ಕಾಟೇರ ಚಿತ್ರ ತಂಡಕ್ಕೆ ಸನ್ಮಾನ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಕಾಟೇರ ಚಿತ್ರ ರೈತರ ಮನಸ್ಸು ಗೆದ್ದಿದ್ದು, ಜನವರಿ 26ರಂದು ಕರ್ನಾಟಕ ರಾಜ್ಯ ರೈತ ಸಂಘ ಚಿತ್ರತಂಡಕ್ಕೆ ಅದ್ದೂರಿ ಸನ್ಮಾನ ಕಾರ್ಯಕ್ರಮವನ್ನು ಆಯೋಜಿಸಿದೆ.

ಜನವರಿ 26ರ ಸಂಜೆ 6.30 ಗಂಟೆಗೆ ಪಾಂಡವಪುರದಲ್ಲಿ ಸನ್ಮಾನ ಕಾರ್ಯಕ್ರಮ ನಡೆಯಲಿದೆ. ಕೆ ಎಸ್ ಪುಟ್ಟಣ್ಣಯ್ಯ ಅವರ 75ನೇ ಜನ್ಮದಿನೋತ್ಸವ ಪ್ರಯುಕ್ತ ಪಾಂಡವಪುರದ ಪಾಂಡವಪುರ ಕ್ರೀಡಾಂಗಣದಲ್ಲಿ ನಡೆಯುವ ಕಾರ್ಯಕ್ರಮದಲ್ಲಿ ಚಿತ್ರತಂಡವನ್ನು ಅಭಿನಂದಿಸಲಾಗುವುದು.

ಜನವರಿ-26 ರಂದು ಮಧ್ಯಾಹ್ನ 3 ಗಂಟೆಯಿಂದ ಸಂಜೆ 6 ಗಂಟೆವರೆಗೂ ವಿವಿಧ ಕಾರ್ಯಕ್ರಮ ಆಯೋಜಿಸಲಾಗಿದೆ. 25 ಕಲಾ ತಂಡಗಳು, 25 ಜೋಡೆತ್ತುಗಳ ಮೆರವಣಿಗೆ ಇರುತ್ತದೆ. ಈ ಮರವಣಿಗೆ ಪಾಂಡಪುರ ಪ್ರಮುಖ ರಸ್ತೆಯಲ್ಲಿ ಸಂಚರಿಸಲಿದೆ. ಮೆರವಣಿಗೆಯಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮತ್ತು ಶಾಸಕ ದರ್ಶನ್ ಪುಟ್ಟಣ್ಣಯ್ಯ ಅವರು ಭಾಗಿ ಆಗಲಿದ್ದಾರೆ.

ಸಂಜೆ 6.30 ಕ್ಕೆ ಕಾಟೇರ ಚಿತ್ರ ತಂಡವನ್ನು ರಾಜ್ಯ ರೈತ ಸಂಘ ಸನ್ಮಾನಿಸಲಿದೆ. ಈ ಹಿನ್ನೆಲೆಯಲ್ಲಿ  ಚಿತ್ರತಂಡ, ಸಂಸದೆ ಸುಮಲತಾ ಅಂಬರೀಶ್ ಅವರನ್ನೂ ಆಹ್ವಾನಿಸಲಾಗಿದೆ. ಚಿತ್ರದ ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್‌, ಡೈರೆಕ್ಟರ್ ತರುಣ್ ಸುಧೀರ್, ನಾಯಕಿ ಆರಾಧನಾ ರಾಮ್, ಮಾಲಾಶ್ರೀ, ಶೃತಿ, ರೈಟರ್ ಜಡೇಶ್ ಹಂಪಿ, ಮಾಸ್ತಿ ಕೂಡ ಆಗಮಿಸುತ್ತಿದ್ದಾರೆ.

ಇದೇ ಸಮಾರಂಭದಲ್ಲಿ ಕನ್ನಡದ ಮೂವರು ನಟಿಯರು ವಿಶೇಷ ಕಾರ್ಯಕ್ರಮ ಕೊಡಲಿದ್ದಾರೆ.  ರೈತರ ಪರವಾದ ಕಾಟೇರ ಚಿತ್ರದಿಂದ ರಾಜ್ಯದ ರೈತರು ಪ್ರಭಾವಿತರಾಗಿದ್ದಾರೆ. ರೈತರು ಈ ಚಿತ್ರವನ್ನು ಥಿಯೇಟರ್‌ಗೆ ಹೋಗಿ ನೋಡುತ್ತಿದ್ದಾರೆ.

——-