ಹರ್ಷಿತ ಚಿತ್ರಾಲಯ ಲಾಂಛನದಲ್ಲಿ ಎ.ಎಸ್.ನವೀನ್ ಕುಮಾರ್ ಅವರು ನಿರ್ಮಿಸುತ್ತಿರುವ `ಗರ್ನಲ್` ಚಿತ್ರದ ಚಿತ್ರೀಕರಣ ಮುಕ್ತಾಯವಾಗಿದೆ. ಬೆಂಗಳೂರು, ಮಡಿಕೇರಿ, ಮಂಡ್ಯ, ಮೈಸೂರು ಮುಂತಾದ ಕಡೆ ಚಿತ್ರಕ್ಕೆ 30ದಿನಗಳ ಕಾಲ ಚಿತ್ರೀಕರಣ ನಡೆದಿದೆ.
ಸಸ್ಪೆನ್ಸ್, ಥ್ರಿಲ್ಲರ್ ಹಾಗೂ ಸಾಹಸಮಯ ಕಥಾಹಂದರ ಹೊಂದಿರುವ ಈ ಚಿತ್ರವನ್ನು ಶ್ರೀನಿವಾಸ್ ಜೆ.ಜೆ ನಿರ್ದೇಶಿಸುತ್ತಿದ್ದಾರೆ. ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿರುವ ನಿರ್ದೇಶಕ ಶ್ರೀನಿವಾಸ್ ಜೆ.ಜೆ ಈ ಚಿತ್ರದ ನಾಯಕನಾಗೂ ಅಭಿನಯಿಸಿದ್ದಾರೆ. ಈ ಹಿಂದೆ. ಶ್ರೀನಿವಾಸ್ `ಮಂಡ್ಯದ ಹುಡುಗರು` ಚಿತ್ರದಲ್ಲಿ ಅಭಿನಯಿಸಿದ್ದರು. ರೇಖಶ್ರೀ, ರಾಘವ್‍ನಾಗ್, ಪ್ರಭಾಸ್, ಶ್ರೀನಿವಾಸ್ ಜಿ.ಟಿ, ಎಂ.ಕೆ.ಮಠ, ಲಕ್ಷ್ಮೀ, ತಮ್ಮಣ್ಣ ಮುಂತಾದವ್ರು ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ.
2 ಹಾಡುಗಳಿರುವ ಚಿತ್ರಕ್ಕೆ ಎ.ಟಿ.ರವೀಶ್ ಸಂಗೀತ ನೀಡಿದ್ದಾರೆ. ಎಂ.ಬಿ.ಹಳ್ಳಿಕಟ್ಟಿ ಛಾಯಾಗ್ರಹಣ, ಸಂಜೀವರೆಡ್ಡಿ ಸಂಕಲನ, ರವಿವರ್ಮ, ಜಿ.ಟಿ.ಶ್ರೀನಿವಾಸ್ ಸಾಹಸ ನಿರ್ದೇಶನ ಹಾಗೂ ಜೋಗಿ ಕಲಾ ನಿರ್ದೇಶನ ಈ ಚಿತ್ರಕ್ಕಿದೆ.
Pingback: 주소모아