ಅಲ್ಲು ಅರ್ಜುನ್ ನಟನೆಯ ಪುಷ್ಪ2 ಚಿತ್ರ ಡಿಸೆಂಬರ್ 6 ರಂದು ಬಿಡುಗಡೆ ಆಗಲಿದ್ದು, ಇದೇ ದಿನ ಕನ್ನಡದ ಧೀರ ಭಗತ್ ರಾಯ್ ರಿಲೀಸ್ ಆಗಲಿದೆ. ಪುಷ್ಪ ವಿರುದ್ಧ ನಮ್ಮ ಗೆಲವು ಖಂಡಿತ ಎಂದು ಚಿತ್ರತಂಡ ವಿಶ್ವಾಸ ವ್ಯಕ್ತಪಡಿಸಿದೆ.
ಬಾಹುಬಲಿ ಚಿತ್ರದ ಎದುರು ರಂಗಿತರಂಗ ಗೆದ್ದಿತ್ತು. ಅದೇ ರೀತಿ ಪುಷ್ಪ2 ವಿರುದ್ಧ ನಮ್ಮ ಚಿತ್ರ ಗೆಲ್ಲಲಿದೆ. ನಮಗೆ ಥಿಯೇಟರ್ ಸಮಸ್ಯೆ ಆಗಲ್ಲ ಎಂದು ನಿರ್ದೇಶಕ ಕರ್ಣನ್ ಹೇಳಿದ್ದಾರೆ.
ಪುಷ್ಪ 2 ವಿತರಕರಿಗೆ ಧೀರ ಭಗತ್ ರಾಯ್ ತಂಡ ಖಡಕ್ ಎಚ್ಚರಿಕೆ ನೀಡಿದೆ. ರಂಗಿತರಂಗದ ಗೆಲುವು ಪುಷ್ಪ2 ಬಿಡುಗಡೆಯಂದೇ ಈ ಚಿತ್ರ ರಿಲೀಸ್ ಮಾಡಲು ಕಾರಣ ಎಂದು ಚಿತ್ರತಂಡ ಹೇಳಿಕೊಂಡಿದೆ.
ಸ್ಯಾಂಡಲ್ವುಡ್ ಸಲಗ ವಿಜಯಕುಮಾರ್ ಬೆನ್ನಿಗೆ ನಿಂತಿದ್ದಾರೆ. ಅವರು ನಮಗೆ ದೊಡ್ಡ ಶಕ್ತಿ. ವೀರ ಭಗತ್ ರಾಯ್ ಟ್ರೈಲರ್ ಕನ್ನಡ ಪ್ರೇಕ್ಷಕರ ಹೃದಯ ಗೆದ್ದಿದೆ ಎಂದು ಚಿತ್ರ ತಂಡ ಹೇಳಿದೆ.
ಚಿತ್ರದಲ್ಲಿ ರಾಕೇಶ್ ದಳವಾಯಿ ನಾಯಕ ಆಗಿ, ಸುಚರಿತ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಉಳಿದಂತೆ ಶರತ್ ಲೋಹಿತಾಶ್ವ, ನೀನಾಸಂ ಅಶ್ವಥ್, ಪ್ರವೀಣ್ ಗೌಡ, ಹರಿರಾಮ್, ಸುದೀಪ್ ಕುಮಾರ್ ಮುರೋಲಿ ಸೇರಿದಂತೆ ಹಲವರು ತಾರಾಗಣದಲ್ಲಿದ್ದಾರೆ.
ವೈಟ್ ಲೋಟಸ್ ಎಂಟರ್ಟೈನ್ಮೆಂಟ್ ಮತ್ತು ಶ್ರೀ ಓಂ ಸಿನಿ ಎಂಟರ್ಟೈನರ್ಸ್ ಬ್ಯಾನರ್ ಅಡಿಯಲ್ಲಿ ಈ ಚಿತ್ರ ನಿರ್ಮಾಣವಾಗಿದೆ. ಚಿತ್ರಕ್ಕೆ ಪೂರ್ಣಚಂದ್ರ ತೇಜಸ್ವಿ ಸಂಗೀತ ಸಂಯೋಜಿಸಿದ್ದಾರೆ. ಸೆಲ್ವಂ ಜಾನ್ ಛಾಯಾಗ್ರಹಣ ಮಾಡಿದ್ದಾರೆ. ಎನ್ಎಂ ವಿಶ್ವ ಸಂಕಲನ ಚಿತ್ರಕ್ಕಿದೆ.
ತೆಲುಗು ಚಿತ್ರದ ಎದುರು ಸೆಣಸುತ್ತಿರುವ ಕನ್ನಡ ಚಿತ್ರ, ಪ್ರೇಕ್ಷಕರಿಂದ ಉತ್ತಮ ಸ್ಪಂದನೆಯನ್ನು ನಿರೀಕ್ಷಿಸಿದೆ.
Be the first to comment