿ ಶೆಟ್ಟಿ ಅವರೊಂದಿಗೆ ‘ಘೆಟ್ಟೋ ಕಿಡ್ಸ್’  ಹೆಜ್ಜೆ ಹಾಕಲಿದೆ. ಹಾಡಿಗೆ ಜಾನಿ ಮಾಸ್ಟರ್ ನೃತ್ಯ ಸಂಯೋಜನೆ ಮಾಡಲಿದ್ದಾರೆ.   ಹಾಡಿನ ಚಿತ್ರೀಕರಣ ಜೂನ್ 15 ರಂದು ಪ್ರಾರಂಭವಾಗಲಿದೆ.

ಹಾಡಿನ ಗಾತ್ರ  ದೊಡ್ಡದಾಗಿದೆ. ಇದರ ಚಿತ್ರೀಕರಣಕ್ಕಾಗಿ ನಿರ್ಮಾಣ ಸಂಸ್ಥೆ 2.5 ಕೋಟಿ ರೂ.  ಹಣವನ್ನು ಮೀಸಲಿಟ್ಟಿದೆ. ಇದು ವರ್ಣರಂಜಿತ, ಮೋಜಿನ ಮತ್ತು ಎನರ್ಜಿಯಿಂದ ತುಂಬಿರುತ್ತದೆ. ಈ ಸಹಯೋಗ  ಕನ್ನಡದ ಸಂಗೀತ ಮತ್ತು ಸಿನಿಮಾ ಜಾಗತಿಕ ಪ್ರೇಕ್ಷಕರನ್ನು ತಲುಪಲು ಸಹಾಯ ಮಾಡುತ್ತದೆ  ಎಂದು ಅರ್ಜುನ್ ಜನ್ಯ ಹೇಳಿಕೊಂಡಿದ್ದಾರೆ.

‘ಇದು ಹೆಮ್ಮೆಯ ಕ್ಷಣ’. ಘೆಟ್ಟೋ ಕಿಡ್ಸ್ ಲಕ್ಷಾಂತರ ಅನುಯಾಯಿಗಳನ್ನು ಹೊಂದಿದೆ. ನಾವು ಕನ್ನಡ ಹಾಡನ್ನು ಅಂತರರಾಷ್ಟ್ರೀಯ ವೇದಿಕೆಗೆ ಕೊಂಡೊಯ್ಯುತ್ತಿದ್ದೇವೆ ಎಂದು ಹೇಳಿದ್ದಾರೆ.

ಸೂರಜ್ ಪ್ರೊಡಕ್ಷನ್ಸ್ ಬ್ಯಾನರ್ ಅಡಿಯಲ್ಲಿ ರಮೇಶ್ ರೆಡ್ಡಿ ನಿರ್ಮಿಸಿರುವ ’45’ ಚಿತ್ರ ಆಗಸ್ಟ್‌ನಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಚಿತ್ರ ಬಹು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.

—-