Movie Review: ಫಾರೆಸ್ಟ್ ದೋಚುವವರ ಕಥೆ

ಚಿತ್ರ: ಫಾರೆಸ್ಟ್
ನಿರ್ದೇಶನ: ಚಂದ್ರ ಮೋಹನ್
ತಾರಾಗಣ: ಚಿಕ್ಕಣ್ಣ, ಅನೀಶ್ ತೇಜೇಶ್ವರ್, ಗುರು ನಂದನ್, ಅರ್ಚನಾ ಕೊಟ್ಟಿಗೆ, ಶರಣ್ಯ ಶೆಟ್ಟಿ, ರಂಗಾಯಣ ರಘು ಇತರರು
ರೇಟಿಂಗ್: 3.5

ಹಣದ ಸಮಸ್ಯೆಯಿಂದ ಬಳಲುವ ಐವರು ಕಾಡಿನ ಸಂಪತ್ತಿಗೆ ಕೈ ಹಾಕಿ ಪಡುವ ಹಾರರ್ ಕಥೆಯುಳ್ಳ ಸಿನಿಮಾ ಈ ವಾರ ತೆರೆಗೆ ಬಂದಿರುವ ಫಾರೆಸ್ಟ್.

ಚಿತ್ರದಲ್ಲಿ ರೋಚಕತೆ, ಥ್ರಿಲ್ಲರ್ ಜೊತೆಗೆ ಹಾಸ್ಯದ ಲೇಪದೊಂದಿಗೆ ಸಾಹಸದ ಚಿತ್ರವನ್ನು ಪ್ರೇಕ್ಷಕರ ಮುಂದೆ ಇಡುವ ಯತ್ನವನ್ನು ನಿರ್ದೇಶಕ ಚಂದ್ರಮೋಹನ್ ಮಾಡಿದ್ದಾರೆ. ಹಣದ ಅಗತ್ಯ ಇರುವ ಐದು ಜನ ಕಾಡಿನ ಸಂಪತ್ತನ್ನು ದೋಚಲು ಮುಂದಾದಾಗ ಏನಾಗುತ್ತದೆ ಎನ್ನುವುದನ್ನು ಸಿನಿಮಾ ನೋಡಿ ತಿಳಿಯಬೇಕು.

ನಿರ್ದೇಶಕರು ಚಿತ್ರದಲ್ಲಿ ನಾನಾ ನಿರೂಪಣೆಯ ತಂತ್ರಗಳನ್ನು ಬಳಸಿದ್ದಾರೆ. ಚಿತ್ರದಲ್ಲಿ ಕುತೂಹಲದ ಜೊತೆಗೆ ಥ್ರಿಲ್ಲಿಂಗ್ ಅನುಭವ ಪ್ರೇಕ್ಷಕರಿಗೆ ಸಿಗುತ್ತದೆ. ರಂಗಾಯಣ ರಘು ಹಾಗೂ ಚಿಕ್ಕಣ್ಣ ನಗುವಿನ ಹೊಳೆಯನ್ನು ಹರಿಸುತ್ತಾರೆ.

ಚಿತ್ರದಲ್ಲಿ ಅರ್ಚನಾ ಕೊಟ್ಟಿಗೆ ಕ್ರಶ್ ಆಗಿ ಕಾಣಿಸಿಕೊಂಡಿದ್ದಾರೆ. ಅನೀಶ್ ತೇಜೇಶ್ವರ್ ತಮ್ಮ ಪ್ರತಿಭೆಯನ್ನು ಚಿತ್ರದಲ್ಲಿ ತೋರಿಸಿದ್ದಾರೆ. ಗುರುನಂದನ್ ಮುಗ್ಧ ಆಗಿ ಕಾಣಿಸಿಕೊಂಡಿದ್ದಾರೆ. ವೀರ ಹೆಸರಿನ ಆತ್ಮದ ಪಾತ್ರಧಾರಿ ಚಿತ್ರದ ಅರ್ಧ ಹೀರೋ ಎನಿಸಿಕೊಳ್ಳುತ್ತದೆ. ಶರಣ್ಯ ಶೆಟ್ಟಿ ಅವರ ಪಾತ್ರ ಗಮನ ಸೆಳೆಯುತ್ತದೆ.

ಥ್ರಿಲ್ಲರ್ ಚಿತ್ರ ಇಷ್ಟ ಪಡುವವರಿಗೆ ಫಾರೆಸ್ಟ್ ಖುಷಿ ನೀಡಬಹುದು.