ಈ ವಾರ ತೆರೆಗೆ ‘ಡೆಮೋ ಪೀಸ್’

‘ಡೆಮೋಪೀಸ್’ ಹೆಸರಿನ ಸಿನಿಮಾ ಈ ವಾರ ಬಿಡುಗಡೆಯಾಗಲಿದೆ.

“ಪ್ರೇಮಿಗಳ ದಿನಾಚರಣೆ ಯಂದು ಡೆಮೋಪೀಸ್ ತೆರೆಕಾಣಲಿದೆ. ಮೊದಲ ಪ್ರೇಮಕ್ಕೆ ಪ್ರೇಮಿ ಕೂಡ ಹೇಗೆ ಡೆಮೋ ಪೀಸ್ ಎನ್ನುವುದು ಚಿತ್ರದ ಮೂಲಕ ತೋರಿಸಲಾಗಿದೆ. ಇದು ನನ್ನ ಮೊದಲ ಸಿನಿಮಾ. ನಾಯಕನ ಬಾಳಲ್ಲಿ ಒಂದು ಎಕ್ಸ್ ಪೀರಿಯನ್ಸ್ ಮಾಡಲಾಗುತ್ತೆ” ಎಂದು ನಿರ್ದೇಶಕ ವಿವೇಕ್ ಹೇಳಿದರು.

ನಾನು ಈ ಚಿತ್ರದಲ್ಲಿ ಹರ್ಷ ಎನ್ನುವ ಕಾಲೇಜ್ ಹುಡುಗನ ಪಾತ್ರ ಮಾಡುತ್ತಿದ್ದೇನೆ. ರೇಖಾ ಅವರ ಜೊತೆ ನಟಿಸಿದ್ದು ಖುಷಿ ಆಯಿತು ಎಂದು ನಾಯಕ ಭರತ್ ಬೋಪಣ್ಣ ಮಾಧ್ಯಮಕ್ಕೆ ತಿಳಿಸಿದರು.

ಚಿತ್ರದ ನಾಯಕಿ ಸೊನಾಲ್ ಮಾತನಾಡಿ , ಈ ಚಿತ್ರದಲ್ಲಿ ತಮಗೆ ಹೆಚ್ಚು ದೃಶ್ಯಗಳಿಲ್ಲ. ಆದರೆ ಇರುವ ಅವಕಾಶ ನೆನಪಿನಲ್ಲಿ ಉಳಿಯುವಂತಹ ಪಾತ್ರ” ಎಂದು ಹೇಳಿದರು.

ಚಿತ್ರಕ್ಕೆ ಸಂಗೀತ ಅರ್ಜುನ್ ರಾಮ್ ನೀಡಿದ್ದಾರೆ. ನಾಗಾರ್ಜುನ ಶರ್ಮ ಚಿತ್ರಕ್ಕೆ ಎರಡು ಹಾಡುಗಳಿಗೆ ಸಾಹಿತ್ಯ ಬರೆದಿದ್ದಾರೆ. ಸಂಚಿತ್ ಹೆಗ್ಡೆ, ಚಂದನ್ ಶೆಟ್ಟಿ ಹಾಡಿದ್ದಾರೆ. ಚಿತ್ರಕ್ಕೆ ಸಾಹಸ ಸಂಯೋಜನೆ ವಿಕ್ರಮ್ ಮೋರ್ ಮಾಡಿದ್ದಾರೆ. ನೃತ್ಯ ಸಂಯೋಜನೆ ಮದನ್ ಹರಿಣಿಜೋಡಿಯದ್ದು. ಖಳನಟನಾಗಿ ಚಕ್ರವರ್ತಿ ಚಂದ್ರಚೂಡ್ ನಟಿಸಿದ್ದಾರೆ.

ಈ ಚಿತ್ರದಲ್ಲಿ ಸ್ಪರ್ಶ ರೇಖಾ ಅವರು ನಾಯಕನ ತಾಯಿಯಾಗಿ ನಟಿಸುವುದರ ಜೊತೆಗೆ ನಿರ್ಮಾಪಕಿ ಕೂಡ ಆಗಿದ್ದಾರೆ. “ಇದೊಂದು ಕಮರ್ಷಿಯಲ್ ಸಿನಿಮಾ. ಜನ ಕೈ ಹಿಡಿಯುತ್ತಾರೆ ಎನ್ನುವ ಭರವಸೆ ಇದೆ” ಎಂದು ರೇಖಾ ಹೇಳಿದರು.